LIÇÃO 27
Jesus ter ja ti hã ren kỹ ẽg krenkren han tĩ?
Vẽnh kar tỹ Topẽ vĩ mranh nỹtĩ, vẽsỹrinhrénh nỹtĩ kar kãgter nỹtĩ, Adão kar Eva fag tóg Topẽ vĩ mranh mũ tugnĩn. a (Ha vé vẽnh rá sĩ.) Hã ra Jeová vỹ ti kósin, Jesus Cristo, jẽnẽ mũ, ti tỹ ẽg krenkren han jé. Topẽ Vĩ Rá vỹ ẽg kanhrãnrãn tĩ, Jesus vỹ ẽg jagfy ter ja, ẽg krenkren han jé. (Mateus 20:28 le kem nĩ.) Jesus pi ti ki nén ũ kórég nĩ vã, kỹ ti pi ter ke nĩ vã. Ha rã, ti vỹ ẽg ajũna ké, ẽg tỹ rĩnrĩr krỹg ja tũ ẽn venh jé. Jesus ter ja ti vỹ ẽg mỹ ven tĩ, Jesus kar Jeová ag vỹ ẽg to há tãvĩ nĩ. Lição tag kã ã ajũna ke tĩ, ã tỹ Jesus vỹ ẽg jagfy ter ja ti agradece ke jé.
1. Jesus ter ja ti hã ren kỹ ẽg ajũna ke tĩ?
Vẽnh kar tỹ Topẽ vĩ mranh nỹtĩ, hẽn ri ke mũn, ẽg tỹ nén ũ vẽnh mỹ hyn han tĩ. Tag vỹ Jeová mỹ fe krój han tĩ. Hã ra, Jeová vỹ ẽg vẽnh pãte fón nĩ, Jesus ter ja ti tỹ. Hã kỹ, ẽg tỹ jykre kórég tugvãnh pẽ ke nỹtĩ, ẽg tỹ Jeová mỹ to vĩ nĩ, ti tỹ ẽg vẽnh pãte fón jé, Jesus jyjy tỹ, kar ẽg tỹ vãsãnsãn kãn tĩ, ẽg tỹ nén ũ vẽnh mỹ han tũ nỹtĩ jé. Ẽg tỹ ge han kỹ, ẽg tỹ Jeová mré há nỹtĩnh ke mũ. (1 João 2:1) Topẽ Vĩ Rá vỹ ẽg mỹ ke tĩ: “Ti ter pi tóg kajãm kãn. Jykre kuryj tóg nĩ, Jesus ti, hã ra tóg ũn jykre pãno ag jagfy ter ja nĩ. Ti tỹ Topẽ mỹ ẽg tatĩn tĩg sór vẽ.” — 1 Pedro 3:18.
2. Jesus ter ja ti hã ren kỹ ẽg ajũna kenh ke mũ?
Jeová tóg Jesus jẽnẽ mũ, ‘vẽnh kar tỹ ti ki ge jé, ag tỹ tũ’ he tũ nĩ jé, ag tỹ ẽg rĩr krỹg ja tũ ẽn venh jé.’ (João 3:16) Adão tỹ Topẽ vĩ mranh kỹ, nén ũ vẽnh mỹ e tỹ hãn ri ke ke. Jeová vỹ nén ũ ag ẽn tỹ tũꞌ kenh ke mũ, Jesus vỹ ẽg jagfy ter ja tugnĩn. Ẽg tỹ Jesus tỹ ẽg jagfy ter ja kri fi nỹtĩn kỹ, ẽg tỹ rĩnrĩr krỹg ja tũ venh ke mũ, Ga há ki! — Isaías 65:21-23.
VẼNH KANHRÃN KÃFÓR NĨ
Vẽnh kanhrãn kãfór nĩ, Jesus ne tugnĩn jagfy ter ke nĩ vã to. Kar tag hã ren kỹ ã ajũna ke tĩ ti.
3. Jesus jagfy ter ja vỹ ẽg ajũna ke tĩ, ẽg tỹ rĩnrĩr krỹg ja tũ venh jé
Ha vé VÍDEO ti. Kar jagnẽ mré vãmén nĩ, tag to:
-
Adão vỹ Topẽ Vĩ mranh tũ ke, ti pi ti ki nén ũ kórég nĩ vã. Hã ra, ti vĩ mranh tugnĩn, vẽnh kar tỹ Topẽ vĩ mranh nỹtĩ kar ag vỹ kãgter nỹtĩ gé.
-
Jesus pi ti ki nén ũ kórég nĩ vã, ti vỹ Topẽ vĩ króm kỹ, ti tỹ vẽnh kar ajũna ké, ag tỹ rĩnrĩr krỹg ja tũ venh jé.
