AYEGHLE 27

Aval avé awu Yésu é ne bia kôre ?

A WOKH A NKOBE

Bia bo minsem, bia dzukh ya wu amu Adam ba Ève nge ki Adán ya Eva, minlughan ôsua be nga biane Nzame. a Ve, bi ne bele mebun naa mam ma ye tsen. Jehôva a nga ve é dzam é ne bia kôre nfa nsem ya awu ngalan é Moan wèñ, Yésu Christ. Bible a yeghle naa Yésu a nga yaane ntang ngalan awu dèñ. Ntang ô ne é tang ba yaane naa be kôre môt. É tang Yésu a nga yaane é ne éning dèñ é mbe kaa nsem. (A lang Matthieu 20:28.) Éyong Yésu a nga yebe naa a dzimle éning dèñ a si va, a nga ve é dzôm é ne ve naa bi bera bele é dzam Adam ya Ève be nga dzimle. Yésu a nga lere fe naa éñe ya Jehôva ba bira bia dzing. Ayeghle di, da ye bia vole naa bi veme n’yemane mbeng wèè nfa awu Yésu.

1. Aval avé awu Yésu da vole bia ému ?

Amu bi ne be-bo minsem, bi wôla bo é mam ma ve Jehôva n’nem abé. Ve, nge bia dzôbane minsem miè ya dzaa Jehôva bidzamgha ngalane Yésu Christ ye naa nge bi bo kaa bera baalé bikop biè, bi ne bele élat é ne ngu’u ya Nzame. (1 Jean 2:1) Bible a dzô naa : « Christ a nga wu éyong daa akal minsem, sôsôe a môt akal é bôt béé se ki sôsôe, naa a kee mia ébe Nzame. »—1 Pierre 3:18.

2. Aval avé awu Yésu da ye bia vole melu ma zu ?

Jehôva a nga lôm Yésu naa a zu ve éning dèñ é mbe kaa nsem « a bo naa é môt sese a lere mebun ébe ñe [Yésu] a taa wu, ve a bele éning é ne mbèmbèè. » (Jean 3:16) Ngalan é dzam Yésu a nga bo, Jehôva a nkuna vèè abé sese é nga so ya abian Adam. Dzam té da yili naa, nge bia lere mebun ébe atunegha Yésu, bi ne ning mbèmbèè a paradis nge ki paraíso a si va !—Esaïe 65:21-23.

A TUGHA FAS

Tugha yen amu dzé Yésu a nga ve éning dèñ ye aval bi ne buane do.

3. Awu Yésu da kôre bia nfa nsem ya awu

Daghane ÉNGENGENG, éyong té mia lèè minlang mia daghe nsili wa zu wi :

ÉNGENGENG : Amu dzé Yésu a nga wu?—Abong 1 (2:01)

Za dzam Adam a nga dzimle éyong a nga biane Nzame ?

A lang Beromain 5:12, éyong té mia lèè minlang mia daghe nsili wa zu wi :

Aval avé nsem Adam ô nga name éning duè ?

A lang Jean 3:16, éyong té mia lèè minlang mia daghe nsili wa zu wi :

Amu dzé Jehôva a nga lôm é Moan wèñ a si va ?

Adam a mbe kaa nsem, ve akal a nga bo Nzame melo a nga kôô boan be-bôt nsem ya awu
Yésu ñe a mbe fe kaa nsem, ve, akal a nga bo Nzame mewokh, boan be-bôt ba ye bera bo kaa nsem ya bele éning é ne mbèmbèè

4. Awu Yésu é ne bo abuan akal bôt bese

Daghane ÉNGENGENG, éyong té mia lèè minlang mia daghe nsili wa zu wi :

ÉNGENGENG : Amu dzé Yésu a nga wu?—Abong 2 (2:00)

Aval avé awu môt mboo é ne kôre abuiñ bôt ?

A lang 1 Timothée 2:5, 6, éyong té mia lèè minlang mia daghe nsili wa zu wi :

Adam a mbe kaa nsem, ve, akal a nga bo nsem, boan be-bôt besese ba bo minsem ya wu. Yésu a mbe fe kaa nsem ane Adam. Éde, nfa ye naa a tobe « ntang wa yiène », za dzam awu dèñ é nga bo ?

5. Ntang ô ne é das Jehôva a ve mina

Mengom Jehôva ma yen ntang ane é das a ve bo. Éfônan, a lang Begalate 2:20, éyong té mia lèè minlang mia daghe nsili wa zu wi :

Aval avé ntôl Paul nge ki Pablo a nga lere naa a mbe é yen ntang ane é das be nga ve ñe ?

Éyong Adam a nga bo nsem, éñe ya é mvong bôt dèñ ése be nga bele nsang awu. Ve, Jehôva a nga lôm é Moan wèñ naa a zu wu, nfa ye naa ô bele éning é ne mbèmbèè.

Nté wa ye lang bifus bia zu bi, simeghan é dzam Jehôva a mbe wôran éyong é Moan wèñ a mbe é dzukh. A lang Jean 19:1-7, 16-18, éyong té mia lèè minlang mia daghe nsili wa zu wi :