Tuloolong mpekaat ni tufw, bwaal biin maluw ba kuuhal, Adam ni Eev, baakady balek kukooyel Mawej. a Ki Tudy teng batakamin, bwaal Yehow i mulay bwa kwiitukuuloh ku mpekaat ni ku lufw ku dyambulwiish dya Mwaan indiy Yeez Krist. Bibl uloolongweesh neey, hafwiil Yeez, waakady mutwaal cya kukuul naacy baat. Cya kukuul naacy baat, i buseeb budyobw bafut bwa kukuul naabw muut. Buseeb bwaakady Yeez mufut, i buumy bwaakady buwaakan. (Balaay Matewus 20:28.) Haakady Yeez mwiitab bwa kulek kwiikal ni buumy bwa mwendeleel ha bulab, i mwiitwaakish cikwaabw mushind a kwiikal ni buumy bwa bwiin bwaakady Adam ni Eev bajimbaj. Waakady muleej cikwaabw mudyey yiy ni Yehow biitukat bikasakan. Diilongweesh eedy diiyiiy kwiitwambulwiish bwiitut kwanyish bikasakan cidy Yeez mwiitulongel.

1. I mushind kaay udy lufw lwa Yeez mwa kwiitwambulwiish leeloow?

Bu mutudy bamulong a mpekaat, tuloolong myand yivul yikiish isangeej Yehow. Nook, tut biikunying bwa mpekaat ituloolong ni balomb Yehow lus ku dyambulwiish dya mulambw a Yeez Krist ni tut biikashishomw bwa kulong myand yilengel, twiiyiiy kwiikal ni musangal bwa kwiikal balund ba Mawej. (1 Jah 2:1) Bibl uleeleeb neey: “Krist kaayend ufwiil cikuuk teng cyaakaabumw bwa bibiih bya baat kumb kwaah. Yiy waakady kay ni bwaal ufwiidil baat babiih, ufwiil bwa kwiitufikijey kudy Mawej.”​—1 Pyeel 3:18.

2. I mushind kaay udy lufw lwa Yeez mwa kwiitwambulwiish mu mafuk miiyiiy kuuhal?

Yehow utumin Yeez bwa kutwaaley buumy bwindiy buwaakan “bwa ney muut woos umwiitaatabij [Yeez] kafw bend, ki iikal ni buumy bwa mwendelel.” (Jah 3:16) Ku dyambulwiish dya lufw lwa Yeez, Yehow wiiyiiy kufulok myand yibiih yoos yikaamish kudy Adam. Byumvumvwiij neey, tut baleej diitabij mu mulambw a Yeez, twiiyiiy kwiikal ni mushind a kuhet buumy buyiil mu paradiiz ha bulab!​—Yeshaay 65:21-23.

 TWEEL MU BONDOK

3. Lufw lwa Yeez lwiitukuukuuloh ku mpekaat ni ku lufw

1. Adam waakady muut muwaakan waakady mulek kukooyel Mawej ni kukaaminey baat mpekaat ni lufw

2. Yeez waakady muut muwaakan waakady ukooyel Mawej ni i muhetesh baat mushind a kuhetobw buwaakan ni buumy bwa mwendelel

4. Yeez i mufwiil baat boos

 5. Cya kukuul naacy baat, i cya bukish cidy Yehow mukwaakish

Balund ba Yehow bataatal cya kukuul naacy baat bu cya bukish cidyey mwiibaakish. Cileejel, balaay Kalatih 2:20, ni isambilaay ha diijooj eedy:

• I mushind kaay waakady mupostol Pool utal cya kukuul naacy baat bu cya bukish cidyey muhet?

Haakady Adam mulong mpekaat, yiy ni lelakan yindiy bahetel cibaw cya lufw. Yehow waakady mwiitab bwa Mwaan indiy hafw bwa twiikal ni buumy bwa mwendelel.

Hawubaabal verseh eey, lang mwaakady Yehow mumvw haakady Mwaan indiy ukeng. Balaay Jah 19:1-7, 16-18, ni isambilaay ha diijooj eedy:

• Udyaakumvw bicy bwa myand yidy Yehow ni Yeez bakulongel?

 CYA KUKWAAT

Ku dyambulwiish dya lufw lwa Yeez, Yehow wiitufwiifwiil lus bwa mpekaat yituloolong, ni wiitwaakish mushind a kwiikal ni buumy buyiil.

Bwa kuvuluk

• Bwabiny Yeez ufwiil?

• I mu mushind kaay udy buumy buwaakan bwa Yeez bwiikal cya kukuul naacy baat cikumban?

• I mushind kaay udy lufw lwa Yeez mwa kukwambulwiish?