ƐZUKOALƐDEƐ 27
Kɛzi Gyisɛse Ewule Ne Kola Die Yɛ Ɛ?
Yɛyɛ ɛtane, yɛnwu amaneɛ na yɛwu ɔluakɛ Adam nee Yive andie Nyamenle. a Noko ɛhye ɛngile kɛ yɛnlɛ anyelazo. Gyihova zoanle ɔ Ra Gyisɛse Kelaese maanle ɔrawule ɔmaanle yɛ amaa yealie yɛ yeavi ɛtane nee ewule tumi bo. Baebolo ne kilehile kɛ Gyisɛse wule vale yɛle ɛkpɔnedeɛ. Ɛkpɔnedeɛ a le debie mɔɔ bɛtua bɛdie awie la. Gyisɛse vale ye dasanli ngoane mɔɔ di munli la a duale ɛkpɔnedeɛ ne a. (Kenga Mateyu 20:28.) Mɔɔ Gyisɛse vile ye ɛhulolɛ nu vale adenle mɔɔ ɔlɛ kɛ ɔbadɛnla azɛlɛ ye azo dahuu bɔle afɔle la, ɔmaanle ɔyɛle boɛ kɛ yɛ sa baha debie biala mɔɔ vile Adam nee Yive asa la. Gyisɛse eza lale ye ali kɛ ɔ nee Gyihova kulo yɛ kpalɛ. Ɛzukoalɛdeɛ ɛhye bamaa wɔanyia Gyisɛse ewule ne anwo anyezɔlɛ kpole.
1. Kɛzi Gyisɛse ewule ne boa yɛ ɛnɛ ɛ?
Kɛmɔ yɛle ɛtanevolɛma la ati, yɛyɛ ninyɛne dɔɔnwo mɔɔ Gyihova ɛngulo la. Noko, saa yɛnu yɛ nwo nɔhalɛ nu wɔ yɛ ɛtane nwo na yɛdua Gyisɛse Kelaese anwo zo yɛsɛlɛ Gyihova kɛ ɔva ɔhyɛ yɛ, na yɛbɔ mɔdenle kɛ yɛnrɛyɛ ɛtane zɔhane bieko a, yɛbahola yɛ nee Nyamenle anyia agɔnwolɛvalɛ kyengye. (1 Dwɔn 2:1) Baebolo ne ka kɛ: “Kelaese wule kokye maanle ɛtane, sonla tenlenenli wule maanle ɛtanevolɛma, amaa yeaboa bɛ yeamaa bɛanwu Nyamenle.”—1 Pita 3:18.
2. Kɛzi Gyisɛse ewule ne baboa yɛ kenle bie ɛ?
Gyihova zoanle Gyisɛse kɛ ɔva ye dasanli ngoane mɔɔ di munli la ɔbɔ afɔle “amaa awie biala mɔɔ kɛla ye ali kɛ ɔlɛ diedi wɔ [Gyisɛse anu] la bɛanzɛkye ye na yeanyia dahuu ngoane.” (Dwɔn 3:16) Ɔlua mɔɔ Gyisɛse yɛle la ati, ɔnrɛhyɛ Gyihova baye ninyɛndane kɔsɔɔti mɔɔ Adam anzosesebɛ ne vale rale la avi ɛkɛ. Ɛhye kile kɛ saa yɛda ye ali kɛ yɛlɛ diedi wɔ Gyisɛse afɔlebɔlɛ ne anu a, yɛbahola yɛadɛnla aze dahuu wɔ paladaese!—Ayezaya 65:21-23.
SUKOA DƆƆNWO
Sukoa deɛmɔti Gyisɛse vale ye ngoane bɔle afɔle nee kɛzi ɔbaboa wɔ la anwo ninyɛne dɔɔnwo.
3. Gyisɛse ewule ne die yɛ fi ɛtane nee ewule nu
Ye VIDIO ne, na akee bɛzuzu kpuya ɛhye anwo.
