Adán Evajai Yuusan umirkacharmiayi. Tuma asamtai tunaamtainti, waittainti nuyasha jatainti. a Adán Eva uchiri asar ainis tumaitji. Tumaitkiusha Jehová uwemtikiarturtasa ni uchiri Jesusan akupturmakmiaji. Yajauch aents yanaksha achikiar jukiarmatai mawarain tusar kuit akikmatainti. Aintsan tunaarintin asakrin aents jakarain tusa Jesús ni ayashi tunaartinchajai ii tumashrin akikmakmiayi (Matéu 20:28 aujsata). Jesuska ju nunkanam pujumniaitiat jarutramkamiaji. Adán tura Eva penker pujuarmiania ainis penker pujuarat tusa turamiayi. Jesuska anenkrata asa jarutramkamiaji tura Jehovasha anenkratin asa ni uchirin akupturmakmiaji. Ju akankamuka Jesús ii tumashrin akikmaktasa jarutramkamiajnia nu yuminsatniun yainmaktatui.

1. Jesús ii tumashrin akikmakmiania nui wari urukamniaitiaj?

Tunaartin asar Jehová nakitiana nu nukape najanniuitji. Ene enentaimia ajasar Yuus Jesusa naarijiai tsankurturat tusar seakrikia Yuusa amikri ajasminiaitji. Ataksha awajiraij tusar kakakrikia ni amikri ajasminiaitji (1 Juaṉ 2:1). Yuusa chichame tawai: “Kristu ii tunaari̱n asakártaj tusa jarutramkamiaji. Ashí asakárma asamtai atak tunaan jarukchatniuiti. Nisha tunaan peṉké túrichuitiat ii tunáa asakrin Yusai̱ ejetamtai tusa wáitrutmasmiaji” (1 Pítiur 3:18).

2. Jesús jarutramkamiajnia nui uruma nuisha urukattaj?

Jehová ni uchirin tunaartinchan iini jakat tusa akupkamiayi. “Ni tana nuka nekasaiti tusar umirainia tuke iwiaku pujuarat tusa akupkamiayi” (Juan 3:16 TNM). Jesús ii tumashrin akikmakmiania nui Adán itiurchat amajkartusmiania nuna Jehová iwiarattawai. Jesús ii tumashrin akikmakmiayi tu enentaimkiurkia ju nunka shiiram ajasmanum tuke iwiaku pujumniaitji (Isayas 65:21-23).

 PENKER NEKAATAI

3. Jesús jarutramkamiajnia nui tunaanumia tura jakatniunmaya uwempramniaitji

1. Adanka tunaartinchauyayi tumaitiat Yuusan umirkachmiayi. Nuna turamtai aentscha tunaarintin ajasarmiayi. Tuma asamtai mash jakatin ainiaji.

2. Jesuska tunaartinchauyayi tura Yuusan umirkamiayi. Tuma asamtai iisha tuke iwiaku pujumniaitji.

4. Jesús ii tumashrin akikmakmiania nui penker pujumniaitji

 5. Jehová amin anenma asa ni uchirin akupkamiayi

Jehová amikri ainiaka winia anenta asa ni uchirin akupturkamiayi tu enentaimin ainiawai. Gálatas 2:20 TNM aujsarum juna aujmattsatarum:

• Pablo yana wini jakamiayi timia?

Adán tunaamkamtai ni uchirisha jakartiniuyayi. Jehová ni uchirin ju nunkanam akupkamia nui amesha tuke iwiaku pujumniaitme.

Yuusa chichame tana nu aujeakum Jehová ni uchiri waitiakui itiurak enentaimsamia nui enentaimsata. Juaṉ 19:1-7 tura 16-18 aujsarum juna aujmattsatarum:

• Jehová Jesusan akupka asamtai itiur enentaimiam?

 WARI NEKAAM

Jesús jakamujai Jehová ashi aentsu tunaari tsankuramniaiti. Nu turamu asamtai tuke iwiaku pujumniaitji.

Awakeasrik nekaatin

• Jesussha urukamtai jakamia?

• Jesús ashi shuara tunaarin urukamtai akikmakminiuya?

• Jesús jarutramkamiajnia nui urukattaj?