Adán uan Eva amo okitlakamatkej Jehová. Ikinon tejuan titlajtlakolchiuaj, titlajyouiaj uan tiixpoliuij. a Jehová okitemakak iKone para techmakixtis. Biblia kijtoua Jesús otechmakixti ijkuak oixpoliuik. Ye okitemakak iyolilis tlen amo okipiaya tlajtlakoli (xiktlajtolti Mateo 20:28). Maski Jesús uelis yoltoskia nochipa nikan tlaltikpak, amo ijkon okichi. Nin techpaleuia para uelis tikpiaskej tlen Adán okipolo. Ijkon Jehová uan Jesús okiteititijkej sapanoua techtlasojtlaj. Tlen nikan timomachtiskej techpaleuis matikpatioitakan Jesús otechmakixti.

1. ¿Ken techpaleuia imikilis Jesús?

Titlajtlakolchiuaj ikinon tikchiuaj miak tlamantli tlen amo kipaktia Jehová. Pero uelis iuan timouikaskej, tla timoyolkopaj uan ika itoka Jesús tikiluiaj matechtlapojpolui. Pero moneki timochijchikauaskej ayakmo titlajtlakolchiuaskej (1 Juan 2:1). Biblia kijtoua: ‘Cristo san se uelta oixpoliuik para techkixtilis totlajtlakol uan ayakmo oksepa ixpoliuis. Maski ye okatka yolkuali, omotemakak inpatka akinmej amo yolkualmej para techpaleuis kuali matimouikakan iuan toTajtsin Dios’ (1 Pedro 3:18).

2. ¿Ken techpaleuis imikilis Jesús?

Jehová okiualtitlanki uan okitemakak iKone “ijkon akin kiteititis kineltoka amo ixpoliuis uan nochipa yoltos” (Juan 3:16). Ayakmo miak poliui uan Jehová kitlajtlamis nochi tlen techtlajyouiltia, ijkon kichiuas porque Jesús topatka omotemakak. Ikinon tla tikteititiaj titlaneltokaj, uelis tiyoltoskej nochipa itech xochitlali (Isaías 65:21-23).

 MATIMOMACHTIKAN

3. Jesús otechmakixti ijkuak omotemakak

1. Adán amo okipiaya tlajtlakoli pero amo okitlakamatki toTajtsin Dios ikinon axkan titlajtlakolejkej uan tiixpoliuij.

2. Jesús amo okipiaya tlajtlakoli uan okitlakamatki toTajtsin Dios ikinon nochipa tiyoltoskej uan ayakmo tiyetoskej titlajtlakolejkej.

4. Imikilis Jesús tinochtin techpaleuia

 5. Jehová otechmakak se tetliokolil ijkuak okitemakak iKone

Itekipanojkauan Jehová kitaj ken se tetliokolil ijkuak ye okitemakak iKone. Matikitakan ken omomachiliaya se itekipanojka Jehová. Xiktlajtoltikan Gálatas 2:20 uan satepan xikitakan tlen namechmachtia.

• ¿Ken tikmatij Pablo okitaya ken se tetliokolil imikilis Jesús?

Tinochtin tiixpoliuij porque Adán otlajtlakolchi, Jehová okiualtitlanki Jesús topatka mamotemaka uan ijkon uelis tiyoltoskej nochipa.

Ijkuak tikintlajtoltis textos ximokuayejyeko ken omomachili Jehová ijkuak okitak okitlajyouiltijtokaj iKone. Xiktlajtoltikan Juan 19:1-7 uan 16-18 uan satepan xikitakan tlen namechmachtia.

• Ijkuak timokuayejyekoua tlen okichijkej mopatka Jehová uan Jesús, ¿ken timomachilia?

 XIKILNAMIKTO

Jehová techtlapojpoluia uan uelis tiyoltoskej nochipa porque Jesús topatka omotemakak.

Matikojpauikan

• ¿Tleka omikik Jesús?

• ¿Tleka imikilis Jesús techmakixtia?

• ¿Ken mitspaleuia imikilis Jesús?