KĨTHOOMO KĨA 27
Nĩatĩa Gĩkuũ Kĩa Jesũ Kĩũmba Gũtwonokia?
Twĩagia, tũkathangĩka na tũgakua tontũ antũ baĩrĩ ba mbere, Adamu na Hawa, nĩbaaregere kwathĩkĩra Mũrungu. a Ĩndĩ tĩ kuuga tũtĩ na wĩrĩgĩĩro. Jehova naritĩte njĩra ya gũtwonokia kuuma kĩrĩ kĩrumi kĩa wĩyia na gĩkuũ gũkũrũkĩĩra Mũtaanowe Jesũ Kristũ. Bibiria ĩritanaga atĩ, Jesũ naaritĩre ĩkũũri gũkũrũkĩĩra gĩkuũ kĩawe. Ĩkũũri nĩ ĩrĩi rĩrĩa rĩrĩagwa gũkũũra muntũ. Ĩrĩi rĩrĩa Jesũ arĩĩre rĩarĩ mwoyo jwawe jũmũũjũru. (Thooma Mathayo 20:28.) Tontũ Jesũ aarĩ ũmũũjũru na rĩonthe naathĩkagĩra Jehova, arĩngĩtũũra kenya na kenya rĩrĩa aarĩ nthĩgũrũne, amwe na bũu nairitĩre akĩendaga, arakua tontũ bwetũ nĩkenda tũgacookerua bionthe birĩa Adamu na Hawa bateere. Jesũ naagwũrĩre ũrĩa we na Jehova batwendete. Kĩthoomo gĩkĩ gĩgagũtethia ũrĩa ũũmba kwonania nkaatho nkũrũki tontũ bwa gĩkuũ kĩa Jesũ.
1. Nĩatĩa tũũmba kũgunĩka kuumania na gĩkuũ kĩa Jesũ naarua?
Tontũ tũrĩ eeyia, nĩtũthithagia mantũ jamaingĩ jarĩa jatĩgwĩragia Jehova. Amwe na bũũ, kethĩra tũkairira kamma meeyia jeetũ na tũrombe Jehova ũrekeri gũkũrũkĩĩra Jesu Kristũ, na kethĩra tũkathithia jonthe jarĩa tũkũũmba tũtĩgacokeere maaatia jau kaĩrĩ tũkagwĩrirua ngwatanĩro ya akuĩ amwe na Mũrungu. (1 Johana 2:1) Bibiria yugaga: “Kristo Uria mwagiru naathangikirue [akuire] rimwe aki ni untu bwa meeyia antu a antu baria bataagirite, nikenda atukinyia kiri Murungu.”—1 Petero 3:18.
2. Nĩatĩa tũkagũnĩka kuumania na gĩkuũ kĩa Jesũ ĩgiita rĩjĩte?
Jehova atũmĩre Jesũ nĩkenda arita mwoyo jwawe jũmũũjũru arĩ muntũ “nikenda muntu kinya uriku uria ukamwitikia atikeeje kuura, indi eeje agite mwoyo jwa kenya na kenya.” (Johana 3:16) Nĩtũgũcookia nkaatho nĩ ũntũ bwa ũrĩa Jesũ aathithĩrie tontũ kagiita gatĩ kũraaja, Jehova akathiria mantũ jonthe jamathũũku jarĩa jaareterwe nĩ ĩrema rĩa Adamu. Ũũ nĩ kuuga kethĩra tũkonania wĩtĩkio kĩrĩ kĩgongwana kĩa Jesũ, tũkethĩrwa na kaanya ga kũgwĩrĩrua ũtũũro kenya na kenya paradiso nthĩgũrũne!—Isaya 65:21-23.
ĨNJA NKŨRŨKI
Iritane nkũrũki nĩkĩ Jesũ aaritĩre mwoyo jwawe, na ũrĩa ũũmba kũgunĩka.
3. Gĩkuũ kĩa Jesũ nĩ gĩtũthaũraga kuuma kĩrĩ ũkombo bwa wĩyia na gĩkuũ
Tega VIDIO, rĩu bwarĩĩrie kĩũria gĩkĩ kĩthingatĩte.
-
Nĩ kaanya karĩkũ Adamu ateere arĩkũrega kwathĩkĩra Mũrungu?
Thooma Aroma 5:12, rĩu bwarĩĩrie kĩũria gĩkĩ:
-
Wĩyia bwa Adamu bwĩthĩrĩtwe na maumĩĩra jarĩkũ kĩrĩ ũtũũro bwetũ?
Thooma Johana 3:16, rĩu bwarĩĩrie kĩũria gĩkĩ:
-
Nĩkĩ Jehova aatũmĩre Mũtaanowe nthĩgũrũne?
