CIIYO 27
Ino Lufu Lwakwe Yesu Inga Lwatupulusha Buyani?
Mukwiinga Adamu a Efa tabakwe kunyumfwila Lesa, tulabisha, tulapenga, alimwi tulafwa. a Nacibi boobo, ici tacaambi ayi bukaalo ubu bulaakutolelela. Yehova kwiinda mu Mwanaakwe Yesu Klistu, wakabamba nshila yakutulubula kububi alimwi a lufu. Baibo ilaamba ayi kwiinda mulufu lwakwe, Yesu wakaaba buumi bwakwe mbuli cilubula. Cilubula ngamalipilo apekwa kwaamba ayi muntu aangululwe. Yesu wakaaba buumi bwakwe bumaninite mbuli malipilo. (Amubelenge Mateyo 20:28.) Yesu ndyakaaba buumi bwakwe akufwa, wakacalula nshila kwaamba ayi tukacane shoonse Adamu a Efa nshebakasowa. Alimwi Yesu wakatondesha ayi lakwe a Yehova balitusuni. Ciiyo ici citomucafwa kuyumya lusuno lwanu palufu lwakwe Yesu.
1. Ino lufu lwakwe Yesu lulatucafwa buyani?
Mukwiinga tatumaninite, tulacita shintu shiinji shitasangalashi Yehova. Nacibi boobo, na twaana kuswa kushibiibi shesu akusenga Yehova kwaamba ayi atulekelele kwiinda muli Yesu Klistu alimwi akweelesha cankusu kutabooshawo shilubo isho, inga twaba abushicibusa buyumu a Lesa. (1 Joni 2:1) Baibo ilaamba ayi: “Klistu wakafwa linkanda lyomwibo kwaamba ayi Lesa alekelele shibiibi sha bantu boonse. Klistu lakwe uliluleme, ono wakafwita bataluleme kwaamba ayi babe beshicibusa bakwe Lesa.”—1 Pita 3:18.
2. Ino lufu lwakwe Yesu lulaakutucafwa buyani kunembo?
Yehova wakatuma Yesu kwaamba ayi aabe buumi bwakwe bumaninite ‘kwaamba ayi uyo woonse ushoma [Yesu] ataloobi, sombi abe abuumi butamaani.’ (Joni 3:16) Tulalumba abuumbi pa cilubula cakwe Yesu, mukwiinga Yehova alaakukushaawo shibiibi shoonse shakesa ceebo cakutanyumfwila kwakwe Adamu. Nkokwaamba ayi na katucita shintu shitondesha ayi tulashoma mumulambu wakwe Yesu, tulaakuba acoolwe cakuba abuumi bwamuyayaya mu paladaiso pacishi capanshi!—Isaya 65:21-23.
AMWIIYILEWO ASHIMWI
Amwiiye shiinji pamakani aamba pali Yesu ncaakaabila buumi bwakwe, akubona kulyaaba kwakwe mbokumucafwa.
3. Lufu lwakwe Yesu lulatwaangulula kububi alufu
Amweebele VIDYO, akubandika mwiipusho utokonkelaawo.
-
Ino ncoolwe nshi Adamu ncaakasowa ndyaatakwe kunyumfwila Lesa?
Amubelenge Bene Loma 5:12, akubandika mwiipusho uyu:
-
Ino buumi bwanu bwakakumwa buyani ceebo cakubisha kwakwe Adamu?
Amubelenge Joni 3:16, akubandika mwiipusho uyu:
-
Ino nceebonshi Yehova wakatuma Mwanaakwe pacishi capanshi?
-
Adamu wakalinga muntu umaninite utakwe kunyumfwila Lesa, aboobo ici cakapa kwaamba ayi bantu banoobisha akufwa
-
Yesu wakalinga muntu umaninite wakanyumfwila Lesa, aboobo bantu balicite coolwe cakuba bamaninite akuba abuumi bwamuyayaya
4. Bantu boonse inga bafubilaamo mulufu lwakwe Yesu
Amweebele VIDYO, akubandika mwiipusho utokonkelaawo.
-
Ino lufu lwa muntu womwi inga lwacafwa buyani bantu boonse?
Amubelenge 1 Timoti 2:5, 6, akubandika mwiipusho uyu:
-
Adamu wakalinga muntu umaninite, ano mukwiinga wakabisha, bantu boonse bakabisha alimwi balafwa. Yesu alakwe wakalinga muntu umaninite, bweenka mbuli Adamu. Aboobo ino Yesu wakacikonsha kucita nshi?
5. Cilubula ncipo Yehova ncaakamupa
Beshicibusa bakwe Yehova balabona cilubula mbuli cipo. Kucakubonenaako, amubelenge Bene Galatiya 2:20, akubandika mwiipusho uyu:
-
Ino Paulo wakaamba maswi nshi atondesha ayi wakalinga kubona cilubula mbuli cipo ncaakapekwa?
Adamu ndyaakabisha, lakwe abamulunyungu lwakwe boonse bakatalika kufwa. Sombi Yehova wakatuma Mwanaakwe kusa mukumufwita kwaamba ayi mukabe acoolwe ca kuba abuumi bwamuyayaya.
Ndyemutobelenga mavesi atokonkelaawo, amuyeeye Yehova mbwaakalinyumfwa Mwanaakwe ndyaakalinga kupenga. Amubelenge Joni 19:1-7, 16-18, akubandika mwiipusho uyu:
-
Ino mutolinyumfwa buyani pasheesho shakamucitila Yehova alimwi a Yesu?
BAMWI INGA BAMWIIPUSHA AYI: “Ino muntu womwi inga wafwita buyani bantu boonse?”
-
Ino inga mwakumbula buyani?
CITEENTE CINENE
Mukwiinga Yesu wakatufwita, Yehova inga watulekelela shibiibi shesu alimwi inga twaba abuumi bwamuyayaya.
Kwiindulukaamo
-
Ino nceebonshi Yesu ncaakafwita?
-
Ino buumi bwakwe Yesu bumaninite bwakeelela buyani kuba cilubula?
-
Ino lufu lwakwe Yesu inga lwamucafwa buyani?
AMULANGWETEEWO ASHIMWI
Amwiiye buumi bumaninite bwakwe Yesu ncobwiitilwa ayi cilubula.
“Ino Mulambu Wakwe Yesu Wakaba Buyani ‘Cilubula ca Bantu Baanji’?” (Makani acanika pa jw.org)
Amwiiye nshotweelete kucita kwaamba ayi tukalubulwe kububi alufu.
“Ino Yesu Inga Watupulusha Munshila Nshi?” (Makani acanika pa jw.org)
Sa Yehova alalekelela ashilubo shinene?
“Shikumbulo Kumiipusho Yamu Baibo” (Njashi Yamulindilishi, May 1, 2013)
Amwiiye musankwa umwi mbwakaalula buumi bwakwe pesule lyakwiiya pamakani a mulambu wakwe Klistu.
a Bubi teshibo kucita cintu cibiibi. Sombi cilasansulula akukakatila kucita shintu shibiibi ceebo cakwaamba ayi twakashalwa kuswa kuli Adamu a Efa.
You May Also Like
MIIPUSHO LIINJI BANTU NJOBEPUSHA
Ino Nshiinshi Nsheenga Mweeya Ndyemutokwiiya Baibo a Bakamboni Bakwe Yehova?
Ndyemutokwiiya Baibo a Bakamboni Bakwe Yehova kwakubula kulipila, inga mwasebensesha Baibo ili yoonse. Mulyangulukite kwiitako bamumukwashi wanu na beshicibusa banu bali boonse mbweenga mwasuna kucanikaawo paciiyo.
