Tue ku linga vupi, ku yanda na ku-tsa muomu va yala na mpuevo va katete va Andama na Eva, va muesele lisino kuli Njambi. a Vunoni ka tua puile ngue vunga vua ku muaniena mu ndonga. Muomu Yehova ua tu sokoluela njila linga tu kovoke ku vupi na ku-tsa, ku hitila muli Muaneni Yesu Kilistu. Mbimbiliya ya longesa ngecize Yesu ua hanene nkombelo ya ku tu patula ku hitila mu ku-tsa ceni. Nkombelo ya pua ndando i ve ku fueta mu ku ovola muntu. Ndando ua fuetele Yesu, ya puile seho ya muono ueni ua ku tantuluka. (Tandenu Mateo 20:28.) Yesu ua kele na mpoko ya ku yoyela hano ha mavu ku miaka yose, vunoni ua tavele ku-tsa linga etu tu hase ku nganiala lueka viose vize vi va zimbalesele va Andama na Eva. Yesu ua muesele naua vukama vua cilemo ceni na ca Yehova kuli yetu. Cino cilongesa, ci mi kuasa ku vueza ku seho i mua haka ku ku-tsa ca Yesu.

1. Vati ku-tsa ca Yesu ci hasa ku tu kuasa lelo lino?

Mu ku linga tua pua tu vakua ku vulumuna, tue ku linga viuma via vingi ka vie kuya Yehova ku mutima. Vunoni nga tu liveya mu vusunga ku vupi vuetu na ku vundila Yehova a tuecele ku hitila muli Yesu Kilistu, kaha naua tu lihakela kapandi ka ku hona ku hilukila visevuka viaco, tu hasa ku likuata vusamba vua kama na Njambi. (1 Yoano 2:1) Mbimbiliya nguayo: “Kilistu naua ua yandele muomu vipi, mukua vuviuke omo vakua vuhenge, linga a tu tuale kuli Njambi.”—1 Petulu 3:18.

2. Vati kutsa ca Yesu ci hasa ku ka tu kuasa ku lutue?

Yehova ua tumine Yesu a ku hane muono ueni ua ku tantuluka “linga uose a mu tsiliela [Yesu] kati a ka nonge, vunoni a kale na muono ka ue ku hua ua ya-ye.” (Yoano 3:16) Omo lievi via lingile Yesu, vuovuno Yehova a ka tundisako vipi viose vi lia koka lisino lia Andama. Eci ca lomboloka ngecize nga tu muesa lutsilielo mu nkombelo ya Yesu, tu ka kala na vukovelelo vua ku yoya ku miaka yose ya-ya-ye mu citungu ha mavu!—Isaya 65:21-23.

 TANTEKEYENU VIKUAVO

3. Ku-tsa ca Yesu ca tu patula ku vupi na ku ku-tsa

1. Andama, ua puile yala ua ku tantuluka, uze ua muesele lisino kuli Njambi na ku talekesa vantu mu njila ya vupi na ku-tsa

2. Yesu ua puile yala ua ku tantuluka, uze uononokele Njambi na ku hana lulavelelo ku vantu linga va ka tambule muono ua ya-ye

4. Ku-tsa ca Yesu ci hasa ku kuasa vantu vose

 5. Nkombelo ya pua vuana vua mi hana Yehova

Vavusamba va Yehova, ve ku mona nkombelo ku pua vuana vua va hana muntu ku muntu. Ca ku muenako tandenu Ngalata 2:20, kaha simutuilenu ha cihula eci:

• Vati kapostolo Paulu ua muesele ngecize ua muene nkombelo ku pua vuana vua mu hele mpundu Yehova?

Andama mua vulumuine, ku-tsa cezile hali ikeye na ku vana veni vose. Vunoni Yehova ua tumine Muaneni a ku mi tsile, linga mu kale na vukovelelo vua ku yoya miaka yose.

Omo mu tanda evi vinimbu, singaniekenu vati Yehova ua livuile ku mutima mua muene Muaneni ali na ku yanda. Tandenu Yoano 19:1-7, 16-18, kaha simutuilenu ha cihula eci:

• Vati mue ku livua ku tuala ha viuma via mi lingila Yehova na Yesu?

 VI MU NA LILONGESA

Ku-tsa ca Yesu, ca pua luvula lue ku pangesa Yehova mu ku tu ecela ku vupi na ku ka yoya ku miaka yose.

Mpupulule

• Omo lia vika Yesu ua tsile?

• Mu njila ika muono ua ku tantuluka ua Yesu ua puile ndando ya ku tu kula?

• Vati ku-tsa ca Yesu ci hasa ku mi kuasa?