-
Adamu aarĩ muntũ ũmũũjũru ũrĩa waregere kwathĩkĩra Mũrungu na aratonyia antũ kajĩrene ka wĩyia na gĩkuũ.
-
Jesũ aarĩ muntũ ũmũũjũru ũrĩa wathĩkĩĩre Mũrungu na aratonyia antũ kajĩrene gakũbatethia kwaa baboojũru na kwona mwoyo jwa kenya na kenya
4. Gĩkuũ kĩa Jesũ kĩomba kũguna antũ bonthe
Tega the VIDIO, rĩu bwarĩĩrie kĩũria kĩrĩa kĩthingatĩte.
-
Nĩatĩa gĩkuũ kĩa muntũ ũmwe kĩrĩngĩũmba kũguna antũ bonthe?
Thooma 1 Timotheo 2:5, 6, rĩu bwarĩĩrie kĩũria gĩkĩ:
-
Adamu aarĩ muntũ ũmũũjũru ũrĩa watonyerie antũ kajĩrene ka meeyia na gĩkuũ. Jesũ kinya we aarĩ muntũ ũmũũjũru. Nĩ na njĩra ĩrĩkũ mwoyo jũrĩa jesũ aaritĩre jũtwonokagia kuuma kĩrĩ “meeyia na gikuu”?
5. Ĩkũũri nĩ kĩewa gĩaku kuuma kĩrĩ Jehova
Acoore ba Jehova boonaga ĩkũũri rĩrĩ kĩewa kĩao bobongwa. Ngerekano, thooma Agalatia 2:20, rĩu bwarĩĩrie kĩũria gĩkĩ:
-
Nĩatĩa mũtũmwa Paũlũ oonanĩrie atĩ noonaga ĩkũũri rĩrĩ kĩewa kĩawe wengwa?
Rĩrĩa Adamu eeĩrie, we na nciarwa ciawe cionthe nĩbagitĩĩrwe gũkua. Ĩndĩ Jehova naatũmĩre Mũtaanaowe akue nĩkenda ũgwe, wĩthĩrwa na kaanya ga kũgwĩrĩrua ũtũũro bwa kenya na kenya.
O rĩrĩa ũkũthooma mĩstaarĩ ĩjĩ, ringa mbica wone ũrĩa Jehova omba kwĩthĩrwa naaigagua rĩrĩa Mũtaana waawe aathangĩkagua. Thooma Johana 19:1-7, 16-18, rĩu bwarĩĩrie kĩũria gĩkĩ:
-
Nĩatĩa ũkwigua bwegie ũrĩa Jehova na Jesũ bakũthithĩĩrie?
MUNTŨ NO AŨRIE: “Nĩatĩa gĩkuũ kĩa muntũ ũmwe kĩrĩngĩũmba kwonokia antũ bonthe?”
-
Ũũmba gũcookia atĩa?
NA NJĨRA ĨNKUĨ
Gĩkuũ kĩa Jesũ nĩgĩtwejaga mũsingi jwa Jehova gũtũrekera meeyia jeetũ, na gĩgatwa kaanya ga kũgwĩrĩrua ũtũũro kenya na kenya
Gũcookera
-
Nĩkĩ Jesũ aakuĩre?
-
Nĩ na njĩra ĩrĩku mwoyo jwa Jesũ jũmũũjũru arĩ muntũ, jũrĩ ĩkũũri rĩng’anene na mwoyo jũrĩa Adamu aateere?
-
Nĩ na njĩra ĩrĩku gĩkuũ kĩa Jesũ kĩũmba gũkũguna?
CŨNKŨŨNA
Iritane nĩkĩ mwoyo jwa Jesũ arĩ muntũ ũmũũjũru jwĩtagwa ĩkũũri.
“Nĩatĩa Kĩgongwana Kĩa Jesũ Kĩrĩ ‘Ĩkũũri rĩa Antũ Babaingĩ?” (Thooma intanetine)
Cũnkũũna nĩatĩa tũbuĩrĩte kũthithia nĩkenda twonokua.
Rĩ, Jehova kinya no atũrekere meeyia jamarito?
“Bĩũria Bia Bibiria Bicooketue” (Mnara wa Mlinzi, Mĩi 1, 2013)
Ona ũrĩa kwiritana bwegie kĩgongwana gĩa Kristũ gwatetherie muntũ mũrũme ũmwe ũrĩa warũjaga na mathũgaanio jamathũũku ja ĩgiita rĩkũrũkĩte.
a Wĩyia tĩ kũthithia mantũ jamathũũku akĩ. Ĩndĩ kinya nĩ amwe na mwerekera jwa kũthithia mantũ jamathũũku jũrĩa twagaĩĩrwe nĩ Adamu na Hawa.
