Akken ma nella d imednuben a, netmeḥḥin yerna neţmeţţat axaṭer Adam d Ḥewwa ɛuṣan Ṛebbi. Meɛna, ur nqeṭṭeɛ ara layas. Yahwa yexdem ayen iwulmen akken a ɣ-d-isellek si ddnub akk-d lmut s wayen i gexdem Mmi-s, Ɛisa. Adlis Iqedsen yeqqar-ed belli lmut n Ɛisa d lefdiya. Lefdiya d ssuma ara yeţwaxellṣen akken a d-yeţţusellek walbeɛḍ. Lefdiya i gefka Ɛisa ixelleṣ-iţ s tudert-is n wemdan ikemlen (ɣer-ed Matta 20:28). Ɛisa isemmeḥ di lḥeqq i gesɛa ad iɛic i lebda ɣef lqaɛa. Swakka, yefka-yaɣ tagniţ akken a ɣ-d-iṣaḥ wayen i sṛuḥen Adam d Ḥewwa. Ibeggen-aɣ-d daɣen acḥal i ɣ-ḥemmlen neţţa akk-d Yahwa. Timeɣri-yagi aţ-ţessemɣer ccekṛan-nneɣ ɣef wayen i gexdem Ɛisa ɣef ddemma-nneɣ.

1. Acu-tent lfaydat i tezmer a ɣ-d-tawi lmut n Ɛisa si tura?

Imi d imednuben i nella, nxeddem leḥwayeǧ ur s-neţţeɛǧab ara i Yahwa. Meɛna, ma nendem seg wul yerna neḍleb-as ssmaḥ s yisem n Ɛisa Lmasiḥ, uyerna nexdem akk lmeǧhudat-nneɣ akken ur neţţuɣal ara ɣer leḥwayeǧ-agi n diri, nezmer a neqqim d iḥbiben n Ṛebbi (1 Yuḥenna 2:1). Adlis Iqedsen yenna-d: “Lmasiḥ s yiman-is immut; s lmut-agi-ines i gefra tamsalt n ddnub n yemdanen. Neţţa yellan d aḥeqqi, immut ɣef ddemma n imednuben meṛṛa iwakken a kkun-yawi ɣer Sidi Ṛebbi” (1 Buṭrus 3:18, Awal n tudert, 2001).

2. Acu-tent lfaydat i tezmer a ɣ-d-tawi lmut n Ɛisa ɣer zdat?

Yahwa iceggeɛ-ed Ɛisa ɣer lqaɛa akken ad yefk tudert-is ikemlen yerna iwakken “kra n win yumnen yis ur inegger ara, lameɛna ad isɛu tudert n dayem” (Yuḥenna 3:16). S wesfel-agi n Ɛisa, ur yeţɛeṭṭil ara Yahwa ad iṣeggem lexsaṛa yakk swayes i d-tegla lmeɛṣeyya n Adam. Ihi, ma nesɛa liman deg wesfel-agi, a ɣ-teţţunefk tegniţ a nɛic di lfeṛḥ yerna i lebda di lǧennet ɣef lqaɛa (Icɛaya 65:21-23).

 A NNADI A NEFHEM AKTEṚ

3. Lmut n Ɛisa tezmer a ɣ-d-tsellek si ddnub akk-d lmut

1. Adam yella d amdan ikemlen. Imi i gɛuṣa Ṛebbi, nuɣal d imednuben yerna neţmeţţat.

2. Ɛisa yella d amdan ikemlen. Imi i guɣ awal i Ṛebbi, nesɛa asirem a d-neţţusellek si ddnub w’a nuɣal nekmel, yerna a nesɛu tudert n dayem.

4. Ɛisa yemmut ɣef ddemma n yemdanen meṛṛa

 5. Lefdiya ţ-ţukci i k-d-yefka Yahwa

Ma neţwali lefdiya ţ-ţukci i geţţunefken i mkul yiwen deg-neɣ, ayagi a ɣ-isseqreb akteṛ ɣer Yahwa. Ɣef lemtel, Bulus yenna-d deg Igalatiyen 2:20: “Ayen i ţţidireɣ tura di lǧeţţa, ţţidireɣ-t s liman di Mmi-s n Yillu, neţţa i y-iḥemmlen yerna isebbel iman-is fell-i.” Hedṛet ɣef westeqsi-yagi:

• D acu i d-yeţbegginen belli amceggeɛ Bulus yeţwali lefdiya ţ-ţukci i t-yeɛnan neţţa?

Mbeɛd mi gedneb Adam, yeţwaḥkem fell-as s lmut; yerna akka daɣen i geţwaḥkem ɣef dderya-s ara d-ilalen ɣer zdat. Meɛna, Yahwa yefka tudert n Mmi-s iwakken a nɛic i lebda.

M’ara d-teɣreḍ ifyar-agi i d-iteddun, xemmem ɣer wayen swayes i gḥuss Yahwa mi geţwali di Mmi-s yetmeḥḥin. Ɣret-ed Yuḥenna 19:1-7, 16-18, mbeɛd hedṛet ɣef westeqsi-yagi:

• S wacu i teţḥussuḍ m’ara teţxemmimeḍ ɣer wayen i gexdem Yahwa akk-d Ɛisa ɣef ddemma-inek?

 AYEN I D-NELMED

S lmut n Ɛisa, Yahwa yezmer a ɣ-isemmeḥ ddnubat-nneɣ, yerna nesɛa asirem a nɛic i dayem.

A d-nesmekti

• Ayɣer i gemmut Ɛisa?

• Amek i tezmer a ɣ-d-tsellek si ddnub akk-d lmut tudert ikemlen n Ɛisa i gefka d asfel?

• Acu n lbaṛakat ara k-d-tawi lmut n Ɛisa?