Adánpa Evapape Tiuswan møra marmuikkutri, nuinukkutri tarømisra pøntrapelø kuik køn. Treekkutri, namun kiship waramik, kuamik pui pasran. Nømui urekmera nøm latawai kal-laikkuintøkucha, pekmay køntrap kui tapik muniramikwan tøkar køn. Jeupape truyukutri wesrantrap Jesúswan ørik køn. Bibliape kusrenanøpik køn, Jesús namuimpurø kuaik køn cha. Namun kuamikyukutri kaikyukutri wesrantrap Jesús sølkantik kuikkutri treek marik køn (leu Mateo 20:28). Jesús sølkantik kua, Jeupawan møra marøpik kua, yu Pirau manakatik øsik tsupsruik kuintrun. Inchentø, Adánpa Evapa trupisaikwan nam katø tøkakøntrai Jesúspe nui øsik unikwan tranik køn. Øyeek marikpa Jeupa Jesúspa namun latrø køtrø untarapelø kui kenamaran. Ik kusrenaniku Jesús kuaikwan unkua chip pøntramik purukuntrun.

1. ¿Jesús kuaikpe møya namun mantø purukup pasra?

Nam tapelø kømuikkutri Jeupawai kapyu tap kømuilan marøpelø ker. Inchentø nam mantraukutri isua møra, Jesúswai munchiyu Jeupawan nam kalø marilan pesannatruntrik cha miapen, Jeupawai tap linchipelø køntrun; trektøwai kalø mariløyu katøle kepeñmøntrap mur trantrøpen (1 Juan 2:1). Biblia trenchipik køn: “Cristotøweinguen, nøbe sølgandø tabig kuagucha, tru sølgandø tabig kømeelayasig kaig indinab megawa, kaig mariiløgurri kwaig køn, kanmaytø managatigweyasikke, katø, katø kwanrrab kømøtø, namun Tiusweimay pera inrrab” (1 Pedro 3:18).

2. ¿Jesús kuaikpe wentøsrø namun mantø purukuntrera?

Jeupape nui nusrkawan namuimpurø kuantrai yu Piraumay ørik køn. Tru “møikkøben nun [Jesúswainuk] kørebiibe kaigyu kebeña pinab pinømøtø, masken managatig øsig kømigwan tøgagønrrain cha” (Juan 3:16). Jesús øyeek marikpa, Jeupape Adán møra marmuikkutri trømpøik pui pasraikwan patsøkøntrun. Jesús kuainuk fe tøkakøpene, wentøsrø latrø tap Pirøchiku manakatikwai warøntrun (Isaías 65:21-23).

 MAS NEPUA KUSREU

3. Jesús kuaikpe kuamikyukutri kaikyukutri wesrapik køn

1. Adánpe kan møk sølkantik kuakucha, Tiuswan møra marmuikkutri maya misakmeran kalø marikwan, kuamikwan purørik køn.

2. Jesús newan sølkantik kua, Tiuswan møra marikkutri maya misakmeran manakatik øsik warøntrai, sølkantelø køntrai purukupik køn.

4. Jesús kuaikpe maya misakmeran purukupik køn

 5. Jesús kuaiktøka Jeupape ñun tapchikwan keta tranik køn

Jeupawai tap linchipeløpe kuamikyukutri wesruikwan nømun kanun kanun keta tranik kui ashipelø køn. Kan ejemplon ashchap, ley Gálatas 2:20, yu leinuk pinaku paíkwan waminchap:

• ¿Kuamikyukutri wesruikpe namun kanun kanun keta tranik kui, apóstol Pablope mantø kenamarik kø?

Adánpe kalø marikkutri, nuinukkutri amtrua pøntrapelan kuamikwan purørik køn. Inchentø, Jeupa nui nusrkawan yu Piraumay kuantrai ørik køn; ñi manakatik øsik tsumikwan tøkakøntrai.

Ik versículosmeran lep yainuk, nui nusrkawan yeekkucha trømpøik intinap mekaikwan asha, Jeupa maik mørørai intikwan ashchik. Ley Juan 19:1-7 incha 16-18, yu leinuk pinaku paíkwan waminchap:

• ¿Jeupapa Jesúspa øyeek marikwan ñi isupene, ñun maik mørørankarupik kø? ¿Chincha?

 ¿CHI KUSREKU?

Jesús kuaikkutri Jeupa namui kalø marilan ulø paymø pesannap, trektøwai namun manakatik øsik waramikwan tøkakøntrai maran.

Kusreikwan katøle isuntrap

• ¿Jesúspe chincha kuaik kø?

• ¿Jesús nui newan sølkantik øsik uniktøka maya misakmeran kuamikyukutri kaikyukutri mantø wesruik kø?

• ¿Jesús kuaikpe ñun mantø purukupik kø?