THUTO 27
Lufu gwa Jesu gu Nga ti Chidza Chini?
Ti na chibi, to dziyila, ne ku fa ne kuti bathu be kutanga, Adamu na Efa, habazo teedza Ndzimu. a Ngono ti na thembo. Jehova wa ka ti thamila zila ye ku ti hulula mu chibi ne lufu e shingisa Nkololo uwe, Jesu Kirisiti. Baibili i no diya kuti Jesu wa ka ti tengunula ha e ti fila. Ku tengunula ko dwa ku ruelela ku hulula nngwe. Jesu wa ka ruela ne buchilo gugwe gwa ka zwilizanila. (Bala Matewu 20:28.) Ha Jesu e duma ku lashikigwa ne fanilo iye ye ku chilila chose mu shango, wa ka thama kuti ti khone ku amuchila kakale cha ka lashikila Adamu na Efa. Kakale Jesu wa ka lakidza kuti iye na Jehova ba no ti da kungapani. Thuto iyeyi i nowo ku batsha ku bokela kwazo lufu gwa Jesu.
1. Lufu gwa Jesu go ti batsha chini ngwenu?
Ne kuti ti na chibi to thama zwithu zwinjinji zwi si nga shathise Jehova. Ne kwa ka jalo, ha ti zwibona nlandu mu zwibi zwa ta ka thama, ti be ti kumbila Jehova kuti a ti zwibatigwe ti shingisa zina la Jesu Kirisiti, ne ku thama kose kwa ti nga khona ku sa buyilila zwa ta ka thama, ti nga shathila ku be bakhwinya be Ndzimu. (1 Johani 2:1) Baibili ikati: “Kirisiti wakafila zwibi zwedu tose kang’ompela, nlulwami efila basakalulwama, kuti atiyise ku Ndzimu.”—1 Pita 3:18.
2. Lufu gwa Jesu gowo ti batsha chini mu chibaka chi no zha?
Jehova wa ka tumila Jesu ku dusa buchilo gugwe gwa ka zwilizanila “kuti kene ali ani unogalamoyo [mu na Jesu] asitongofa, koga abe ne butjilo gusingapele.” (Johani 3:16) Ne kuti Jesu wa ka ti fila, Jehova u no dwa e pedzisa zose zwa ka bipa zwa ka be po ne libaka gwe ku sa teedza kwa Adamu. Ichecho cho dwa kuti ha ti dumila mu chibayilo cha Jesu, towo be ne chibaka che ku shathila buchilo cha chose mu shango ye paradaisi!—Izaya 65:21-23.
ZWIDIYE KWA KA NGINILILA
Zwidiye kwa ka paphidzika kuti ini Jesu a ka ti fila, kakale ne kuti ko ku batsha chini.
3. Lufu gwa Jesu go ti hulula mu chibi ne lufu
Zana VIDIYO, mu be mu lebesana ne kwe buzo i no tobela.
-
Ku sa teedza Ndzimu kwa Adamu kwa ka thama kuti a lashikigwe neni?
Bala Baroma 5:12, mu be mu lebesana ne kwe buzo i no tobela:
-
Chibi cha Adamu cha ka ama buchilo gugo chini?
Bala Johani 3:16, mu be mu lebesana ne kwe buzo i no tobela:
-
Ini Jehova a ka tumilila Nkololo uwe mu shango?
-
Adamu wa ka be ali nlume wa ka zwilizanila u sa ka teedza Ndzimu, ngono wa ka thama kuti bathu ba be ne chibi ne ku pelela ba fa
-
Jesu wa ka be a ka zwilizanila ngono e teedza Ndzimu, kakale a ka thama kuti bathu ba zhe ba zwilizanile ne ku chilila chose
4. Lufu gwa Jesu gu nga batsha bathu bose
Zana VIDIYO, mu be mu lebesana ne kwe buzo i no tobela.
-
Lufu gwe nthu u ngompela gu nga batsha bathu bose chini?
Bala 1 Timoti 2:5, 6, mu be mu lebesana ne kwe buzo i no tobela:
-
Adamu wa ka be a ka zwilizanila, ngono a ka thama chibi, ku ka pelela ne kuti a pindisile chibi ne lufu ku bathu bose. Jesu naiyebo wa ka be a ka zwilizanila. Jesu “wakazwipa se nlipilili” chini?
5. Chibayilo che ku tengunula i chipo cha u no piwa na Jehova
Bakhwinya ba Jehova ba no linga chibayilo che ku tengunula ili chipo cha ba ka piwa. Ha ti lakidzila, bala Bagalatiya 2:20, mu be mu lebesana ne kwe buzo i no tobela:
-
Mpostolo Paulo wa ka lakidza chini kuti wa ka be e linga chibayilo ili chipo chiche?
Ha Adamu e thama chibi, iye ne bana babe bose ba ka athuligwa lufu. Ngono Jehova wa ka tumilila Nkololo uwe ku ku fila kuti u khone ku be ne buchilo gu si nga pele.
Ha u bala ndimana dzi no tobela, kumbula kuti Jehova wa ka zwiwa chini ha Nkololo uwe e dziyila. Bala Johani 19:1-7, 16-18, mu be mu lebesana ne kwe buzo i no tobela:
-
U no zwiwa chini ne kwe cha wa ka thamigwa na Jehova na Jesu?
UNGWE U NGANA A KATI: “Nthu u ngompela u nga fila bathu bose chini?”
-
U nga dabila u tini?
CHA WA ZWIDIYA
Lufu gwa Jesu gwa ka thama kuti Jehova a ti zwibatigwe zwibi zwedu, kakale go ti pa chibaka che ku shathila buchilo cha chose.
U Nga Tini?
-
Ini Jesu a ka fa?
-
Buchilo gwa Jesu ili nthu wa ka zwilizanila mu shango gwa ka be gu fanila chini ku be chibayilo che ku tengunula cha ka lingisana?
-
Lufu gwa Jesu gu nga ku batsha chini?
SHAKISISA
Zwidiye kuti ini kuyi buchilo gwa Jesu ili nthu wa ka zwilizanila, i chibayilo che ku tengunula.
“Chibayilo Cha Jesu Cho ‘Tengunula Banjinji’ Chini?” (Web article)
Bona kuti ini cha ti no sheta ku thama kuti ti chidziwe.
A Jehova u nga zwibatigwa zwibi zwikulukulu?
Bona kuti ku zwidiya ne kwe chibayilo cha Kirisiti kwa ka batsha chini nlume wa ka be e gwisana ne ku alakana zwa ka bipa zwa ka shingikala.
a Chibi ha te ili koga ku thama chingwe cha ka bipa. Kakale cho dwa chimo che buchilo gu sa ka zwilizanila gwa ta ka amuchila.
Kakale u Nga Shathila ku Bona
BUZO DZI NO BUZWIWA KANJINJI
Course ye ku Zwidiya Baibili i no Piwa ne Bafakazi ba Jehova Ndi Ipi?
U shingisa ndongoloso ye mahala ye ku zwidiya i no piwa ne Bafakazi ba Jehova, u nga shingisa Baibili ingwe ne ingwe. Sungunuka ku laletsa be nsha uwo kene bakhwinya babo.
