LESONI 27
E Vakabulai Keda Vakacava na Mate i Jisu?
Eda ivalavala ca, eda rarawa da qai mate ni rau talaidredre vua na Kalou na imatai ni veiwatini o Atama kei Ivi. a Ia e tiko na noda inuinui. E vakarautaka o Jiova na sala meda vakabulai kina mai na ivalavala ca kei na mate, ni vakayagataki luvena o Jisu Karisito. E kaya na iVolatabu ni mate i Jisu e vakarautaki kina na ivoli. Na ivoli e dau saumi me sereki kina e dua. E voli keda tale ga o Jisu ni cabora nona bula uasivi. (Wilika Maciu 20:28.) Ni yalorawarawa o Jisu me mate ena vukuda, eda na rawata tale kina na bula tawamudu e rau vakayalia o Atama kei Ivi. E vakaraitaka tale ga o Jisu na levu ni nodrau lomani keda vakaveitamani. Ena vukei iko na lesoni qo mo vakavinavinakataka na mate i Jisu.
1. E yaga vakacava na mate i Jisu vei keda nikua?
Nida ivalavala ca, eda dau cakava e levu na ka e cata o Jiova. Ia ke da veivutunitaka noda ivalavala ca qai kerea na veivosoti i Jiova ena vuku i Jisu Karisito, da qai kua ni cakava tale na noda cala, eda na marautaka noda veiwekani voleka kei na Kalou. (1 Joni 2:1) E kaya na iVolatabu: “Ni mate ga vakadua o Karisito me baleta na ivalavala ca, na tamata yalododonu ena vukudra na sega ni yalododonu, me tuberi kemuni kina vua na Kalou.”—1 Pita 3:18.
2. Ena yaga vakacava na mate i Jisu ena gauna se bera mai?
O Jiova e talai Jisu me cabora na nona bula uasivi “mera kua ni rusa kina o ira na vakaraitaka nodra vakabauti [Jisu], . . . mera rawata ga na bula tawamudu.” (Joni 3:16) Ena vuku i Jisu, o Jiova sa na vakarau kauta laivi kece na veika ca e vu mai na talaidredre i Atama. Kena ibalebale, ke da cakacakataka na noda vakabauta na isoro i Jisu, eda na marautaka na bula tawamudu ena parataisi e vuravura!—Aisea 65:21-23.
VAKEKELI
Saga mo kila vinaka na vuna e solia kina nona bula o Jisu, kei na kena yaga vei iko.
3. Na mate i Jisu e sereki keda mai na ivalavala ca kei na mate
Sarava na VIDIO, qai veivosakitaka na taro qo.
-
E uasivi o Atama, ia e talaidredre vua na Kalou qai vakavuna noda ivalavala ca kei na mate
-
E uasivi o Jisu, e talairawarawa vua na Kalou qai vakavuna meda bula uasivi meda rawata tale ga na bula tawamudu
4. E yaga vei keda kece na mate i Jisu
Sarava na VIDIO, qai veivosakitaka na taro qo.
-
E yaga vakacava vei keda kece nona mate e dua ga na tamata?
Wilika 1 Timoci 2:5, 6, qai veivosakitaka na taro qo:
-
E uasivi o Atama, ia e vakavuna noda valavala ca kei na mate. E uasivi tale ga o Jisu. E vakarautaka vakacava na “ivoli veirauti”?
5. Na ivoli e nona iloloma vei iko o Jiova
O ira na itokani i Jiova era raica na ivoli me nona iloloma vei ira yadua. Kena ivakaraitaki, wilika Kalatia 2:20, qai veivosakitaka na taro qo:
-
E kilai vakacava ena ka e cavuta na yapositolo o Paula ni raica na ivoli me nona iloloma na Kalou vua?
Ni valavala ca o Atama, e mate kina kei ira nona kawa. Ia o Jiova e tala mai na Luvena me mate mo rawata kina na bula tawamudu.
Ni o wilika na tikinivolatabu qo, vakasamataka na rai i Jiova ni vakarawarawataki o Luvena. Wilika Joni 19:1-7, 16-18, qai veivosakitaka na taro qo:
-
Na cava nomu rai ena ka erau cakava o Jiova kei Jisu ena vukumu?
KE TAROGA E DUA: “E rawa ni mate vakacava e dua ena vukuda kece?”
-
O na sauma vakacava?
KA O VULICA
E vosota o Jiova noda ivalavala ca ena nona mate o Jisu, eda na rawata tale ga kina na bula tawamudu.
Railesuvi
-
Na cava e mate kina o Jisu?
-
Na sala cava e ivoli veirauti kina na bula uasivi i Jisu?
-
E yaga vakacava vei iko na mate i Jisu?
IKURI
Vulica na vuna e vakatokai kina me ivoli na bula uasivi i Jisu.
“E Rawa Vakacava ni ‘Kedra iVoli e le Levu’ na iSoro i Jisu?” (Ulutaga ena jw.org)
Dikeva na ka meda cakava meda vakabulai kina.
E rawa ni vosota o Jiova na ivalavala ca bibi?
“Saumi na Taro Vakaivolatabu” (Na Vale ni Vakatawa, 1 Me, 2013)
Dikeva na kena yaga vua e dua na turaga na isoro i Karisito me vosota kina na nona rarawa.
“Au sa Sega ni Bobula Tale ena iValavala Voravora” (Web article)
a Na ivalavala ca e sega wale ga ni noda cakava na ka ca. E dusia tale ga na ituvaki sega ni uasivi eda sucukaya mai.