Re na le sebe, re na le mathata e bile re a hwa ka baka la banyalani ba mathomo, e lego Adama le Efa bao ba ilego ba se kwe Modimo. a Eupša se ga se bolele gore go fedile ka rena. Jehofa o ile a dira gore go be le motho yo a re phološago sebeng le lehung. Motho yoo ke Morwa wa gagwe e lego Jesu Kriste. Beibele e re ruta gore Jesu o ile a re hwela e le gore a lefe topollo. Topollo ke’ng? Topollo ke ge motho a lefa ka selo se itšego gore a lokolle motho yo mongwe. Jesu o ile a lefa ka bophelo bja gagwe bjo bo se nago sebe gore a re lokolle sebeng le lehung. (Bala Mateo 20:​28.) Ge Jesu a be a re hwela ka go rata, o ile a dira gore go kgonege gore re tle re phele go ya go ile mo lefaseng, e lego bophelo bjo Adama le Efa ba ilego ba bo loba. Le gona ge Jesu a be a re hwela, o ile a bontšha gore yena le Jehofa ba re rata kudu. Thutong ye, o tlo kwa gore o ka dira eng go bontšha gore o leboga gore Jesu o ile a go hwela.

1. Lehu la Jesu le re thuša bjang gona bjale?

Ka ge re na le sebe, re dira dilo tše dintši tšeo di sa kgahlego Jehofa. Eupša ge e ba re tloga re itshola e bile re šoma ka thata gore re se bušeletše diphošo tšeo, Jehofa o tlo re lebalela. Le gona re tlo ba le segwera se sebotse le yena. (1 Johane 2:1) Dilo tše ka moka di kgonega ka ge Jesu Kriste a re hwetše. Beibele e re: “Kriste o [re] hwetše dibe gatee ya ba moka, yena motho yo a lokilego a hwela ba sa lokago e le gore a [re] iše go Modimo.”​—1 Petro 3:18.

2. Lehu la Jesu le tlo re thuša bjang nakong e tlago?

Jehofa o ile a romela Jesu mo lefaseng gore a tle a re hwele ka ge a be a se na sebe, e le gore “yo mongwe le yo mongwe yo a dumelago go [Jesu] a se ke a fedišwa, eupša a be le bophelo bjo bo sa felego.” (Johane 3:​16) Lehu la Jesu le re thušitše kudu, ka gore go se kgale Jehofa o tlo fediša dilo ka moka tše mpe tšeo di bilego gona ka baka la ge Adama a se a kwa Modimo. Se se ra gore ge e ba re dumela gore Jesu o ile a re hwela, re tlo thabela go phela go ya go ile paradeiseng mo lefaseng.​—Jesaya 65:​21-23.

 ITHUTE KA MO GO TSENELETŠEGO

3. Lehu la Jesu le re lokolla sebeng le lehung

1. Adama o be a se na sebe, eupša o ile a dira sebe ka go se kwe Modimo, gomme a dira gore batho ka moka le bona ba be le sebe e bile ba hwe.

2. Jesu o be a se na sebe e bile o ile a dula a ekwa Modimo. O dirile gore batho ka moka ba tle ba phele go ya go ile mo lefaseng ba se na sebe.

4. Lehu la Jesu le ka hola batho ka moka

 5. Sehlabelo sa lehu la Jesu ke mpho yeo Jehofa a go filego yona

Dihlatse tša Jehofa di lebelela sehlabelo sa lehu la Jesu e le mpho yeo Jehofa a ba filego yona. Balang Bagalatia 2:​20, gomme le boledišaneng ka potšišo e latelago:

• Paulo o ile a bontšha bjang gore o be a tšea sehlabelo sa lehu la Jesu e le mpho yeo Jehofa a mo filego yona?

Ka morago ga gore Adama a dire sebe, yena le bana ba gagwe ka moka ba ile ba otlwa ka lehu. Eupša Jehofa o ile a romela Morwa wa gagwe gore a tle a re hwele e le gore le wena o tle o thabele go phela go ya go ile mo lefaseng.

Ge o dutše o bala ditemana tše di latelago, leka go bona kamoo Jehofa a ilego a kwa bohloko ka gona ge a be a bona Morwa wa gagwe a tlaišega. Balang Johane 19:​1-7, 16-18, gomme le boledišaneng ka potšišo e latelago:

• O ikwa bjang ka seo Jehofa le Jesu ba go diretšego sona?

 O ITHUTILE ENG?

Ka ge Jesu a re hwetše, Jehofa a ka re lebalela dibe tša rena e bile re ka tla ra kgona go phela go ya go ile.

Dipotšišo

• Ke ka baka la’ng Jesu a ile a hwa?

• Ke ka baka la’ng Jesu a be a swanelega go re hwela?

• Lehu la Jesu le ka go hola bjang?