Икымше еҥ-влакын, Адам ден Еван, Юмо деч кораҥмыштлан кӧра ме языкым ыштена, орланена да колена a. Но тыге эре огеш лий. Иегова мыланна язык ден колымаш деч утлаш йӧным пуэн. Тиде Иисус Христос Эргыжлан кӧра лийын кертын. Библий дене келшышын, Иисус колымыж дене еҥ-влакым тӱлен налын. Тӱлен налмаш — тиде иктаж-кӧм эрыкыш лукташлан тӱлымӧ ак. Иисус шке языкдыме айдеме илышыжым пуымыж дене тыгай акым тӱлен. (Матфейын 20:28 лудын лекса.) Иисусын мландыште курымеш илаш праваже лийын, но тудо шке кумылжо почеш еҥ-влак верч колен. Тидлан кӧра мом Адам ден Ева йомдареныт, чылажат мыланна пӧртылтымӧ лиеш. Тыгак Иисусын колымыжо мыланна ончыктен, мыняр чот тудо да Иегова мемнам йӧратат. Тиде урок мыланна Иисусын ыштымыжым эше чотрак аклаш полша.

1. Христосын колымашыже мыланна уже кызытак могай пайдам конден кертеш?

Ме чыланат языкан улына. Сандене чӱчкыдын ыштымына дене Иеговам шӱлыкаҥдена. Но йоҥылышым ыштымыналан ӧкынена да Иегова деч Иисус Христос гоч проститлымым йодына гын, тунам Иегован йолташыже кодын кертына. Тыгак уэш-пачаш йоҥылышым ышташ огыл манын, уло вийым пыштыман (1 Иоаннын 2:1). Библийыште возымо: «Христосат икана колен сулык верчын, чын еҥ чын огыл — еҥ-влак верч, мемнам Юмо деке кондаш манын» (1 Петрын 3:18, У Сугынь, 1986).

2. Кузе Христосын колымашыже мыланна ончыкыжым пайдам конден кертеш?

Иегова Иисусым еҥ-влак верч колашлан мландышке колтен. Иисус шкенжын языкдыме айдеме илышыжым пуэн. Тудлан «ӱшаныше иктат ынже йом, а курымашлык илышым налже манын», тыге ыштен (Иоаннын 3:16). Адамын Юмо ваштареш шогалмыже айдеме тукымлан шуко эҥгекым конден гынат, Иегова Иисусын ыштымыжлан кӧра чылажымат тӧрлата. Тугеже, Иисусын надыржылан ӱшанена гын, рай мландыште курымеш илен кертына! (Исайя 65:21—23).

 КЕЛГЫНРАК ШЫМЛЕН НАЛЗА

3. Иисус мемнам язык ден колымаш деч утарен

1. А. Адам, языкдыме айдеме, Юмым колыштын огыл. Тудын верч еҥ-влак языкан лийыныт да колаш тӱҥалыныт

2. Б. Иисус, языкдыме айдеме, Юмым чыла шотыштат колыштын. Тудлан кӧра еҥ-влакын язык деч утлаш да курымеш илаш йӧнышт лектын

4. Могай йӧным Иисусын колымашыже чыла еҥлан пуа

 5. Тӱлен налмаш — Иегова деч тыланда пӧлек

Иегован йолташыж-влак тӱлен налмашым лач нунылан пуымо пӧлеклан шотлат. Теве ик пример. Галат-влаклан 2:20 лудын лекса да вашмутым пуыза:

• Апостол Павел тӱлен налмашым лач тудлан ыштыме пӧлеклан шотлен манын, кушеч коеш?

Адамын языкым ыштымыжлан кӧра тудлан да тудын тукымжылан колымаш приговор лукмо лийын. Сандене Иегова мландышке шке Эргыжым колтен. Тендан курымеш илаш йӧнда лийже манын, Иисус колен.

Нине почеламут-влакым лудмыда годым шоналтыза, мом Иегова шижын, кунам Эргыжын орланымыжым ужын. Иоаннын 19:1—7, 16—18 лудын лекса да вашмутым пуыза:

• Иегова ден Иисусын тендан верч мом ыштымышт нерген пален налмеке, могай шижмашда лектеш?

 ТӰҤ ШОНЫМАШ

Иисусын колымашыжлан кӧра Иегова сулыкнам проститлен кертеш да ме курымеш илен кертына.

Ушештарымаш

• Иисус молан колен?

• Молан Иисусын языкдыме айдеме илышыжым келшен толшо аклан шотлаш лиеш?

• Иисусын колымашыже тыланда могай пайдам конда?