Ñayí xinañuʼun —Adán ji Eva— nduu ni ka kandija-ji nu̱u̱ Yandios. Ja ñukua kuu ja saʼa-yo kuachi, ndoʼo-yo ji ji̱ʼi̱-yo. a De ma sú ndɨʼɨ ni skinaa. Jeová ni jeʼe-Ya seʼe-Ya, Jesucristo tágua skáku yoʼo nu̱u̱ kuachi ji ja ji̱ʼi̱. Biblia steʼen ja, Jesús ni chunaa-de nu̱u̱ kuachi-yo, ta ni ji̱ʼi̱-de. Tuʼun ja skáku kuu ɨn yaʼvi ja chunaa tágua kuu kuteku ka ɨn ñayí. Jesús ni chunaa-de ji yɨkɨ kuñu-de ja nduu na kuachi ndíso (kaʼvi-ní Mateo 20:28). Jesús ni sndoo̱-de ja kuteku-de nɨkani nu̱u̱ Ñuʼun. Ja ni saʼa-de sukua, ni nakune-de ichi tágua ndaniʼi-yo ndɨʼɨ ja ni stíví Adán ji Eva. De suni ni steʼen-de ja kutoo tuni Jeová ji maa-de nu̱u̱ nda-yo. Lección yaʼa chindeé nu̱u̱-ní ja nakuetaʼvi ka-ní ja ni ji̱ʼi̱ Jesús.

1. ¿Na̱sa chíndeé nu̱u̱-yo mita ja ni ji̱ʼi̱ Jesús?

Ja kuu-yo ñayí kuachi, ka saʼa-yo kuaʼa tuni tiñu ja nduu taʼa̱n ini nu̱u̱ Jeová. De kuu kenda-yo ja kitaʼan vaʼa ka-yo jín Yandios nú ndija ndakani ini-yo sɨkɨ nda kuachi-yo, ji kakan-yo nu̱u̱ Jeová, nu̱u̱ sɨvɨ Jesús, ja née kaʼnu ini-Ya nu̱u̱-yo. De suni ná chuʼun ini-yo ja ma kinunkava tuku-yo nu̱u̱ kuachi ñukua (1 Juan 2:1). Biblia kachi: “Cristo suni ni̱ ndoʼo ya̱, de iin vuelta-ni ni̱ ji̱ʼi̱ ya̱ ja̱ síqui̱ cua̱chi ndiʼi ó. Ya̱a̱ va̱ʼa cúu ya̱, de ni̱ ndoʼo ya̱ ja̱ jéʼe̱ yóʼó nchivi̱ ne̱ʼén, tácua qui̱vi nda̱cá ó nu̱u̱ Ya̱a̱ Dios sa̱ʼá ya̱” (1 Pedro 3:18).

2. ¿Na̱sa chindeé nu̱u̱-yo ichi nu̱u̱ ja ni ji̱ʼi̱ Jesús?

Jeová ni taji-Ya seʼe-Ya ja ni jeʼe-de yɨkɨ kuñu-de ja nduu na kuachi ndíso “tágua ndɨʼɨ ja iyo fe nu̱u̱-de [Jesús] ma naa-ji, chi sa kuteku-ji nɨkani” (Juan 3:16, TNM). Kutaʼvi-yo ja ni saʼa Jesús sukua, jaku ka de Jeová xnaa-Ya ndɨʼɨ tundoʼo ja iyo sɨkɨ ja nduu ni kandija Adán nu̱u̱-Ya. Yaʼa kúni kaʼan, ja nú steʼen-yo ja nevaʼa-yo fe ja ni naso̱ko̱ Jesús maa-de, kuu kuteku-yo nɨkani nu̱u̱ ɨn Ñuʼun ja ndu̱u̱ vii de koo sii ini-yo (Isaías 65:21-23, TNM).

 NÁ KUTUʼVA KA-YO SƗKƗ TUʼUN YAʼA

3. Ja ni ji̱ʼi̱ Jesús skáku nu̱u̱-yo nu̱u̱ kuachi ji ja ji̱ʼi̱

1. Adán ni kuu-de ɨn teé nduu na kuachi ji, ta ni kuniʼin ini-de nu̱u̱ Yandios, ni kundeka-de nda ñayí nu̱u̱ kuachi ji nu̱u̱ ja ji̱ʼi̱.

2. Jesús ni kuu-de ɨn teé nduu na kuachi ji, ja ni kandija-de nu̱u̱ Yandios, ni nakune-de ichi tágua ndɨʼɨ ñayí naa kuachi-ji ji kuteku-ji nɨkani.

4. Ja ni ji̱ʼi̱ Jesús kuu chíndeé nu̱u̱ níí ñuuyɨvɨ́

 5. Ja skáku kuu ɨn ja ni jinimani̱ Jeová nu̱u̱-ní

Ñayí kitaʼan vaʼa jín Jeová ka ndeʼe-ji ja skáku tanu ɨn ja ni jinimani̱ Jeová nu̱u̱ ɨn ɨn-ji. Tágua kuni-ní ɨn ejemplo, ka kaʼvi-ní Gálatas 2:20 de ka ndatuʼun-ní sɨkɨ nda tuʼun yaʼa:

• ¿Na tuʼun ni kaʼan apóstol Pablo ja steʼen ja ni ndeʼe-de ja skáku tanu ɨn ja ni jinimani̱ nu̱u̱ maa-de?

Ta Adán ni saʼa-de kuachi, maa-de jín ndɨʼɨ seʼe-de ni ka nakuiso-de kuachi ja ji̱ʼi̱. De Jeová ni tetiñu-Ya seʼe-Ya nu̱u̱ Ñuʼun tágua kúu̱-de de sukua maa-ní ku̱ú kuteku-ní nɨkani.

Ta kaʼvi-ní nda versículo yaʼa, kani xini-ní na̱sa ni kuu ini Jeová ta ni ndeʼe-Ya ja ni ndoʼo seʼe-Ya. Ka kaʼvi-ní Juan 19:1-7 ji 16-18, TNM de ka ndatuʼun-ní sɨkɨ ndatuʼun yaʼa:

• ¿Na̱sa kuu ini-ní ta jani xini-ní ja ni saʼa Jeová ji Jesús sɨkɨ maa-ní?

 JA NI KUTUʼVA-YO

Sɨkɨ ja ni ji̱ʼi̱ Jesús, Jeová née kaʼnu ini-Ya nda kuachi-yo de suni ja ku̱ú kuteku-yo nɨkani.

Tuʼun núku̱ʼun ini

• ¿Nakú ni ji̱ʼi̱ Jesús?

• ¿Na̱sa kuu ja Jesús ja nduu na kuachi ndíso ni “nchunáá ya̱ kua̱chi ndiʼi ó”?

• ¿Ja ni ji̱ʼi̱ Jesús na̱sa kuu chíndeé nu̱u̱ maa-ní?