Lehen gizakiek, Adam eta Ebak, Jainkoari desobeditu zioten. Ondorioz, gizaki guztiok bekatu egiten dugu, sufritzen dugu eta hiltzen gara. a Baina esperantza dago gure egoerarentzat. Jehobak bere seme Jesu Kristoren bitartez, bekatu eta heriotzatik gu salbatzeko aukera eman digu. Bibliak irakasten duenaren arabera, Jesusek bere heriotzaren bitartez erreskatea eman zuen. Erreskatea norbait askatzeko ordaintzen den prezioa da. Jesusek ordaindu zuen prezioa bere giza bizi perfektua izan zen (Irakurri Mateo 20:28). Jesusek lurrean betirako bizitzeko eskubidea zuen. Baina eskubide horri uko egin zion, Adam eta Ebak galdu zuten guztia berreskuratzeko aukera izan dezagun. Horrela, berak eta Jehobak zenbat maite gaituzten ere erakutsi zuen. Ikasgai honek Jesusen heriotzagatik gure esker ona sakontzen lagunduko digu.

1. Nola laguntzen gaitu Jesusen heriotzak gaur egun?

Bekatariak garenez, Jehobak gogoko ez dituen gauza asko egiten ditugu. Hala ere, Jainkoaren lagun minak izan gaitezke ondorengoa eginez: gure bekatuengatik bihotzez damutuz, Jesu Kristoren bitartez Jehobari barkamena eskatuz, eta egindako hutsegiteak ez errepikatzeko ahal dugun guztia eginez (1 Joan 2:1). Bibliak dio: «Kristo bera ere giza bekatuengatik hil zen, eta behin betiko hil ere, errugabea errudunengatik, zuek Jainkoarengana eramateko» (1 Pedro 3:18).

2. Nola lagunduko gaitu Jesusen heriotzak etorkizunean?

Jehobak Jesus bidali zuen bere giza bizi perfektua eskaintzera «harengan sinesten duenik inor gal ez dadin, baizik betiko bizia izan dezan» (Joan 3:16). Jesusek egin zuenari esker, Adamen desobedientziak sortutako gauza txar guztiak laster konponduko ditu Jehobak. Zer esan nahi du honek? Jesusen sakrifizioan fedea dugula frogatzen badugu, lurrean paradisu batean bizitzaz betirako gozatzeko aukera izango dugula (Isaias 65:21-23).

 SAKONDUZ

3. Jesusen heriotzak bekatutik eta heriotzatik askatzen gaitu

1. A) Adam gizon perfektua zen. Baina bekatu egin zuenez, gizakia bekatu eta heriotzara bideratu zuen.

2. B) Jesus gizon perfektua zen. Berak Jainkoa obeditu zuenez, gizakia perfekziora eta betirako bizitzara bideratu zuen.

4. Jesusen heriotzak pertsona guztiak lagundu ahal ditu

 5. Erreskatea Jehobak egiten dizun opari bat da

Jehobaren lagunentzat, erreskatea opari pertsonala da. Adibidez, irakurri Galaziarrei 2:20 eta aztertu elkarrekin:

• Nola erakutsi zuen Paulo apostoluak berarentzat, erreskatea opari pertsonala zela?

Adamek bekatu egin zuenean, berak eta bere ondorengo guztiok heriotza zigorra jaso genuen. Baina Jehobak bere Semea hiltzera bidali zuen, zuk betirako bizitzaz gozatzeko aukera izateko.

Ondorengo bertsetak irakurtzen dituzun heinean, imajinatu nola sentitu zen Jehoba bere Semeak sufritzen zuen bitartean. Irakurri Joan 19:1-7, 16-18 eta aztertu elkarrekin:

• Nola sentitzen zara Jehobak eta Jesusek zure alde egin dutenarengatik?

 LABURPENA

Jesusen heriotzari esker, Jehobak gure bekatuak barkatu ahal dizkigu eta betirako bizi gaitezke.

Berrikuspena

• Zergatik hil zen Jesus?

• Zer zentzutan izan zen Jesusen giza bizi perfektua balio bereko erreskatea?

• Nola lagundu ahal dizu Jesusen heriotzak?