Yej achto ta̱gaʼ wan siwa̱—Adán wan Eva—akitajto̱lkakikej Dios. Inó̱n iga tikchi̱waj yej aye̱kti, timoyo̱lmiktiáj wan timikij. a Pero ayá̱ ómpaya poliwiʼ nochi. Jehová kiti̱tan Ipiltsi̱n, Jesucristo iga matema̱kixti del pecado wan la muerte. La Biblia kine̱xtiá iga kua̱ Jesús mikiko kipaga̱roj se̱ rescate. Se̱ rescate yawi yej mopaga̱rowa iga wel mamoki̱xti ágaj. Wan Jesús kimaʼ ivida perfecta iga wel matema̱kixti (xiktajto̱lti Mateo 20:28). Jesús wel onoskiá iga nochipa nigaj pan Ta̱jli, pero ayá̱ ijkó̱n kichij. Kua̱ mik iga tejeme̱n te̱pale̱wij iga wel sej matikpiakan nochi yej Adán wan Eva kipolojkej. Wan no̱ kine̱xtij iga yéj wan Jehová pux te̱nekij. Yej timomachtis pan iní̱n lección yawi mitspale̱wi̱ti iga xikagradece̱ro imikilis Jesús.

1. ¿Kén te̱pale̱wiá iga Jesús mikiko?

Iga tiawij pecadores, tikchi̱waj miak tejté̱ yej Jehová akiye̱ʼita. Pero wel timochi̱waj iamigoj siga melá̱ timoarrepenti̱rowaj de yej tikchijkej wan tiktajtaniliáj Jehová, pan ito̱ka̱ Jesús iga mate̱perdona̱ro. Wan no̱ matimotekitili̱kan iga ayoʼ ma̱j matikchi̱wakan yej aye̱kti (1 Juan 2:1). La Biblia kijtowa: «Porque Cristo no̱ kikno̱chijkej kua̱ʼ kimiktijkej iga yej aye̱kti tikchijkej. Miʼ se̱san ve̱j iga totechko iwá̱n ayʼ kajasi sej iga mamiki iga tejamej. Yéj ayá̱ʼ kichij yej aye̱kti; eʼ miguiʼ iga yej kichi̱waj yej aye̱kti wel maonoka̱n ite̱noj Dios» (1 Pedro 3:18).

2. ¿Kén te̱pale̱wis imikilis Jesús?

Jehová kiti̱tan Ipiltsi̱n iga makimaka ivida humana perfecta «iga inochi yej makicre̱do ipan yéj [Jesús] amo mapoliwi, ma̱jwa nochipa maono» (Juan 3:16). Iga Jesús mik iga tejeme̱n, Jehová yawi kipolo̱ti nochi yej te̱kajte̱wilij Adán. Iní̱n kijto̱jneki iga si tikne̱xtiáj fe pan isacrificio Jesús, wel tonoskej iga nochipa nigaj pan Ta̱jli kua̱ mamochi̱wa se̱ paraíso (Isaías 65:21-23).

 MATIMOMACHTI̱KAN MA̱J DE INÍ̱N TEMA

3. Imikilis Jesús te̱makixtiá del pecado wan la muerte

1. A) Adán yajki se̱ ta̱gaʼ perfecto wan, kua̱ akitajto̱lkaguiʼ Dios, kichij iga la gente maya̱kan pecadores wan mamikikan.

2. B) Jesús yajki se̱ ta̱gaʼ perfecto wan, kua̱ kitajto̱lkaguiʼ Dios, kichij iga la gente wel maya̱kan perfectos wan maonokan iga nochipa.

4. Imikilis Jesús wel kipale̱wiá nochi la gente

 5. Jehová te̱maʼ se̱ regalo kua̱ kiti̱tan Ipiltsi̱n

Iamigojmej Jehová kitaj ken se̱ regalo iga yéj kiti̱tan Ipiltsi̱n. Xikita se̱ ejemplo, Xiktajto̱ltikan Gálatas 2:20, wan xitajto̱kan de iní̱n:

• ¿Kén kine̱xtij el apóstol Pablo iga kitaya imikilis Jesús ken se̱ regalo?

Kua̱ Adán akitajto̱lkaguiʼ Dios, kichij iga tinochimej matimikikan. Pero Jehová kiti̱tan Ipiltsi̱n iga mamikiki wan ijkó̱n wel matonokan iga nochipa.

Kua̱ tiktajto̱ltis iní̱n versículos, xitajla̱miki ken momachi̱lij Jehová kua̱ kitaʼ iga Ipiltsi̱n moyo̱lmiktijtoya. Xiktajto̱ltikan Juan 19:1-7 wan 16-18, wan xitajto̱kan de iní̱n:

• ¿Kén timomachi̱liá kua̱ tikita yej Jehová wan Jesús kichijkej iga téj?

 TE̱ TIMOMACHTIJ

Jehová te̱perdona̱rowa wan wel tonoskej iga nochipa, iga Jesús mik iga tejeme̱n.

Matikejla̱mikika̱n te̱ timomachtijkej

• ¿Té íga mik Jesús?

• ¿Té íga imikilis Jesús wel te̱makixtiá?

• ¿Kén mitspale̱wiá imikilis Jesús?