CHILAYIJO 27

Kufa KwaJesu Kunotibhancha Chini?

LIJA

Tochinya, tosheta akale tofa nokuti banhu babili Adamu naEva abajakawhilila Mwali. a Koga yozu azutoleba kuti atichina chibimbo. Jehova wakata kuti kube nenzila yokutinunula muchibi nolufu eshingisa mwananhulumyana uwe Jesu Kristo. IBhayibhili linofundisa kuti kufa kwaJesu kwakaba indipilo. Indipilo untengo unolipwa kuti unhu enunulwe. Untengo wakalipwa naJesu bupenyu bubwe busina chibi. (Balani Mateu 20:28.) Kuzupila kwakata Jesu kulashikilwa nobupenyu kwakatizhulila inzila yokuti tiwane zunu zwakalashwa naAdamu naEva. Jesu wakatondeja kuti iye naJehova banotida chini. Chilayijo yechi chichakubhancha kuti ukoshese lufu lwaJesu.

1. Kufa kwaJesu kunotibhancha chini feno?

Sezwo tilinechibi tota zunu zunji zusinoshantisa Mwali. Tikavuma zubi zwedu tisikokumbila lulekelelo kunaJehova muzina lyaJesu akale tite zwose zwatinokwanisa kuti tisipamulule, tokwanisa kuba bakwayina baMwali bapopelyo. (1 Johani 2:1) IBhayibhili linoti: “Kristo wakafa kamwempela chete pezhulu pechibi, iye wakalulama wakafa pezhulu pokuda basakalulama, kuti etisenge kuna Mwali.”—1 Pita 3:18.

2. Tichabhanchwa chini nokufa kwaJesu munelyamangwana?

Jehova wakatuma Jesu kuti epile bupenyu bubwe busina chibi “kuti aani naani unodimbwa kwaali [Jesu] esipalale koga ebe nobupenyu businopela.” (Johani 3:16) Zwakatiwa naJesu zuchata kuti Jehova ebhise zunu zwose zubi zwakatiswa nokusowhilila kwaAdamu. Yozu zunoleba kuti tikadimbwa mundipilo yaJesu tichawana chibaka chokulalama tishanta nokusinopela mupaladayisi penyika!—Izaya 65:21-23.

FUNDA ZUNJI

Pamija kuwhisisisa kuko kuti neni Jesu akapila bupenyu bubwe akale ubone kuti zwaakata zungakubhancha chini.

3. Kufa kwaJesu kunotisupula muchibi nolufu

Yebani iVIDIYO, akale kwejisani nombuzo unotobela.

IVIDIYO: Kungani UJesu Wafa?—Ingxenye 1 (2:01)

Kusowhilila kwakata Adamu kwakata kuti elashikilwe nechibakani?

Balani BaRoma 5:12, akale kwejisani nombuzo yoyu:

Chibi chakatiwa naAdamu chakata kuti bupenyu bubo bube chini?

Balani Johani 3:16, akale kwejisani nombuzo yoyu:

Neni akatuma Mwananhulumyana uwe penyika?

Adamu wakabumbwa esina chibi koga kusowhililla kukwe kwakata kuti banhu bose bebe nechibi akale befe
Jesu wakabeli unhu usina chibi wakabewhilila Mwali akale wakazhulila banhu chibaka chokuti bewane bupenyu businopela busina chibi

4. Kufa kwaJesu kunobhancha unhu wose

Yebani iVIDIYO, akale kwejisani nombuzo unotobela.

IVIDIYO: Kungani UJesu Wafa?—Ingxenye 2 (2:00)

Zungatikana chini kuti lufu lonhu umwempela lubhanche unhu wose?

Balani 1 Timoti 2:5, 6, akale kwejisani nombuzo yoyu:

Adamu wakabumbwa esina chibi koga kusowhililla kukwe kwakata kuti banhu bose bebe nechibi akale befe. Jesu nebo ajakabelina chibi. Wakapa chini “indipilo inokwendelana”?

5. Indipilo chipo chawakapiwa naJehova

Unkwayina waJehova umwe nomwe unobona indipilo sechipo chaakapiwa iye emene. Sonkwejaniso, balani BaGalatiya 2:20, akale kwejisani nombuzo yoyu:

Umpositoli Paulo wakatondeja chini kuti wakabebona indipilo sechipo chaakabekapiwa iye emene?

Adamu paakachinya iye nabana babe bakatongelwa lufu. Koga Jehova wakatumila Mwananhulumyana uwe kuti ootifila kuti tiwane chibaka chokuwana bupenyu businopela.

Pawunobebala mavesi anotobela yeyesesa kuti Jehova wakawha chini paakabebona Mwananhulumyana uwe esheteswa. Balani Johani 19:1-7, 16-18, akale kwejisani nombuzo yoyu: