E tou pikiʼia fuli i le ʼagasala, a mo le mamae ti mo le mate o tupu ko le patigataʼa leia o le ʼuluaki taumātuʼa. Kae e iai le amanaki kia tātou. E fakaʼaogaʼi loa e Seova a lona Alo ko Sesu ke fakasoko ai lana fakatuʼutuʼu leia ke fakalauātea tātou mei le ʼagasala ti mo le mate. E akoʼi mai i le Tosi-Tapu, na mate Sesu mo soli lona maʼuli ke totogi ai atātou ʼagasala. Ko le totogi e fakaʼuiga, ko le fakalauātea mo se tasi. Ko ia, na soli e Sesu lona maʼuli saosaoa ko le totogi. (Lau Mateo 20:28.) I le soli e Sesu a lona maʼuli lenā, ko se faigamālie ke tou maʼua ai le maʼuli leʼegato leia na puliʼi e Atama mo Eva. Ti na toe fakasā mai e Seova mo Sesu lolā alofa kia tātou. Ko se ako e fakalotomakekeʼi ai tātou ke tou lotofakafetaʼi ki le neʼa leia na fai e Sesu kia tātou.

1. Koā a fua mālilie e tou ʼaga o maʼua i aso nei mei le mate o Sesu?

I ʼiki a temi, i lotātou uiga ʼagasala e tou fai ni aga e vesiʼa ki ai a Seova. Kae kāpau e tou fakasemala māʼoki ki atātou ʼagasala, mo kole kiate ia ke fakamolemole mai ia Sesu Kilisito ti ke ʼaua na tou toe fai a aga anā, ti e mafai loa ke tou taupau lotātou fakakauneʼa mo le Atua. (1 Soane 2:1) E pati i le Tosi-Tapu: “Ko Kilisito foki na mamae o tua tasi o tupu ko le agasala, a ia leia na agatonu ki le kau lee agatonu, o tupu ke aumai e ia tatou ki le Atua.”—1 Petelo 3:18.

2. Koā a fua mālilie e tou maʼua loa i le kāʼau mei le mate o Sesu?

Na kakau e Seova a Sesu ki le kele ke ʼau o soli lona maʼuli saosaoa ti “ko se tasi fua e tui kiate ia ke aua na mate, kae ke maua e ia le mauli lee gato.” (Soane 3:16) E fakaʼaogaʼi loa e Seova le sakilifisio o Sesu ke fakatokatoka ai a mamae fuli na tupu mei le patigataʼa o Atama. Ko lona fakaʼuiga, kāpau e tou tui ki le sakilifisio lenā, ti e mafai loa ke tou maʼuli o leʼegato i se kele e liliu loa ko se palatiso.—Esaia 65:21-23.

 MANATU LOLOTO

3. E fakalauātea loa tātou i le mate o Sesu mei le mate ti mo le ʼagasala

1. Ko Atama na ko se tagata na saosaoa. O tupu ko lona patigataʼa e tou pikiʼia fuli i le ʼagasala ti mo le mate

2. Ko Sesu na ko se tagata na saosaoa. O tupu ko lona fakalogo, e fakalauātea ai tātou mei le ʼagasala ti ke tou maʼua ai le maʼuli leʼegato

4. Na mate Sesu ki tagata fuli

 5. Le totogi, ko se neʼa alofa meia Seova ki tagata fuli

Ko le totogi ko se neʼa alofa na soli mai ke tou fakafeofi ai ki le Atua. Lau Kalate 2:20, ti fai le vesili leinei:

• Koleā leia e fakasā mai na fakamaʼuigaʼi e le apositolo ko Paulo le totogi, pe sona neʼa alofa leia e maʼuiga?

Sili le ʼagasala o Atama, na fakatuʼā loa aia ki le mate o toe felaʼaki mo lona sōloga. Kae na soli e Seova le maʼuli o lona Alo ke mafai ai ke tou maʼua le maʼuli leʼegato.

I lau lau a vaega anei, fakakaukau pe koleā e logoʼi e Seova i lana tio ki le mamae o lona Alo. Lau Soane 19:1-7, 16-18, ti fai le vesili leinei:

• Koleā e ke ʼaga o logoʼi i lau fakakaukau ki neʼa alā na fai e Seova mo Sesu kiate koe?

 MANATU TĀFITO

O tupu ko le mate o Sesu, e mafai loa ke fakamolemole mai a Seova ki atātou ʼagasala ti e tou maʼua loa le amanaki ki le maʼuli o leʼegato.

Fakamanatu

• Koleā le tupuʼaga o le mate o Sesu?

• Koleā e pati ai i le Tosi-Tapu na soli e Sesu lona maʼuli ko se ‘totogi ke tatau’ mo le maʼuli saosaoa leia na puliʼi e Atama?

• Koā a fua mālilie e mafai ke ke maʼua mei le mate o Sesu?