LISHOMO 27
Kupela kumwe Yesu kulota kutwambola dashi?
Wetu tunditega, ndyomana tunkuvauvanga na tunkupela mwaa Adamu namu Eva, havamwigwilidile Nnungu. a Kanji tunkuvanavo lilindililo. Yeova anintumidya Mwanagwe Yesu Klistu, pakulota aide atwambole mulidambi na mukupela. Ibibiliya inkupundisha kenga kupela kumwe Yesu ni lyambolelo. Lyambolelo ni ibei yavanalipa pakulota kumwambola munu. Ibei yalipile Yesu ni shingumi shake shambone shakwaloka. (Shomya Mateu 20:28.) Yesu andíkubali kuleka kunama mushilambo shapai ngwengwe, kwa kutenda davo nae andyungula indila pakulota kutwambola wetu uti tujaike kwamwaa umwe Adamu namu Eva. Kupela kumwe Yesu kundilodya kenga nae namu Yeova vankutunagwaledya. Lishomo ali linakupwashela wako kwanjedya kulambwalela kwako kwa shadaka shajawile Yesu.
1. Kupela kumwe Yesu kulota kutwambola dashi nelo?
Wetu ni tuvakutega, ndyomana myanda vyoe tunatenda vinu vikannagwela Yeova. Kanji kwamwaa shatandile Yesu kwetu, tunkulivalivigwa madambi etu, pavedoni ituvaikidile tulyambile na ntima wetu uti, tunjugwe Yeova atulivalive na tulikanyalidye pakulota hatunavangudye kavili, tukatenda davo tunavanavo umbodi wambone namu Nnungu. (1 Nshuwau 2:1) Ibibiliya inkushidoni: “Mwaa mwiu Klistu andyuvauvanga mwanda umo tu bai kwamwaa walidambi, munu waishaliya kwamwaa wavanu vaungave-ishaliya pakulota kutuukanavo kumwe Nnungu.”—1 Patulu 3:18.
2. Kupela kumwe Yesu kulota kutupwashela dashi muwakati wa mushu?
Yeova anintumidya Yesu kwida najaula shingumi shake shakwaloka “pakulota uti vankulupíla [Yesu] havanajaike kanji vavenavo shingumi shíkamalilika.’’ (Nshuwau 3:16) Kwamwaa wa shadaka shimwe Yesu, Yeova anamalidya vinu uti vyakunyata vitandeka kwamwaa wakupujungula kumwe Adamu. Kwaumwiu tukakulupíla shadaka shajawile Yesu, tunavanavo litala lya kunama na shingumi shíkamalilika mu palaishu mushilambo shapai!—Ishaiya 65:21-23.
LAMBELA KUMANYA VYOE
Lambela kumanya mwaa shani Yesu andipela kwamwaa wetu, na kulota kukupwashela dashi wako.
3. Kupela kumwe Yesu kunditwambola mulidambi na kupela
Lola VIDEO, na badae mwambangile mwaa shakudya sha mwina.
-
Adamu akatweke litala shani palakile kumwigwilila Nnungu?
Shomya Valoma 5:12, na badae mwambangile mwaa shakudya sha mwina:
-
Lidambi limwe Adamu lyambukishidye dashi shingumi shako?
Shomya Nshuwau 3:16, na badae mwambangile mwaa shakudya sha mwina:
-
Mwaa shani Yeova anintumídya Mwanagwe mushilambo shapai?
-
Adamu avele munu wakwaloka kanji kwamwaa mene kulota kumwigwilila Nnungu, vanu uti vankutega na vankupela
-
Yesu avele munu wakwaloka kwamwaa wakumwigwilila Nnungu vanu uti vandapata shingumi shíkamalilika
4. Kupela kumwe Yesu kunkuulula kuvapwashela vanu uti
Lola VIDEO, na badae mwambangile mwaa shakudya sha mwina.
-
Kupela kwa munu jumo kunkuvapwashela dashi vanu uti?
Shomya 1 Timoti 2:5, 6, na badae mwambangile mwaa shakudya sha mwina:
-
Adamu avele munu wakwaloka kanji kwamwaa walidambi lyatandile, vanu uti vankutega na vankupela. Yesu momo avele munu wakwaloka. Kanji inamuna shani Yesu “yaukile ndava lyambolelo” kwavanu uti?
5. Lyambolelo ni shawadi ikumene yakupele Yeova
Vambodi vake Yeova vankumanya kenga lyambolelo ni shawadi ikumene yapagweka. Kwampano, shomya Vagalata 2:20, na badae mwambangile mwaa shakudya sha mwina:
-
Myombe Paulu alodídye dashi kenga lyambolelo ivele shawadi ikumene kwake yalakadile kwa Nnungu?
Adamu patagile, nae na vanu uti vavalekwa vankupela. Kanji Yeova andijaula shingumi sha Mwanagwe pakulota wako uvenavo litala lyakunama na shingumi shíkamalilika.
Kumbukila mwaligwidídye Yeova pashimwona Mwanagwe auvauvanga. Shomya Nshuwau 19:1-7, 16-18, na badae mwambangile mwaa shakudya sha mwina:
-
Unkuligwa dashi kwa shatandile Yeova namu Yesu kwako?
VANU VANJI VANKUULA KUDYA: “Yululika dashi kupela kwa munu jumo, kuvambola vanu voe?”
-
Wako ulota kunjag’ula dashi?
KWAUNGWIPI
Kwamwaa wa kupela kumwe Yesu, Yeova ankuulula kutulivaliva madambi etu, nayadavo kunkutupa litala lya kunama ngwengwe.
Tukumbukilange
-
Mwaa shani Yesu andipela?
-
Shingumi shambone shake Yesu, shukile ndava dashi lyambolelo lya vanu uti?
-
Kupela kumwe Yesu kukupwashela dashi wako?
LIPUNDISHE
Lambela kumanya mwaa shani shingumi shambone shimwe Yesu shinkushamegwa kuva lyambolelo.
“Ni kwa Njia Gani Dhabihu ya Yesu ilikuwa ‘Fidia kwa Ajili ya Wengi?” (Makala iliyo kwenye mtandao)
Manya nyamani shituvaikidile tutende pakulota twambolegwe.
Da Yeova ankulivaliva mpaka madambi makumene?
“Majibu ya Maswali ya Biblia” (Mnara wa Mlinzi, Mei 1, 2013)
Nnole nnume jumo avenavo matatisho lakukumbukila vinu vyakunyata vyatandile kala, mwapatidile lipwashalelo pakulota kubadili umunu wake.
“Mimi Si Mtumwa wa Jeuri Tena” (Makala iliyo kwenye mtandao)
a Lidambi halinava shinu bai shinu shakunyata shatandile munu. Kanji momo vankwamba makumbukililo latuvenavo lakulota kutenda shinu shakunyata, kwamwaa twalakadile kumwe Adamu namu Eva.
