TUTO 27
Lifu la Jesu Likona Kulutusa Cwañi?
Batu baezanga sibi, banyanda, ni kushwa bakeñisa kuli Adama ni Eva, bona batu bapili fa lifasi, nebasika utwa Mulimu. a Kono lunani sepo yeñwi. Ka kuitusisa Mwanaa hae Jesu Kreste, Jehova ulukisize nzila yeñwi yeka lulukulula kwa sibi ni lifu. Bibele iluluta kuli Jesu hanaashwile, naafile bupilo bwahae sina tiululo. Tiululo ki tifo yelifiwa kuli mutu yomuñwi alukululwe. Jesu naalifile tifo yeo ka kufana bupilo bwahae bobupetehile fa lifasi. (Mubale Mateu 20:28.) Jesu hanaafanile bupilo bwahae, naalutusize kuli lukone kufumana zene balatehezwi ki zona bo Adama ni Eva. Taba yeo hape ibonisa mwalulatela Jehova ni Jesu. Mwa tuto ye, lukanyakisisa litaba zeka lutusa kuitebuha hahulu lifu la Jesu.
1. Lifu la Jesu lilutusa cwañi kacenu?
Bakeñisa kuli lu baezalibi, luezanga lika zeñata zesatabisi Jehova. Nihakulicwalo, haiba lubakela libi zaluna luli ni kukupa Jehova ka Jesu Kreste kuli aluswalele, ni kueza molukonela kaufela kusakutela mafosisa ao, lwakona kuba ni silikani sesinde ni Mulimu. (1 Joani 2:1) Bibele ibulela kuli: “Kreste naashwile feela hañwi bakeñisa libi, yalukile naashwezi babasika luka, ilikuli amilibise ku Mulimu.”—1 Pitrosi 3:18.
2. Lifu la Jesu lika lutusa cwañi kwapili?
Jehova naalumile Jesu kuli atofa bupilo bwahae bobupetehile, “kuli mutu kaufela yabonisa tumelo ku [Jesu] asike atimezwa kono abe ni bupilo bobusa feli.” (Joani 3:16) Lwaitumela ku zanaaezize Jesu bakeñisa kuli Jehova utuha afelisa lika zemaswe kaufela zetahisizwe ki kusautwa kwa Adama. Taba yeo italusa kuli haiba lubonisa tumelo kwa sitabelo sanaafile Jesu, lwakona kuikola bupilo kuya kuile mwa paradaisi fa lifasi!—Isaya 65:21-23.
MUBATISISE
Muitute zeñata ka za libaka Jesu hanaafanile bupilo bwahae mi mubone moi mituseza taba yeo.
3. Lifu la Jesu lilulukulula kwa sibi ni lifu
Mubuhe VIDIO, mi kihona mukanyakisisa puzo yelatelela.
-
Ki tohonolo mañi yanaalatehezwi ki yona Adama hanaasika utwa Mulimu?
Mubale Maroma 5:12, mi kihona mukanyakisisa puzo yelatelela:
-
Sibi sanaaezize Adama simitahiselizeñi?
Mubale Joani 3:16, mi kihona mukanyakisisa puzo yelatelela:
-
Ki kabakalañi Jehova hanaalumile Mwanaa hae fa lifasi?
-
Adama neli mutu yapetehile yatahisize kuli batu kaufela bahoze sibi ni lifu
-
Jesu neli mutu yapetehile yanaautwile Mulimu ni kutusa batu kuba ni sepo ya kuto petahala ni kupila kuya kuile
4. Lifu la Jesu lakona kutusa batu kaufela
Mubuhe VIDIO, mi kihona mukanyakisisa puzo yelatelela.
-
Lifu la mutu alimuñwi likona kutusa cwañi batu kaufela?
Mubale 1 Timotea 2:5, 6, mi kihona mukanyakisisa puzo yelatelela:
-
Adama neli mutu yapetehile yatahisize kuli batu kaufela bahoze sibi ni lifu. Jesu ni yena neli mutu yapetehile. Jesu naafile cwañi “tiululo yelikanelela”?
5. Tiululo ki mpo yamifile Jehova
Balikani ba Jehova baanga tiululo kuli ki mpo yebafilwe. Ka mutala, mubale Magalata 2:20, mi kihona mukanyakisisa puzo yelatelela:
-
Muapositola Paulusi naabonisize cwañi kuli naanga tiululo sina mpo yanaafilwe?
Adama hanaaezize sibi, yena ni bana banaaka pepa nebaatulezwi lifu. Kono Jehova naalumile Mwanaa hae kuto mishwela ilikuli mukone kuikola bupilo kuya kuile.
Hamunze mubala litimana zelatelela, munahane mwanaaikutwezi Jehova kubona Mwanaa hae inze anyanda. Mubale Joani 19:1-7, 16-18, mi kihona mukanyakisisa puzo yelatelela:
-
Muikutwa cwañi ka za lika zamiezelize Jehova ni Jesu?
MUTU YOMUÑWI UKONA KUMIBUZA KULI: “Mutu alimuñwi ukona kushwela cwañi batu kaufela?”
-
Mukona kualaba cwañi?
LITABA KA BUKUSWANI
Lifu la Jesu litahisa kuli Jehova aluswalele libi zaluna, mi hape lilutusa kuli lube ni sepo ya kuto pila kuya kuile.
Mulundulule
-
Ki kabakalañi Jesu hanaashwile?
-
Jesu naafile cwañi tiululo yelikanelela?
-
Lifu la Jesu likona kumitusa cwañi?
MUBONE LITABA ZEÑWI
Muitute libaka bupilo bobupetehile bwanaafile Jesu habubizwa kuli ki tiululo.
“Sitabelo Sanaafile Jesu ki ‘Tiululo ku Babañata’ ka Mukwa Ufi?” (Taba ya fa webusaiti)
Munyakisise zelutokwa kueza kuli lupiliswe.
Kana luli Jehova wakona kuswalela nihaiba libi zetuna?
“Likalabo Kwa Lipuzo Za Bibele” (Tawala ya Mulibeleli, May 1, 2013)
Mubone mo sitabelo sa Kreste nesituselize muuna yoñwi kucinca kucinca mupilelo wahae.
a Nihaike kuli sibi ki kueza nto yemaswe, hape siama muinelo omaswe oluhozize.
Hape Mwendi Mwakona Kutabela Litaba Ze
LIPUZO ZEBUZIWANGA HAÑATA
Tuto ya Bibele Yebazamaisanga Lipaki za Jehova ki Nto Mañi?
Hamunze muituta Bibele ni Lipaki za Jehova, mwakona kuitusisa toloko ya Bibele ifi kamba ifi yemutabela. Mulukuluhile kumema lubasi lwamina kaufela kamba mulikani wamina ufi kamba ufi kuli afumanehe kwa tuto yamina.
