Түпкү ата-энебиз Адам менен Обо Кудайга баш ийбей койгондуктан, биз күнөө кетиребиз, азап чегебиз, акыры өлүмгө моюн сунабыз a. Бирок үмүтсүз абалда эмеспиз. Анткени Жахаба бизди күнөө менен өлүмдөн куткарыш үчүн Уулу Иса Машаяк аркылуу чара көргөн. Ыйык Китепте айтылгандай, Иса өмүрүн кун катары берген. Кун бул кимдир бирөөнү бошотуп алыш үчүн төлөнгөн бааны билдирет. Иса жеткилең өмүрүн берип, талап кылынган бааны төлөгөн. (Оку: Матай 20:28.) Ал жер бетинде түбөлүк өмүр сүрүү укугунан өз ыктыяры менен баш тарткан. Мунун аркасында Иса Адам ата менен Обо эне кол жууп калган нерселерге кайрадан ээ болушубузга жол ачкан. Ошондой эле бизди өзү да, Жахаба да абдан жакшы көрөрүн айкын кылган. Бул бөлүм сага биз үчүн өмүрүн берген Исага терең ыраазы болгонго жардам берет.

1. Исанын өз өмүрүн бергени бизге кандай пайда алып келүүдө?

Баарыбыз тең күнөөкөр болгондуктан Жахабага жакпаган иштерди кылып алабыз. Бирок күнөөбүз үчүн чындап өкүнүп, Жахабадан Иса Машаяк аркылуу кечирим сурасак жана каталарыбызды кайталабаганга бүт күчүбүздү жумшасак, аны менен ынак мамиледе болобуз (1 Жакан 2:1). Ыйык Китепте: «Адил адам Машаяк да адил эместер үчүн бир эле жолу өлүп, аларды күнөөдөн арылткан. Муну ал силерди Кудайга алып келиш үчүн кылган»,— деп айтылат (1 Петир 3:18).

2. Исанын курмандыгы келечекте кандай пайда алып келет?

Жахаба Исаны жеткилең адам катары өмүрүн курмандыкка бериш үчүн жерге жиберген. Муну ал Исага «ишенген ар бир адам өлбөй, түбөлүк өмүргө ээ болушу» үчүн кылган (Жакан 3:16). Иса өз өмүрүн бергендиктен, Жахаба жакында Адам атанын айынан болгон бардык жамандыкты жок кылат. Бул Исанын курмандыгына ишенсек, жер бетиндеги бейиште түбөлүк өмүр сүрөрүбүздү билдирет (Ышая 65:21—23).

 ТЕРЕҢИРЭЭК КАЗ

3. Исанын өлүмү бизди күнөө менен өлүмдөн кандайча арылтат?

1. А) Адам ата жеткилең болгон. Бирок Кудайга баш ийбей, адамзатты күнөө менен өлүмдүн жолуна салган

2. Б) Иса да жеткилең болгон. Ал Кудайга баш ийип, адамзатты жеткилеңдик менен түбөлүк өмүргө алып бара турган жолго салган

4. Исанын өлүмү бардык адамдарга пайда алып келет

 5. Кун — Жахабанын сен үчүн берген белеги

Жахабанын достору кунду жеке аларга берилген белек деп эсептешет. Буга мисал катары Галатиялыктар 2:20ны окугула. Анан бул суроону талкуулагыла:

• Элчи Пабыл кунду жеке ага берилген белек катары эсептээрин кантип көрсөткөн?

Адам ата күнөө кетиргенде, ага да, анын бардык урпактарына да өлүм өкүмү чыгарылган. Бирок сен түбөлүк жашашың үчүн, Жахаба Уулун курмандыкка берген.

Төмөнкү аяттарды окуп жатканда Уулунун канчалык кыйналганын көрүп Жахабанын кандай сезимде болгонун элестетип көр. Окугула: Жакан 19:1—7, 16—18. Анан бул суроону талкуулагыла:

• Жахаба менен Исанын сен үчүн кылган жакшылыктары жөнүндө ойлонгондо кандай сезимде болосуң?

 НЕГИЗГИ ОЙ

Иса өз өмүрүн бергендиктен, Жахаба күнөөлөрүбүздү кечирет жана келечекте түбөлүккө өмүр сүрөбүз.

Кайталоо

• Иса эмне үчүн өлгөн?

• Анын жеткилең өмүрү кандайча ылайыктуу кун болгон?

• Исанын өлүмү сага кандай пайда алып келет?