LESON 27
Kouma Nou Gagn Lavi Sov Gras-a Lamor Zezi?
Nou fer pese, nou soufer, ek nou mor parski premie koup imin, Adan ek Ev, ti dezobeir Bondie. a Me sa pa vedir ki nou pena okenn sime sorti. Zeova inn avoy so Garson, Zezi Kris, lor later pou mor pou nou, pou ki nou kapav libere ar pese ek lamor. Labib montre ki kan Zezi finn mor, li finn pey enn ranson. Enn ranson se enn pri ki peye pou liber enn kikenn. Pri ki Zezi inn peye se so lavi parfe kouma enn imin. (Lir Matie 20:28.) Zezi ti kapav viv pou touletan lor later, me li finn aksepte mor pou nou, pou ki nou kapav regagn tou seki Adan ek Ev ti perdi. Zezi finn montre nou ki kantite li ek Zeova kontan nou. Sa leson-la pou ed ou pou ogmant ou rekonesans pou lamor Zezi.
1. Ki bienfe nou gagne depi asterla mem gras-a lamor Zezi?
Nou tou nou fer pese, alor nou fer bann kitsoz ki pa fer Zeova plezir. Selman, nou kapav ena enn bon lamitie avek Bondie. Kouma? Kan nou vremem regret bann pese ki nou’nn fer, kan nou pas par Zezi Kris pou demann Zeova pardon, ek kan nou fer nou maximum pou pa refer sa bann erer-la. (1 Zan 2:1) Labib dir: “Zezi Kris limem li finn soufer pou pese tou dimoun; parey kouma enn inosan li finn mor pou bann koupab, pou li kapav amenn zot kot Bondie.”—1 Pier 3:18.
2. Kouma lamor Zezi pou ed nou dan lavenir?
Zeova finn avoy Zezi pou donn so lavi parfe “pouki tou dimoun ki krwar dan [Zezi], pa mor me gagn lavi eternel.” (Zan 3:16) Gras-a seki Zezi inn fer, biento Zeova pou repar tou bann dega ki finn ena akoz dezobeisans Adan. Savedir ki si nou ena lafwa dan sakrifis Zezi, nou pou kapav viv ere pou touletan lor later ki pou vinn enn paradi!—Izai 65:21-23.
ANOU GET INPE PLIS
Aprann plis lor kifer Zezi finn donn so lavi ek ki bann benediksion ou kapav gagne gras-a sa.
3. Lamor Zezi liber nou ar pese ek lamor
Zwe VIDEO-la, ek apre sa, get sa kestion-la ansam:
-
Ki Adan inn perdi kan li’nn dezobeir Bondie?
Lir Romin 5:12, ek apre sa, get sa kestion-la ansam:
-
Kouma pese ki Adan inn fer ena enn lefe lor ou lavi?
Lir Zan 3:16, ek apre sa, get sa kestion-la ansam:
-
Kifer Zeova inn avoy so Garson lor later?
-
Adan ti enn zom parfe ki’nn dezobeir Bondie ek akoz li bann dimounn finn erit pese ek lamor
-
Zezi ti enn zom parfe ki’nn obeir Bondie ek gras-a li, bann dimounn kapav ena enn lavi parfe ek viv ere pou touletan
4. Tou dimounn gagn bann bienfe gras-a lamor Zezi
Zwe VIDEO-la, ek apre sa, get sa kestion-la ansam:
-
Kouma tou dimounn kapav gagn bann bienfe gras-a lamor enn sel zom?
Lir 1 Timote 2:5, 6, ek apre sa, get sa kestion-la ansam:
-
Adan ti enn zom parfe, me parski li’nn fer pese tou bann dimounn fer pese ek mor. Zezi ti enn zom parfe li osi. Alor, kouma lavi ki Zezi inn sakrifie liber tou dimounn ar pese ek lamor?
5. Laranson se enn kado ki Zeova inn donn ou
Bann kamarad Zeova konsider laranson kouma enn kado ki Zeova inn donn zot personelman. Par exanp, lir Galat 2:20, ek apre sa, get sa kestion-la ansam:
-
Kouma lapot Pol ti montre ki li ti konsider laranson kouma enn kado ki Bondie inn donn li personelman?
Kan Adan ti fer pese, li ek tou so bann desandan ti kondane amor. Me Zeova inn avoy so Garson pou donn so lavi pou ki ou kapav viv pou touletan.
Amezir ki ou lir sa bann verse-la, sey mazine ki Zeova inn resanti pandan ki so Garson ti pe soufer. Lir Zan 19:1-7, 16-18, NW, ek apre sa, get sa kestion-la ansam:
-
Ki ou resanti kan ou pans lor seki Zeova ek Zezi inn fer pou ou?
SERTIN DIMOUNN DIR: “Kouma lamor enn sel dimounn kapav sov tou dimounn?”
-
Ki ou ti pou reponn?
SEKI NOU’NN APRANN
Gras-a lamor Zezi, Zeova kapav pardonn nou bann pese, ek nou kapav viv ere pou touletan.
Eski Ou Rapel?
-
Kifer Zezi inn mor?
-
Kouma lavi ki Zezi inn sakrifie liber bann dimounn ar pese ek lamor?
-
Ki bienfe ou kapav gagne gras-a lamor Zezi?
DEKOUVER
Kifer nou dir ki lavi parfe ki Zezi inn done se enn ranson?
“Kouma Sakrifis Zezi Li ‘enn Ranson pou Boukou Dimoun’?” (Lartik lor jw.org)
Aprann ki nou bizin fer pou ki nou kapav gagn lavi sov.
Eski Zeova pardonn mem bann pese grav?
« Questions bibliques » (Latour Degard, 1e Me 2013, an Franse)
Aprann kouma sakrifis Zezi ti ed enn misie pou transform so personalite.
« Je ne suis plus esclave de la violence » (Lartik lor jw.org)
a Pese se pa zis fer enn move kitsoz, se osi linperfeksion ki nou’nn erite avek Adan ek Ev.
Ena Osi
KESTION KI POZE SOUVAN
Ki sa Inplike Etidie Labib Avek Bann Temwin Zeova?
Bann Temwin Zeova ofer bann letid Labib gratis, ek ou kapav servi ninport ki version Labib ki ou anvi. Santi ou lib pou invit bann manb ou fami ouswa bann kamarad ki ou anvi.
