LONGI DIA 27
Aweyi o Lufwa lwa Yesu Lulenda Kutuvuluzila?
Tusumukanga, tumonanga e mpasi yo fwa kadi Adami yo Eva bakolamena Nzambi. a Kansi, ke tulendi dimbula vuvu ko. Yave wafila mwan’andi Yesu Kristu mu kutuvuluza muna sumu yo lufwa. Bibila kilonganga vo vava Yesu kafwa, wafuta lukûlu. Lukûlu i ntalu ifutwanga muna kûla muntu. O moyo andi walunga i ntalu kafuta o Yesu. (Tanga Matai 20:28.) Vava Yesu kayambula e lau diandi dia zinga yakwele mvu ova ntoto, watuziulwila e nzila kimana twavua yawonso Adami yo Eva bavidisa. O lufwa lwa Yesu lusonganga mpe vo Yave otoma kutuzolanga. E longi diadi dikusadisa mu wokesa luyangalalu lwaku muna kimenga kia Yesu.
1. O lufwa lwa Yesu aweyi lulenda kutusadisila o unu?
Wau vo tu asumuki, tuvanganga mambu mayingi mekendelekanga Yave. Kana una vo i wau, masumu meto malenda lolokwa mu kuma kia lukûlu Yesu kavana. Kansi muna lolokwa, tufwete viluka kieleka o ntima, lomba ndoloki kwa Yave yo vanga mawonso muna lembi vutukila diaka masumu momo. Avo tuvangidi wo, tukala ye ngwizani ambote yo Yave. (1 Yoane 2:1) Bibila kivovanga vo: “Kristu wafwa nkumbu mosi kaka muna diambu dia masumu, nsongi a muntu muna diambu dia awana balembi songa, kimana kanusunzula kwa Nzambi.”—1 Petelo 3:18.
2. O lufwa lwa Yesu aweyi lulenda kututwasila nluta kuna sentu?
Yave wafila Yesu katambika moyo andi walunga, “konso ona osonga lukwikilu muna yandi ke fwaswa ko, moyo a mvu ya mvu kevua.” (Yoane 3:16) Mu kuma kia kimenga kina Yesu katambika, Yave ofokola mbi yawonso yatuka muna ukolami wa Adami. Ediadi disongele vo avo tusongele lukwikilu muna kimenga kia Yesu, tukala ye lau dia zinga yakwele mvu muna paradiso ova ntoto.—Yesaya 65:21-23.
ZAYA DIAKA MANKAKA
Zaya e kuma Yesu kavanina moyo andi ye una dilenda kutwasila nluta.
3. Lufwa lwa Yesu lwatukûla muna masumu ye lufwa
Tala e VIDEO, i bosi, vana e mvutu za kiuvu kilende.
-
Vava Adami kakolamena Nzambi, nkia lau kavidisa?
Tanga Roma 5:12, i bosi, vana e mvutu za kiuvu eki:
-
E sumu dia Adami nkia mfwilu diatwasa muna zingu kiaku?
Tanga Yoane 3:16, i bosi, vana e mvutu za kiuvu eki:
-
Ekuma Yave katumina Mwan’andi ova ntoto?
-
Adami muntu walunga kakala, kansi wakolamena Nzambi. Muna kuma kiaki, wantu awonso besumukanga yo fwa
-
Yesu muntu walunga kakala ye walemvokela Nzambi. Muna kuma kiaki, wantu awonso bena ye lau dia kituka se wantu alunga yo zinga yakwele mvu
4. Lufwa lwa Yesu lulenda twasa nluta kwa wantu awonso
Tala e VIDEO, i bosi, vana e mvutu za kiuvu kilende.
-
Aweyi lufwa lwa muntu mosi kaka lulenda twasila nluta kwa wantu ayingi?
Tanga 1 Timoteo 2:5, 6, i bosi, vana e mvutu za kiuvu eki:
-
Adami muntu walunga kakala, kansi wau vo wasumuka, wantu awonso besumukanga yo fwa. Yesu mpe muntu walunga kakala. Aweyi kavanina “lukûlu lwafwana”?
5. Lukûlu i lukau lwa Yave kwa ngeye
Akundi a Yave bebadikilanga lukûlu vo lukau lwantalu. Muna zaya e ziku, tanga Ngalatia 2:20, i bosi, vana e mvutu za kiuvu eki:
-
Aweyi Paulu wa ntumwa kasongela vo wabadikilanga lukûlu se lukau lwa Nzambi kwa yandi?
Vava Adami kasumuka, yandi ye mbongo andi bavewa e tumbu kia lufwa. Kansi, Yave watuma Mwan’andi kafwa kimana ongeye wakala ye lau dia zinga yakwele mvu.
Ekolo otanga e tini ilende, yindula una Yave kamona vava Mwan’andi kamweswanga e mpasi. Tanga Yoane 19:1-7, 16-18, i bosi, vana e mvutu za kiuvu eki:
-
Aweyi omonanga mu kuma kia dina Yave yo Yesu bavanga muna wete diaku?
AVO MUNTU UYUVUIDI VO: “Aweyi lufwa lwa muntu mosi lulenda vuluzila wantu awonso?”
-
Nkia mvutu okumvana?
MAMBU MASINA MA LONGI DIADI
Mu kuma kia lufwa lwa Yesu, Yave ololokanga masumu meto yo kutuvana e lau dia zinga yakwele mvu.
Nkia Mambu Olongokele?
-
Ekuma Yesu kafwila?
-
Aweyi moyo walunga wa Yesu winina se lukûlu lwafwana?
-
Aweyi lufwa lwa Yesu lulenda kutwasila nluta?
TALA MPE OMA MALENDE
Zaya e kuma moyo walunga wa Yesu uyikilwanga vo lukûlu.
“Aweyi Kimenga kia Yesu Kinina se ‘Lukûlu lwa Wantu Ayingi’?” (Longi dina muna jw.org)
Zaya dina tufwete vanga muna vuluzwa.
Nga Yave ololokanga mpe masumu mampwena?
“Mvutu za Yuvu ya Nkand’a Nzambi” (Eyingidilu dia 1 dia Mayu, 2013)
Muntu mosi watokananga kwayingi mu kuma kia mambu kamona kuna vita. Tala una kasadisilwa vava kalongoka e diambu ditadidi kimenga kia Yesu.
“Eu não sou mais escravo da violência” (Longi dina muna jw.org)
a E sumu ke diambu diambi kaka ko dina tuvanganga. Kansi, i fu mpe kina yeto awonso twasambukila kwa Adami yo Eva kia vanga mambu mambi.
Nanga Oyangalela Mpe Malongi Mama
YUVU ITOMA YUVULWANGA
Ameyi Mevangamanga Muna Longi dia Bibila ye Mbangi za Yave?
Muna programa yayi ya ngovo ya longokela isadilwanga kwa Mbangi za Yave, olenda sadila kwaku konso nsekola ya Bibila. Olenda kwaku bokelesa esi nzo aku yawonso yovo akundi aku ana ozolele.
