Yekinika takat uan yekinika siuat Adán uan Eva amo kitakamatkej Dios. Yejua ika titajtakolejkej, titajyouiaj uan timomikiliaj. a Sayoj ke Jiova techmakixtia itech tajtakol uan mikilis itechkopa iKonetsin Jesucristo. Biblia tamachtia ke keman Jesús momikilij, kitemakak se taxtauil. Se taxtauil yejua tein se kitemaka para ika se kimakixtia aksa. Uan Jesús ika inemilis tein amo kipiaya tajtakol taxtauak para techmakixtis itech tajtakol uan mikilis (xikonita Mateo 20:​28). Jesús kinamikia nemis nochipaya porin amo kipiaya tajtakol. Sayoj ke, motemakak amo nemis nochipaya nikan taltikpak para maj uelini tikpianij tein Adán uan Eva kipolojkej. Uan no kinextij ke yejua uan Jiova semi techtasojtaj. Nejin tamachtilis mitsonpaleuis okachi xikontasojkamati maj Jesús momikiliani.

1. ¿Keniuj techpaleuia axkan maj Jesús momikiliani?

Kemej titajtakolejkej tikchiuaj miak taman tein Jiova amo kiuelita. Sayoj ke, uelis timouikaskej iuan Dios komo yekmelauj techyolkokoua tein amo kuali tein tikchiujkej uan tiktajtaniaj Jiova, itokaykopa Jesús maj techtapojpolui. Uan no komo timochikauaj amo oksepa tikchiuaskej tein tikchiujkaj (1 Juan 2:1). Biblia kijtoua: “Cristo momikilij toixpatka uan sepa san kinsenixtauak totajtakoluan. Uan Cristo yolchipauaktsin [...] techixpatkayoti [...] ten amo tiyolkualime [...] para techtokitiu tejuan kampa Totajtsin Dios” (1 Pedro 3:​18).

2. ¿Keniuj techpaleuis maj Jesús momikiliani?

Jiova kiualtitanik iKonetsin maj kitemakaki inemilis tein amo kipiaya tajtakol “para ma nochi ne ten iuantsin [Jesús] takuautamatiske, yejuan nojonkes ma amo ixpoliuikan. Ta, ma kipiakan ne yek nemilis nachipa” (Juan 3:​16). Ika tein Jesús kichiuak, amo uejkaua Jiova kiixpolos nochi tein amo kuali tein mochiuak porin Adán amo tatakamatik. Nejin kijtosneki, ke komo titakuaujtamatij itech inemilis tein Jesús kitemakak, uelis tiyolpakiskej nochipaya nikan taltikpak keman yeski se xochital (Isaías 65:​21-​23).

 MAJ OKACHI TIMOMACHTIKAN

3. Kemej Jesús momikilij techmakixtia itech tajtakol uan mikilis

1. Adán amo katka tajtakolej uan keman amo kitakamatik Dios, techpanoltilij tajtakol uan mikilis.

2. Jesús amo katka tajtakolej uan kemej kitakamatik Dios, kichiuak maj tikchiakan tinemiskej nochipaya uan maj amo titajtakolejkejok.

4. Maj Jesús momikiliani techpaleuia tinochin

 5. Inemilis Jesús tein kitemakak se netetayokolil tein Jiova mitsonmaka

Akin kuali mouikaj iuan Jiova kiitaj ke inemilis Jesús tein kitemakak se netetayokolil tein kinmaka sejsemej. Para tikonixmatis aksa akin ijkon kiitaya xikitakan Gálatas 2:​20 uan ika xitajtokan nejin:

• ¿Toni tein kijtoj Pablo kinextia ke kiitaya inemilis Jesús tein kitemakak kemej se netetayokolil tein kiselij?

Keman Adán tajtakoj yejua uan ikoneuan peuak momikiliaj. Sayoj ke, Jiova kiualtitanik iKonetsin nikan taltikpak maj momikiliki para uelis tionnemis nochipaya.

Keman tikonitas nejin versículos, xikonnemili keniuj momachilij Jiova keman kiitak ke iKonetsin tajyouijtoya. Xikitakan Juan 19:​1-7 uan 16-​18 uan ika xitajtokan nejin:

• ¿Keniuj tikonita tein Jiova uan Jesús moka kichiujkej?

 TEIN TIKITAKEJ

Kemej Jesús momikilij, Jiova techtapojpoluia totajtakoluan uan techpaleuia maj ueli tinemikan nochipaya.

Maj tikelnamikikan

• ¿Keyej momikilij Jesús?

• ¿Keniuj inemilis Jesús tein amo kipiaya tajtakol kiixtauak “ipatiuj den totajtakoluan”?

• ¿Keniuj mitsonpaleuia tejuatsin maj Jesús momikiliani?