Ja tim jawyiimbë naxwinyëdë jäˈäy, Adán mëdë Eva, kyaj tmëmëdoowdë Dios. Pääty nbokytyuˈunëm, nˈayoˈowëm ets nˈoˈkëm. a Perë Jyobaa kyaj të xynyaˈijxëm, të xyaˈˈawäˈätspëtsëˈëmëm mët yëˈëgyëjxmë yˈUˈunk, Jesukristë. Biiblyë jyënaˈany ko Jesus ja ojts xyjyuuybyëtsëˈëmëm ko ojts xykyuˈoˈkëm. Yëˈë kyumëdoow ja nbokyˈäjt ngaytyeyˈäjtëm ko tkëyajky ja jyukyˈäjtën (käjpxë Matewʉ 20:28). Duˈun dyaˈijxë ko mëjwiin kajaa xytsyojkëm mëdë Tyeety. Jesus mbäätxyëp jyajukyˈajty xëmëkyëjxm yä Naxwiiny, per ko tkëyajky ja jyukyˈäjtën ëtsäjtëmgyëjxm, ta ojts dyaˈˈawäˈätsy ja nëˈë tuˈu parë jatëgok nbatëm mëdiˈibë Adán mëdë Eva yajtëgooytyë. Yäˈädë leksion mbudëkëyanëp parë mas niˈigyë xymyëjjawët ko Jesus ojts xykyuˈoˈkëm.

1. ¿Wiˈix tyam ndukˈoyˈäjtëm ko Jesus ojts xykyuˈoˈkëm?

Kom pokyjyaˈay nyajpatëm, pääty nduˈunëm tijatyë Jyobaa kyaj tkupëky. Per mbäät mëdë Dios nnaymyaˈayëm pën jantsy jodëmbijtëm mä ja nbokyˈäjt ngaytyeyˈäjtëm, pën nˈamdoˈowëmë Jyobaa mët yëˈëgyëjxmë Jesus parë xypyokymyaˈkxëm ets pën nduˈunëmë mëjääw parë kyaj nekytyuˈunëm ja poky kaytyey (1 Fwank 2:1). Biiblyë jyënaˈany: “Mët ko Kristë, oy nitii peky tkatuuny, tëgok jeˈeyë mët winë xëë winë tiempë yˈeˈky mä jyapatë nˈoˈkëm ëtsäjtëm pekyjyaˈayëty, es xytyukniwatsëm ja nbojpëˈäjtëm es xyajnëjxëm wäˈäts Dios wyindum” (1 Peedrʉ 3:18).

2. ¿Wiˈix ndukˈoyˈatäˈänëm ko Jesus ojts xykyuˈoˈkëm?

Jyobaa kyajx ja yˈUˈunk parë ojts xykyuˈoˈkëm ets duˈun “pënaty myëbëjktëp jikyˈattëp winë xëë winë tiempë es kyaj kyutëgoytyët” (Fwank 3:16). Ko Jesus ojts xykyuˈoˈkëm, ta Jyobaa tim tsojk xytyukniwäˈätsäˈänëm wiˈix tyam nguˈayoˈowëm ja Adángë pyoky kyaytyey. Pääty, pën nmëbëjkëm ko Jesus ojts xyjuuybyëtsëˈëmëm, ta nëjkx nbatëm ja jukyˈäjtënë mëdiˈibë itäämp xëmëkyëjxm ko netyë yäˈädë Naxwinyëdë të jyëmbity jantsy oy jantsy tsuj (Isaías 65:21-23).

 AK NIJAWË NIˈIGYË

3. Ko Jesus ojts xykyuˈoˈkëm ta xynyiwatsëm ja poky ets ja oˈkën

1. Adán wäˈätsjäˈäyë nety, per ko tkamëmëdooyë Dios, ta ttukninäjxyë naxwinyëdë jäˈäy ja poky ets ja oˈkën.

2. Jesus wäˈätsjäˈäyë nety ets kom myëmëdoowë Dios, ta dyaˈˈawatsy ja nëˈë tuˈu parë mbäädë naxwinyëdë jäˈäy jyëmbittë wäˈätsjäˈäy ets jyukyˈattët xëmëkyëjxm.

4. Mbäät niˈamukë naxwinyëdë jäˈäy ttukˈoyˈaty ko Jesus ojts xykyuˈoˈkëm

 5. Jyobaa ojts tnayakyë yˈUˈunk mijtskyëjxm

Pënaty mëdë Jyobaa nyaymyayëdë, duˈun tˈixtë ko yëˈë yˈUˈunk tuknigajxëdë parë ojts jyuuybyëtsëmëdë. Apostëlë Pablo duˈun tˈijxy, käjpxtë Galasyʉ 2:20 ets nimaytyäˈäktë mëdiˈibë yä yajtëëpy:

• ¿Wiˈixë apostëlë Pablo jyënany parë dyajjaygyujkë ko myëbëjkypyë nety ko Dios nyayäjkë yˈUˈunk parë ojts jyuuybyëtsëmyëty?

Ko Adán pyokytyuuny, ta yajtuknikäjpxpejtyë oˈk tëgoˈoyën mët niˈamukë tyëëm yˈääts. Perë Jyobaa ta tkejxyë yˈUˈunk parë yˈoogët yä Naxwiiny ets duˈun xypyäädët ja jukyˈäjtën xëmëkyëjxm.

Ko xykyäjpxëdë yäˈädë tekstë, pawinmay wiˈixëdaa Jyobaa ojts nyayjyawëty ko tˈijxy wiˈix ja yˈUˈunk yajtsäätsytyuuny. Käjpxtë Fwank 19:1-7 etsë 16-18, ets nimaytyäˈäktë mëdiˈibë yä yajtëëpy:

• ¿Wiˈix myajnayjyawëty ko xypyawinmay tijatyë Jyobaa mëdë Jesus tyuundë mijtskyëjxm?

 TI TË NJÄJTËM

Ko Jesus ojts xykyuˈoˈkëm, ta mbäädë Jyobaa tmeˈkxy ja nbokyˈäjt ngaytyeyˈäjtëm ets dyaˈˈawäˈätsy ja nëˈë tuˈu parë nbatëm ja jukyˈäjtën xëmëkyëjxm.

Ajamyatsë

• ¿Tiko Jesus yˈoˈky?

• Jesus wäˈätsjäˈäyë nety, ¿per wiˈixën ko yëˈë “tkëbejty tkumëdooy ja nyitsokën nidëgekyë naxwinyëdë jäˈäyëty”?

• ¿Wiˈix xytyukˈoyˈaty ko Jesus ojts yˈooky?