ISAMBILILO 27
Uzye Imfwa ya kwe Yesu Yingatupususya Wuli?
Tukawembuka, tukacula, nu kufwa pa mulandu wakuti awantu wakutalicilako e Adamu ne Eva wakanile ukwivwila e Leza. a Lelo asamulandu na vyonsinye vyo-o, twawa ni suwilo. E Yehova wawikako inzila iyakutupususizyamo ku luwembu ni mfwa, ukupitila mu mwana wakwe e Yesu Klistu. E Baibolo yikatusambilizya ukuti e Yesu wapile uwumi wakwe ukuwa anzuwi. Inzuwi acifuta mulandu. Icifuta mulandu cino e Yesu wapile, awumi wakwe uwupwililike. (Wazya Mateyu 20:28.) Pano e Yesu wapile uwumi wakwe kukuluwula awantu munsi, watwiyulizile inzila yakuwa nu wumi wamuyayaya wuno e Adamu ne Eva wasovizye. Cinji aca kuti wo-o vino wacisile walanjizizye vino weliwe umweneco ne Yehova watukunda. Lyo-o isambililo lyandi likwavwe ukusalifya pa mfwa ya kwe Yesu.
1. Uzye imfwa ya kwe Yesu yikatwavwa wuli mwe ya-a manda?
Pa mulandu wakuti swe wawembu, tukaluvyanya Yehova mu vivule vino tukacita. Lelo nga twalapila, twalenga na kwe weliwe ukupitila mu mwana wakwe Yesu Klistu ukuti atutetele, swinya tukwelezya na maka ukukananyocezyapo vino twaluvinye, akatutetela swinya tukawa ciwuza wakwe. (1 Yohani 2:1) E Baibolo yikati: “Amuno nu Klistu-nye watela wawafwila, wawafwila ku luwembu lwinu lyonga-nye nsu, umulungamane wafwila awawembu, alyakuti awakolelele kwakwe Leza.”—1 Peter 3:18.
2. Uzye imfwa ya kwe Yesu yilitwavwa wuli kunkolelo?
E Yehova watumile umwana wakwe mukupa uwumi wakwe uwupwililike “alyakuti wensi wino akuwika insingo [akusuwila] mwakwe weliwe atize afwe ukuwa awe nu wumi wamuyayaya.” (Yohani 3:16) Imfwa yakwe Yesu yalenga tuwe ni suwilo lya kuti nombanye e Yehova wandi ayize afumyepo iviwipe vino Adamu waleta pa mulandu nu wucintivwa wakwe. Co-o cikusula mukuti nga twasuwila munzuwi ya kwe Yesu, tuliwa nu longo lwakwikala amanda pe mu paradise monye munsi!—Ayizeya 65:21-23.
SAMBILILA IVICILE PA-A
Sambilila na vinji pa mulandu wuno e Yesu wafwizile, ni vizima vino vyafumamo.
3. Imfwa ya kwe Yesu yikatuluwula ku luwembu ni mfwa
Tambani e VIDYO, nu kulanzyanya lyo-o iwuzyo.
-
Acani cino Adamu wapulumuzile pano wakanile ukwivwila e Leza?
Wazyani Waroma 5:12, nu kulanzyanya lyo-o iwuzyo:
-
Uzye uluwembu lwa kwe Adamu lwakuma wuli uwumi wako?
Wazyani Yohani 3:16, nu kulanzyanya lyo-o iwuzyo:
-
Amulandu ci wuno Yehova watumizile umwana wakwe ukwiza mu nsi?
-
E Adamu walinji amuntu umupwilike wino wasozilepo ukukanayivwila Leza. Co-o calenga awantu wawembuka nu kufwa
-
E Yesu walinji amuntu umupwililike wino wasozilepo ukwivwila Leza. Ica kuti watupa nu longo lwakwizawa awapwililike nu kwikala amanda pe
4. Awantu wonsinye wanganoncelamo mu mfwa ya kwe Yesu
Tambani e VIDYO, nu kulanzyanya lyo-o iwuzyo.
