EISOMO LYA 27

Okufa kwa Yesu Nikubasa Kuturokora Kutai?

ZANISA

Ichwe nitukora entambara, nituteseka, n’okufa aha rw’enshonga abantu bambere Adamu na Eva bakanga kuhuliliza Katonda. * Kyonkai twina eshubi. Yehova atekatekire omuhanda ogw’okutuha obwegerere kutwiha omuraamo gw’entambara n’orufu kuraba aha Mwanawe, Yesu Kirisito. Ebibulia neyegesa nk’okwo Yesu akagira ekichunguzo kuraba aha kufakwe. Ekichunguzo malipo agali kushashurwa omuntu abase kutaishurwa. Yesu akagira ekichunguzo omu kuhayo oburorabwe obuhikilire. (Shoma Matayo 20:28.) Yesu orwo yahongire omu bweyendezi ehaki ya wenene y’okutura omu nsi eirai lyona, akatukingulira omuhanda ogw’okushuba kubona oburora obuhikilire obwo Adamu na Eva babulize. Kandi, Yesu akolekya nk’okwo wenene na Yehova nibatugonza muno. Eisomo eli lirakujuna kusiima muno okufa kwa Yesu.

1. Okufa kwa Yesu nikubasa kutugoshora kutai kany’aka?

Orw’okuba ichwe tuli bafakare nitukora ebintu bingi ebitali kushemelera Yehova. Kyonkai, katuraba nitwechuza muno aha rw’enshonga y’entambara ezo twakozire, n’okushaba Yehova atuganyire kuraba ahali Yesu Kirisito kandi tukekaza tutashuba kukora ntambara ezo, nitubasa kushemelerwa obunywanyi katiga ahali Katonda. (1 Yohana 2:1) Ebibulia negamba eti: “Manyasi na Kirisito kayafire kwatilira entambara akafa limoi lyonkai, omugorogoki yafera abatali bagorogoki, agendeleire kutugobya ahali Ruhanga.”—1 Petero 3:18.

2. Okufa kwa Yesu kuratugoshora kutai omu kanya akali kwija?

Yehova akatuma Yesu agire oburorabwe obuhikilire “wena alimwikiliza [Yesu] talifa nawe abone oburora obutahwaho.” (Yohana 3:16) Kuraba aha kitambo kya Yesu, Yehova naija kwiyaho obubi bwona obwalesirwe Adamu orwo yabuzirwe kworobera Katonda. Ekyo nikimanyisa katurayolekya omwesigo aha kitambo kya Yesu, turabona akashango ak’okushemelerwa eirai lyona omu nsi eli paradiso!—Isaya 65:21-23.

MANYURUZA

Enjuza omanye bingi ebikwete aha nshonga eyakozire Yesu kuhayo oburorabwe, kandi oshube ohenjuze okwo wakubasa kugoshoka.

3. Okufa kwa Yesu nikutuchungura kuruga omu ntambara n’orufu

Yolekya EVIDEO, mushube mufumoreho ekibazo ekili kuhonderaho.

EVIDEO: Kubaki Yesu Yafire?—Ekichweka kya 1 (2:01)

Orwo yabuzire kworobera Katonda Adamu akabuzaki?

Shoma Abaroma 5:12, mushube mufumoreho ekibazo eki:

Entambara eyo Adamu yakozire, eisire etai emikalire yawe?

Shoma Yohana 3:16, mushube mufumoreho ekibazo eki:

Kubaki Yehova yatumire Omwanawe omu nsi?

Adamu akaba ahali mushaija ahikilire ayabuzire kworobera Katonda, akaletera abantu bona entambara n’orufu
Yesu akaba ahali ali mushaija ahikilire ayayorobeire Katonda, kityo aka komorolera abantu omuhanda ogw’okuhikilira n’okubona oburora obw’eirai lyona

4. Okufa kwa Yesu nikubasa kugoshora abantu bona

Yolekya EVIDEO, mushube mufumoreho ekibazo ekili kuhonderaho.

EVIDEO: Kubaki Yesu Yafire?—Ekichweka kya 2 (2:00)

Okufa kw’omuntu omoi nikubasa kugoshora kutai abantu bona?

Shoma 1 Timoteo 2:5, 6, mushube mufumoreho ekibazo eki:

Adamu akaba ahali muntu ahikilire ayaleteire abantu bona entambara n’orufu. Yesu nawe akabali muntu ahikilire. Yesu akagira “ekichunguzo ekisaine” omuli ngeliki ekilikwigana n’oburora obwo Adamu yabulize?

5. Ekichunguzo gabo nungi eyo tuhairwe Yehova

Banywanyi ba Yehova nibabona ekichunguzo kuba gabo eyobahairwe. Obulebero nibwobu, shoma Abagalasia 2:20, mushube mufumoreho ekibazo eki:

Entumwa Paulo ekabona etai ekichunguzo kuba gabo eyo wenene ahairwe?

Adamu orwo yakozire entambara, wenene n’oruzarorwe bakaramurwa kufa. Kyonkai Yehova akatuma omwanawe afe, obase kukwasa akashango akokutura eirai lyona.

Orw’olikushoma enjuru ezili kuhonderaho, tekekeleza okwo Yehova yayehulire orwo yaboine omwanawe nateseka. Shoma Yohana 19:1-7, 16-18, mushube mufumoreho ekibazo eki: