Tulenga mambo, kuyanda ne kufwa na mambo a kuba’mba Adama ne Evwa basatukijile Lesa. a Pano bino, bintu kechi byapwila pa mpuki ne. Yehoba watumine Mwananji aye Yesu Kilishitu kwiya pano pa ntanda na kwitufwila kuba’mba etupokolole ku bundengamambo ne lufu. Baibolo witubuula’mba Yesu witufwijile kuba’mba etukuule. Bukuzhi bulumbulula kupana kintu kuba’mba muntu uji mu lukatazho bamukasulule. Yesu wapaine bumi bwanji bwaoloka. (Tangai Mateo 20:28.) Yesu wafumine mwiulu ne kwiya pano pa ntanda na kupana bumi bwa myaka ne myaka kuba’mba atweba tukekale bwikalo bwawama bwaonawine Adama ne Evwa. Kintu kyaubile Yesu, kyamwesheshe aye ne Yehoba byo betutemwa. Uno mutwe usakwimukwasha bingi kusanchila Yesu pa kwitufwila.

1. Tumwenamo byepi mu lufu lwa kwa Yesu lelo jino?

Byo tuji bandengamambo, tuba bintu byavula bingi bifichisha Yehoba ku muchima. Onkao mambo, inge twalapila ku bundengamambo bwetu ne kulomba kwi Yehoba kupichila mwi Yesu Kilishitu uketulekelako mambo etu. Kabiji inge twabula kubwezhapo kulenga mambo, tuyuke’mba tukekala na bulunda bwakosa ne Lesa. (1 Yoano 2:1) Baibolo waamba’mba: “Kilishitu muntu waoloka, wafwile jimotu na mambo a bundengamambo, waoloka kufwila bantu babula koloka, kuba’mba ebafikizhe kwi Lesa.”—1 Petelo 3:18.

2. Tukamwenamo byepi mu lufu lwa kwa Yesu kulutwe?

Yehoba watumine Yesu kwiya na kufwila bantu “kuba’mba bonse bamwitabila kechi bakonaike ne, poso bakekale na bumi bwa myaka ne myaka.” (Yoano 3:16) Twamusanchila bingi Yesu pa kintu kyo aubile. Katatakatu Yehoba afumyepo bubi bonse bwaletele Adama na mambo a bunsatuki bwanji. Akino kibena kulumbulula’mba inge twaitabila mu kitapisho kya kwa Yesu, tukekala na bumi bwa myaka ne myaka mu paladisa pano ponka pa ntanda!—Isaya 65:21-23.

 FUNJILAIPO BIKWABO

3. Lufu lwa kwa Yesu lwitupokolola ku bundengamambo ne lufu

1. Adama wajinga muntu waoloka, bino byo asatukijile Lesa waletejile bantu bonse bundengamambo ne lufu

2. Yesu wajinga muntu waoloka wakookelanga Lesa ne kukwasha bantu kuba’mba bakekale baoloka ne kwikala na bumi bwa myaka ne myaka

4. Bantu bonse bakonsha kumwenamo byawama mu lufu lwa kwa Yesu

 5. Bukuzhi ke bupe bwimupa Yehoba

Balunda ba Yehoba bamona bukuzhi amba bupe bo bebapa pa muntu pa muntu. Tangai Ngalatiya 2:20, ne kwisamba buno bwipuzho:

• Mutumwa Paulo wamwesheshe byepi amba bukuzhi bwajinga bupe bo bamupeele kwikala bwa kyanji kyanji?

Adama byo alengele mambo, Lesa wamuzhachishe ne baana banji bonse kuba’mba bakafwanga. Nangwa byonkabyo, Yehoba watumine Mwananji kwiya na kufwila bantu kuba’mba mukekale na bumi bwa myaka ne myaka.

Byo musakutanganga bino byepelo, mufwanyikizhenga Yehoba byo aumvwine ku muchima kumona Mwananji saka babena kumumanyika. Tangai Yoano 19:1-7, 16-18, ne kwisamba buno bwipuzho:

• Mumvwa byepi ku muchima pa bintu bimubila Yehoba ne Yesu?

 ÑANYI BISHINKA BYO MWAFUNDA?

Na mambo a kuba’mba Yesu witufwijile, kyo kikalengela Yehoba kwitulekelako mambo etu. Kabiji lufu lwanji luketulengela kwikala na bumi bwa myaka ne myaka.

Mepuzho a kupitulukamo

• Mambo ka Yesu o afwijile?

• Mu ñanyi jishinda bumi bwa kwa Yesu bwaoloka mo bwaesakena na bukuzhi?

• Lufu lwa kwa Yesu lukemulengela kumwenamo ka?