EHONGWA 27
Onḓiro ya Jesus i tu etera vi ouwa?
Eṱe tu tjita ouvi, tu muna ouzeu, nu tu koka mena rokutja ovakupasane ovatenga, Adam na Eva, kave karere nonḓuviro ku Mukuru. a Posi ya, katu nokuhepa okurihahiza. Jehova wa tjita kutja tu yamwe kouvi nonḓiro mokuhinda Omuna we, Jesus Kristus. Ombeibela i honga kutja okupitira monḓiro ye, Jesus wa suta otjisuta tjonguturiro. Otjisuta tjonguturiro otjisuta tji tji sutwa okukutura omundu. Otjisuta Jesus tja suta, omuinyo we ohomonena. (Lesa Mateus 20:28.) Indu Jesus tje tu ṱira, eye wa tjita kutja tu kamune oviṋa avihe Adam na Eva mbi va pandjara. Jesus wina wa raisa omuano eye na Jehova mu ve tu suvera. Ehongwa ndi mari ku vatere okuraisa ondangi yoye konḓiro ya Jesus.
1. Omomuano uṋe onḓiro ya Jesus mu i tu etera ouwa ndino?
Mena rokutja oweṱe ovanauvi, tu tjita oviṋa ovingi mbi ha tjata ku Jehova. Posi ya, indu tji tu nomuhihamwatima tjiri kozondataiziro zetu nḓu twa tjiti, natu ningire Jehova okutuisira okupitira mu Jesus Kristus, nokukondja pu matu yenene okuhinokuyarukira po ozondataiziro nḓo rukwao, matu yenene okukara noupanga wopopezu ku na Mukuru. (1 Johanes 2:1) Ombeibela i tja: “Kristus wina wa ṱira omauvi porumwe uriri; ingwi omuhinandjo wa ṱira ovanandjo kokutja e mu tware ku Ndjambi.”—1 Petrus 3:18.
2. Onḓiro ya Jesus, mai tu vatere vi moruyaveze?
Jehova wa hinda Jesus okuyandja omuinyo we ohomonena “kokutja auhe ngu ma kambura mu Ye a ha pandjara, nungwari a kare nomuinyo waaruhe.” (Johanes 3:16) Mena roviṋa Jesus mbye tu tjitira, Jehova ma kaisa po oviṋa avihe ovivi mbya etwa i yomapirukiro wa Adam moruveze rwatjimanga. Ihi matji hee kutja indu tji twa kambura mombunguhiro ya Jesus, eṱe matu yenene okukara nondjingonekero yokukahupa nga aruhe moparadisa kombanda yehi.—Jesaja 65:21-23.
KONḒONONA OUKOTO
Rihonga ovingi ohunga nokutja ongwaye Jesus tja ṱa, nu tara kutja onḓiro ye mai ku vatere vi.
3. Onḓiro ya Jesus i tu kutura kouvi nonḓiro
Nyanda OKAVIDIO, nu okuzambo hungirira kepuriro ndi mari kongorera mba.
-
Adam wa pandjara ye indu tje ha ri nonḓuviro ku Mukuru?
Lesa Ovaroma 5:12, nu okuzambo hungirira kepuriro ndi:
-
Omakatukiro wa Adam ya ṱuna vi kehupo roye?
Lesa Johanes 3:16, nu okuzambo hungirira kepuriro ndi:
-
Omena raye Jehova tja hinda Omuna we kouye?
-
Adam wa ri omurumendu ohomonena ngu ha ri nonḓuviro ku Mukuru, nu mena ranao ovandu ve tjita ouvi nu ve koka
-
Jesus wa ri omurumendu ohomonena ngwa ri nonḓuviro ku Mukuru, nu mena ranao ovandu mave yenene okurira ohomonena nokukahupa nga aruhe
4. Onḓiro ya Jesus mai yenene okuvatera ovandu avehe
Nyanda OKAVIDIO, nu okuzambo hungirira kepuriro ndi mari kongorera mba.
-
Hapo mape ya vi onḓiro yomundu umwe i rire ombatero kovandu avehe?
Lesa 1 Timoteus 2:5, 6, nu okuzambo hungirira kepuriro ndi:
-
Adam wa ri omurumendu ohomonena, mena rokutja eye wa katuka, ovandu avehe ve tjita ouvi nu ve koka. Jesus wina wa ri omurumendu ohomonena. Omomuano uṋe ombunguhiro ya Jesus mu ye tu kutura kouvi nonḓiro?
5. Otjisuta tjonguturiro otjiyandjewa tja Jehova kove
Omapanga wa Jehova ye vara otjisuta tjonguturiro otjotjiyandjewa tji va pewa kourike wawo. Otjotjihorera, lesa Ovagalate 2:20, nu okuzambo hungirira kepuriro ndi:
-
Omomuano uṋe omuapostele Paulus maa vara otjisuta tjonguturiro otjotjiyandjewa tja pewa kourike we?
Indu Adam tja tjita ouvi, eye nozondekurona ze azehe aave sokuṱa. Posi ya, Jehova wa hinda Omuna we okukuṱira kokutja u yenene okukahupa nga aruhe kombanda yehi.
Otja tji mo lese omazeva ngu maye kongorera mba, ripura uriri kutja Jehova aa fula vi, indu tjaa munu Omuna we ama hihamisiwa. Lesa Johanes 19:1-7, 16-18, nu okuzambo hungirira kepuriro ndi:
-
Mo fula vi ohunga noviṋa avihe Jehova na Jesus mbi ve ku tjitira?
OMUNDU MAPE YA A PURA KUTJA: “Mape ya vi omundu umwe ma ṱire ovandu avehe?”
-
Ove otja zira vi?
OKUYARUKIRA PO OUSUPI
Mena rokutja Jesus we tu ṱira, Jehova ma yenene okutuisira omauvi wetu nu matu yenene okukahupa nga aruhe.
Okurizemburukisa
-
Omena raye Jesus tja ṱa?
-
Omomuano uṋe ombunguhiro ya Jesus mu ye tu kutura kouvi nonḓiro?
-
Omomuano uṋe onḓiro ya Jesus mu mai yenene okukuvatera?
RIHONGA OVINGI
Rihonga kutja omena raye omuinyo wa Jesus ohomonena tji u isanewa otjisuta tjonguturiro.
“Omomuano uṋe ombunguhiro ya Jesus mu i ri onguturiro yovengi?” (Okarupa okasupi morungovi)
Konḓonona kutja ovikwaye mbi matu hepa okutjita kokutja tu yamwe kouvi nonḓiro.
Hapo Jehova ma yenene okuisira ouvi nandarire ounene?
“Omaziriro komapuriro wOmbeibela” (Oruhungu, 1 ku Mei, 2013)
Tara kutja okurihonga ohunga nombunguhiro ya Kristus kwa vatera vi omurumendu ngwa kondjo nomeripura woviṋa ovihihamise.
a Ouvi kaku tjita oviṋa ovivi uriri. Ouvi wina u heya ongaro ombi ndji twa rumata.
Mo yenene okutara ku imbi wina
OMAPURIRO NGE PURWA i yovandu OVENGI
Ovahongonone va Jehova ve yandja omerihongero wOmbeibela momuano uṋe?
Ove mo yenene okuungurisa Ombeibela ngamwa aihe indu tji mo rihongo Ombeibela otjari pu nOvahongonone va Jehova. Mo yenene okuṋanga eṱunḓu roye arihe poo omapanga woye okukara pomerihongero woye wOmbeibela.
