Tojuantij titlajtlakolejkej, titlaijiyouiaj uan timikij pampa nopa achtoui maseualmej, Adán uan Eva, amo kineltokakej toTeotsij. a Maske kiampa techpano, Jehová kititlanki iKone uan kiampa ueliskia techmakixtis tlen tlajtlakoli uan mikilistli. Biblia kiijtoua Jesús tlaxtlajki ika imikilis uan kiampa techmakixtik. Tlaj se akajya kineki kimakixtis seyok, moneki tlaxtlauas. Uan Jesús tlaxtlajki ika imikilis (xijpoua Mateo 20:28). Maske Jesús ueltoskia itstos nochipa ipan Tlaltipaktli, ya kinejki motemaktilis. Tlen kichijki techpaleuia ma timotemachikaj teipa uelis tiitstosej kej Adán uan Eva itstoyaj kema ayamo tlajtlakolchiuayayaj. Nojkia kinextik kenijkatsa Jehová uan ya tlauel techikneliaj. Ni tlamachtili mitspaleuis nojua tlauel tijpatiitas Jesús imikilis.

1. ¿Kenijkatsa techpaleuia nama Jesús imikilis?

Maske nochi titlajtlakolejkej uan tijchiuaj miak tlamantli tlen Jehová amo kipaktia, uelis timouampojchiuasej iuaya tlaj timoyolkuepaj uan tikiljuiaj ika Jesús itoka ma techtlapojpoljui. Uan nojkia tlaj tijchiuaj kampeka ayokmo sampa tijchiuasej tlen amo kuali (1 Juan 2:1). Biblia kiijtoua Jesús “mijki san sempatsi, [...] ipampa totlajtlakoljuaj nochi titlakamej para nochipa”. “Tlen senkistok kuali mijki [...] pampa kinejki techuikas kampa toTeko” (1 Pedro 3:18).

2. ¿Kenijkatsa techpaleuis teipa Jesús imikilis?

Jehová kititlanki iKone Jesús ma motemaktiliki pampa “keja nopa nochi tlen kineltokasej, axpoliuisej, pero kipiasej yolistli tlen yankuik para nochipa” (Juan 3:16). Ika tlen Jesús kichijki, Jehová nechka kitlamiltis nochi tlamantli tlen amo kuali tlen pano pampa Adán tlaixpanok. Ni kiijtosneki tlaj titlaneltokaj ipan Jesús imikilis uelis tiitstosej nochipa ipan Tlaltipaktli kema mochiuas se xochimili (Isaías 65:21-23).

 KUALI XIMOMACHTI

3. Jesús imikilis techmakixtia tlen tlajtlakoli uan mikilistli

1. A. Adán amo eliyaya tlajtlakole, uan kema kiijixnamijki toTeotsij, techpanoltilik tlajtlakoli uan mikilistli.

2. E. Jesús amo kipiayaya tlajtlakoli, uan pampa kineltokak toTeotsij, tojuantij uelis nochipa tiitstosej uan ayokmo tijpiasej tlajtlakoli.

4. Jesús imikilis uelis kinpaleuis nochi maseualmej

 5. Nopa tlaxtlauili eli se tlamantli tlen Jehová mitsmakatok

Jehová iuampoyouaj kiitaj nopa tlaxtlauili kej se tlamantli tlen ya kinmakatok. Xikitakaj se akajya katli kiampa moiljuiyaya. Xijpouakaj Gálatas 2:20 uan xijnankilikaj ni tlajtlanili:

• ¿Tlake kiijtok apóstol Pablo uan kiampa kinextik kiitayaya nopa tlaxtlauili kej se tlamantli tlen Jehová kimakatoya?

Adán tlajtlakolchijki, yeka ya uan nochi ikoneuaj mikiskiaj. Uan pampa Jehová kititlanki iKone ma mikiki, ta uelis tijpias nemilistli tlen axkema tlamis.

Kema tijpouas ni textos ximoiljui tlake kiyolmatki Jehová kema kiitak kitlaijiyouiltiyayaj iKone. Xijpouakaj Juan 19:1-7 uan 16-18, TNM uan xijnankilikaj ni tlajtlanili:

• ¿Tlake tijyolmati kema tikita tlen Jehová uan Jesús kichijkej?

 TLEN TIMOMACHTIJKEJ

Jehová techtlapojpoljuia totlajtlakoljuaj uan uelis tijpiasej nemilistli tlen axkema tlamis pampa Jesús motemaktilik.

¿Tlake tijyekok?

• ¿Kenke mijki Jesús?

• ¿Kenke kema Jesús motemaktilik tlaxtlajki “tlen monekiyaya”?

• ¿Kenijkatsa mitspaleuia Jesús imikilis?