4. Jesus ter ja ti vỹ vẽnh kar ajũna ke tĩ
Ha vé VÍDEO ti. Kar jagnẽ mré vãmén nĩ, tag to:
-
Ũn pir ter ja hã ren kỹ vẽnh kar ajũna ke tĩ?
1 Timóteo 2: 5, 6 le kem nĩ. Kar jagnẽ mré vãmén nĩ, tag to:
-
Adão vỹ Topẽ vĩ mranh tũ ke, ti pi ti ki nén ũ kórég nĩ vã. Vẽnh kar tỹ Topẽ vĩ mranh nỹtĩ, ti vĩ mranh tugnĩn. Jesus pi ti ki nén ũ kórég nĩ vã ke gé. Jesus jagfy ter ja hã ren kỹ ẽg krenkren han ke mũ?
5. Jesus jagfy ter ja vỹ tỹ Jeová tỹ ã mỹ nén ũ há nĩm tĩ ri ke nĩ
Jeová mré ke ag mỹ Jesus jagfy ter ja ti vỹ tỹ Jeová tỹ ag mỹ nén ũ há vin mũ ri ke nĩ. Ha vé, Galácia 2:20 le kem nĩ. Kar jagnẽ mré vãmén nĩ, tag to:
-
Apóstolo tỹ Paulo hã ren kỹ ẽg mỹ ven tĩ, ti mỹ Jesus jagfy ter ja vỹ tỹ Jeová tỹ ti mỹ nén ũ há nĩm tĩ vã ri ke?
Adão tóg Topẽ vĩ mranh mũ. Kar kỹ, vẽnh kar mỹ Topẽ vĩ mranh ti nón. Hã ra Jeová ti kósin nĩm mũ, ã tỹ rĩr krỹg ja tũ venh jé.
João 19: 1-7, 16-18 le kem nĩ. Ã tỹ le ke nĩ ra, ha to ãkrén nĩ, Jeová ne ãkrén tĩ vã ti to, ti tỹ ti kósin vỹ vẽsỹrénh mũ ve kỹ. Kar jagnẽ mré vãmén nĩ, tag to:
-
Jeová kar Jesus ag vỹ ge han ké, ag tỹ ã ajũna ke jé. Ã ne tag to jykrén tĩ?
JO ŨN MỸ Ã KI JẼMẼN KỸ: “Ũn pir ter ja hã ren kỹ vẽnh kar ajũna ke tĩ?”
-
à ne hã renh?
à NE KANHRÃN JA TI
Jeová vỹ ẽg vẽnh pãte fón tĩ, Jesus ter ja tỹ. Kar Jesus ter ja ti vỹ ẽg ajũna ke tĩ, ẽg tỹ rĩnrĩr krỹg ja tũ ẽn venh jé.
Jykrinkrén mũ
-
Jesus ne tugnĩn ter ke?
-
Jesus jagfy ter ja hã ren kỹ ẽg krenkren han ke mũ?
-
Jesus ter ja ti hã ren kỹ ã ajũna ke tĩ?
VẼNH KANHRÃN KÃFÓR MŨ
Ha kanhrãn nĩ, Jesus ter ja ne tugnĩn ẽg krenkren han tĩ ti to.
“Jesus jagfy ter ja hã ren kỹ vẽnh kar krenkren han tĩ?” (Vẽnh rá tỹ jw.org)
Ha kanhrãn nĩ, ẽg ne hyn han ke nỹtĩ ti, ẽg krenkren han jé.
“‘Jesus vỹ ẽg krenkren han tĩ’ ne nỹ tag ti?” (Vẽnh rá tỹ jw.org)
Ẽg tỹ nén ũ kórég tãvĩ han kỹ, Jeová mỹ ẽg mỹ hã vẽnh pãté fón tĩ hãn?
“Vẽnh ki jãmã ag, Topẽ Vĩ Rá to” (A Sentinela, 1.º tỹ maio tỹ 2013)
Ha vé ũn tỹ nén ũ kórég mĩ ãkrén kamã nĩ vã, hã ra ti tỹ Jesus jagfy ter ja ti ki kanhrãn kỹ, tag vỹ ti mỹ ajũna ké.
a Vẽnh rá sĩ: Ũn tỹ nén ũ kórég han kỹ, ti tỹ Topẽ vĩ mranh tĩ. Kar sir, Topẽ vĩ mranh ti vỹ tỹ ẽg jykre kãki, nén ũ kórég vỹ nĩ nĩ. Ẽg jykre tỹ tag to jykrén kỹ Adão kar Eva fag pi Jeová jẽmẽ há tugnĩn.