-
Uzye imfwa ya muntu wenga, yingatula wuli awantu awavule?
Wazyani 1 Timoti 2:5, 6, nu kulanzyanya lyo-o iwuzyo:
-
E Adamu walinji amuntu umupwililike, lelo pa mulandu wakuti wawembusile, awantu wonsinye wakawembuka nu kufwa. E Yesu walanji amupwililike ndi vino Adamu walinji. Acani cino imfwa ya kwe Yesu yacisile cino calenzile ukuti awe ‘anzuwi iyilinganeko’?
5. Inzuwi acawila cino Yehova wakupa
Waciwuza wa kwe Yehova wonsinye wakalola ukuti inzuwi acawila cino wawapa. Ku cakulolelako, wazyani Wagalatiya 2:20, nu kulanzyanya lyo-o iwuzyo:
-
Uzye umutumwa Paulo walanjizizye wuli ukuti walolanga inzuwi ukuti acawila cino Leza wamupile?
Pano e Adamu wawembusile wayikazizye akazya na wana wakwenye ku mfwa. Lelo e Yehova watumile umwana wakwe ukwiza tufwila pakuti tuwe nu longo lwa kuwa nu wumi wamuyayaya.
Pano ukuwazya amawaliko yano yakonkapo, uwakwelenganya vino e Yehova wayivwanga ukulola kuno umwana wakwe akucula. Wazyani Yohani 19:1-7, 16-18, nu kulanzyanya lyo-o iwuzyo:
-
Uzye ukayivwa wuli pe vino e Yehova ne Yesu wakucitila?
WUMWI ANGATI: “Uzye imfwa ya muntu wenga yingapususya wuli awantu wonsinye?”
-
Uzye ungamwasuka wuli?
IVISINKA VIKULU
Imfwa ya kwe Yesu yalenga Yehova atutetela amawembuko, swinya yikalenga tuwe ni suwilo lya kwikala amanda pe.
Avyani Vino Wasambilila?
-
Amulandu ci wuno Yesu wafwizile?
-
Amunzila ci yino uwumi wa kwe Yesu uwupwililike wiza wawa anzuwi iyilinganeko?
-
Uzye unganoncelamo wuli mu mfwa ya kwe Yesu?
MANYILAPO NA VINJI
Sambilila umulandu wuno uwumi wa kwe Yesu uwupwililike wukakwitilwa ukuti inzuwi.
“Amulandu ci Wuno Imfwa ya kwe Yesu Yawela Anzuwi ‘Kukutula Awavule’?” (Icipande ca pa webusayiti)
Lola vino tuzipizile ukucita pa kuti twize tupusuke.
Uzye e Yehova angatetela nu luwembu ulukunye?
“Ivyasuko ku Mawuzyo ya mu Baibolo” (Ulupungu lwa kwa Kalinda, May 1, 2013)
Lola vino ukusambilila pa nzuwi ya kwe Klistu kwavwizye umonsi wumwi ukupilula imiwele yakwe.
“Nomba Naleka Ukuwa Umuzya wa Wunkalwe” (Icipande ca pa Webusayiti)
a Uluwembu asakucitavye ivintu vimwi iviwipe. Lelo mwasanzyamo na vino cikatuwomela ukucita icizima pa mulandu nu luwembu luno twapyana kwe Adamu ne Eva.
Mungakunda na vyoo
AMAWUZYO YANO AWANTU WAKAWUZYAPO SANA
Uzye Isambililo lye Baibolo Ilya Nte zya kwe Yehova Lyawa Wuli?
Mwe lyoo isambililo lino Inte zya kwe Yehova wakasambilila na wantu uwiilanye, mungawomvya e Baibolo iyili yonsinye ino mukulonda. Mungitako na wali wonsinye wano mukulonda.
