Bia sem, bia dzugi, ai bia wu amu Adam ban Éfa be nga bò Zamba melò. a Veda bia yi ki kanga bi toa nala. Yéhova a nga nòng ntsigen na a koré bia ai zen ya be Mòn woé Yésus Kristu. Bibel a yegele na, ai zen ya awu dié, Yésus a nga yaane ntang. Ntang o ne é dzom mot a yaane asu yi na a koré é mot mbòk. Ntang ya Yésus a nga yaane o nga be ntut énying woé (Lang’a Matéus 20:28). Éyòng Yésus a nga teb énying kòm a nga be dzam nying a si, a nga yaa bia zen na bi bi é dzom Adam ban Éfa be nga dzèè. A nga lere fe abim afé ban ai Yéhova ba ding bia. Ayègè di da yi bi vòli na bi ke osu na bia ve Zamba ngang asu ntang Yésus a nga ve.

1. Dzé awu Yésus da zu ai bia dzò a tarigi abog di?

Amu bi ne besem minsem, bia kare bò abui mam Yéhova a ding ki. Veda, bi ne dzam baala amvoé daan ai Yéhova nge bia singi minsem miaan, bi dzaage nyè bidzuga a dzoé Yésus Kristu asu abé bi he bò, bi vaa fe mengul mese asu yi na te bia bare ku a nsem (1 Yohannes 2:1). Bibel a dzo na: “Amu Kristu fe a nga wu asu minsem éyòng dzia mfaa ya bise, susuo mot asu minkòt, mbol yi na a ke ai bia abe Zamba”​ (1 Pétrus 3:18).

2. Awu Yésus da yi sò ai bia dzé melu ma zu?

Yéhova a nga lom Yésus a si asu yi na a zu ve ntut énying woé ai na “é mot ose a yebe nyè, a bò te dzang, ve a bi énying kòm” (Yohannes 3:16). Ai zen ya ntang, Yéhova a zu man vaa abé ase a ne a si mu amu nsem Adam. Nala a tilen na, nge mbunen waan o ne ngul a ntang Yésus té, bi ne dzam bi énying kòm a si éyòng ya yi veng’en paradis (Yésaya 65:21-​23).

 TUENE FAG

3. Awu Yésus da koré bia a nsem ai awu

1. Adam a nga be ntut mot, tegè ai nsem, nde a nga bò Zamba melò, a kèène ke ai mvòng bot a zen nsem ai awu

2. Yésus a nga be ntut mot, tegè ai nsem, a nga bò Zamba mewog, a ke ai mvòng bot a zen énying kòm, tegè ai nsem zing

4. Yésus a nga wu asu mot ose

 5. Ntang o ne éfaa ya sò bia abe Yéhova

Bemvoé be Yéhova ba yen ntang ane ngul éfaa ya Zamba a nga ve bò. Lang’a Galati 2:20 ai yalen a nsili hi:

• Dzé ya lere na apostel Paul a nga be a yene ntang ane éfaa Zamba a nga ve nyè?

Amvus nsem woé, Adam ai mvòng bot dzié be nga ke a mimbok mi awu. Veda, Yéhova a nga ve énying Mòn woé asu yi na bòn be Adam be nying a ntié kòm.

Ntié wò yi lang bifus bi Bibel bi tsaa bi, tam tsog dzé Yéhova a nga woren éyòng a nga yen ane Mòn woé a dzugi ai mintié. Lang’a Yohannes 19:1-7, 16-​18 ai yalen a nsili hi:

• Éyòng wò tsog dzé ya Yéhova ban Yésus be nga bò asu doé, dzé wò woren?

 OBALBAS

Ai zen ya ntang, Yéhova a ne dzam dzu minsem miaan, ai bi mbele ndi ya nying kòm.

Dzé bia baala

• Asu dzé Yésus a nga wu?

• Amu dzé Bibel a lere na énying Yésus é ne ntang wa yeane?

• Awu Yésus a ne wò dzam sò ai dzé?