Em guna dikin, diçerçirin û dimirin, çimkî merivên pêşin Adem û Hêwayê gura Xwedê nekirin. a Lê em bê hêvî nînin, Yehowa mera çarek dît. Ewî safî kir wekî bi mirina Kurê xwe Îsa Mesîh me ji gune û mirinê xilaz ke. Kitêba Pîrozda tê gotinê ku Îsa bi saya mirina xwe em ji gune kirîn. Kirîn ew qîmet e, kîjan ku tê dayînê, wekî kesek bê azakirinê. Heqê ku Îsa da, ew hebû qîmetê emirê wîyî bêqisûr (Bixûne Metta 20:28.) Îsa çaxê ser erdê bû, ewî dikaribû heta-hetayê bijîta, lê ewî emirê xwe bona me da. Bi saya vê yekê mera mecal vebû, ku dîsa bistînin wî emirî, kîjan Adem û Hêwayê unda kirin. Îsa pê vê yekê da kifşê, wekî ew û Yehowa me gelek hiz dikin. Ev ders wê alî me bike, wekî em hê zêde bişêkirînin vê yekê, çi ku Îsa bona me kir.

1. Mirina Îsa çi kar mera anî?

Em gunekar in lema jî em gelek tiştên usa dikin, kîjan dilê Yehowa xweş nayên. Lê çaxê em bi dil û can gunê xwe tînin rûyê xwe û ji Yehowa hîvî dikin, wekî bi saya qurbanbûna Îsa bibaxşîne me, û hergê em hemû tiştî dikin wekî dîsa wan şaşiya nekin, hingê Yehowa me ça dostê xwe hesab dike (1 Yûhenna 2:1). Kitêba Pîrozda tê gotine: “Mesîh carekê bona her tim bona guna cefa kişand, yê heq bona neheqa, wekî me nêzîkî Xwedê ke” (1 Petrûs 3:18).

2. Bi saya mirina Îsa emê axiriyêda çi kerema bistînin?

Yehowa Îsa şande ser erdê seva ku emirê xweyî bêqisûr bike qurban, “wekî her kesê ku [Îsa] bawer bike unda nebe, lê jiyîna wiye heta-hetayê hebe” (Yûhenna 3:16). Zûtirekê Yehowa wê hemû xirabiyê, ku rûyê neguhdariya Ademda pêşda hat, kuta ke. Ew yek wê bi saya qurbanbûna Îsa bê sêrî. Ew tê hesabê ku hergê em baweriya xwe qurbana Îsa bînin, mecala me wê hebe emirê heta-hetayêra ser erdê şa bin (Îşaya 65:21-23).

 KÛR LÊKOLÎN KE

3. Qurbanbûna Îsa me ji gune û mirinê aza dike

1. Adem merivekî kamil bû, lê ewî gune kir, lema hemû meriv bûne dîlê gune û mirinê

2. Îsa merivekî kamil bû, yê ku gura Xwedêda ma, û bi saya vê yekê mecal merivara vebû, wekî bêqisûr bin û heta-hetayê bijîn

4. Mirina Îsa dikare hemû merivara karê bîne

 5. Kirîn pêşkêşa Yehowa ye bona te

Dostên Yehowa kirînê hesab dikin ça pêşkêşa ji Yehowa xût bona xwe. Mesele, bixûne Galatî 2:20, û paşê evê pirsê şêwir ke:

• Pawlosê şandî ça da kifşê, wekî ew kirînê hesab dike ça pêşkêş xût bona xwe?

Çaxê Adem gune kir, ewî û hemû zuretên wî, emirê heta-hetayê unda kirin. Lê Yehowa Kurê xwe şand, seva ew emirê xwe bide, wekî tu jîyîna heta-hetayêra şa bî.

Bixûne Yûhenna 19:1-7, 16-18, û bide ber çevê xwe, wekî Yehowa çi ser xwe texmîn dikir, gava Kurê wî diçerçirî, û paşê evê pirsê şêwir ke:

• Tu çi ser xwe texmîn dikî çaxê difikirî, wekî Yehowa û Îsa bona te çi kirine?

 TEMAMKIRIN

Mirina Îsa mecalê dide wekî Yehowa gunê me bibaxşîne, û usa jî mecalê dide me ku jîyîna heta-hetayêra şa bin.

Wekilandin

• Îsa çira mir?

• Çi cûreyî emirê Îsayî bêqisûr hate dayînê ça kirîn?

• Mirina Îsa çi karê dikare tera bîne?