-
Mɔɔ Adam andie Nyamenle la duzu a vile ɔ sa a?
Kenga Wulomuma 5:12, na akee bɛzuzu kpuya ɛhye anwo:
-
Kɛzi Adam ɛtane ne ɛha wɔ ɛbɛlabɔlɛ ɛ?
Kenga Dwɔn 3:16, na akee bɛzuzu kpuya ɛhye anwo:
-
Duzu ati a Gyihova zoanle ɔ Ra ne wɔ azɛlɛ ye azo a?
-
Ɛnee Adam le sonla mɔɔ di munli noko yeandie Nyamenle la ati alesama yɛ ɛtane na bɛwu
-
Ɛnee Gyisɛse le sonla mɔɔ di munli noko ɔdiele Nyamenle la ati alesama bali munli na bɛadɛnla aze dahuu
4. Gyisɛse ewule ne baboa menli kɔsɔɔti
Ye VIDIO ne, na akee bɛzuzu kpuya ɛhye anwo.
-
Kɛzi sonla ko ewule kola boa menli kɔsɔɔti ɛ?
Kenga 1 Timote 2:5, 6, na akee bɛzuzu kpuya ɛhye anwo:
-
Ɛnee Adam di munli noko kɛmɔ ɔyɛle ɛtane la ati alesama kɔsɔɔti yɛ ɛtane na bɛwu. Ɛnee Gyisɛse noko le sonla mɔɔ di munli. Kɛzi ɔvale ɔ nwo ɔmaanle kɛ ‘ɛkpɔnedeɛ mɔɔ fɛta’ ɛ?
5. Ɛkpɔnedeɛ ne le ahyɛlɛdeɛ mɔɔ Gyihova ɛva ɛmaa wɔ
Gyihova agɔnwo mɔ bu ɛkpɔnedeɛ ne kɛ ɔle ahyɛlɛdeɛ mɔɔ yeva yemaa bɛ. Kɛ neazo la, kenga Galeehyeama 2:20, na akee bɛzuzu kpuya ɛhye anwo:
-
Kɛzi ɛzoanvolɛ Pɔɔlo hilele kɛ ɔbu ɛkpɔnedeɛ ne kɛ ahyɛlɛdeɛ mɔɔ bɛva bɛmaa ye ɛ?
Mekɛ mɔɔ Adam yɛle ɛtane la, bɛbuale ɔdaye nee ɔ bo zo amra amuala ewule fɔlɛ. Noko Gyihova zoanle ɔ Ra ne maanle ɔrawule amaa wɔanyia dahuu ngoane.
Saa ɛlɛkenga tɛkese ɛhye mɔ a, nea nganeɛ mɔɔ ɔbayɛ kɛ Gyihova dele wɔ mekɛ mɔɔ ɔ Ra ne ɛlɛnwu amaneɛ la. Kenga Dwɔn 19:1-7, 16-18, na akee bɛzuzu kpuya ɛhye anwo:
-
Kɛzi ɛbu mɔɔ Gyihova nee Gyisɛse ɛyɛ ɛmaa wɔ la ɛ?
BIE A AWIE BABIZA KƐ: “Kɛzi sonla ko kola wu maa menli kɔsɔɔti ɛ?”
-
Kɛzi ɛbaye ɔ nloa ɛ?
EDWƐKƐ TITILI
Gyisɛse ewule ne ati Gyihova bava yɛ ɛtane ahyɛ yɛ, eza ɔbamaa yɛahola yɛanyia dahuu ngoane.
Ndinu
-
Duzu ati a Gyisɛse wule a?
-
Kɛzi Gyisɛse dasanli ngoane ne mɔɔ di munli la ɛnee le ɛkpɔnedeɛ mɔɔ fɛta ɛ?
-
Kɛzi Gyisɛse ewule ne baboa wɔ ɛ?
KPONDƐ DƆƆNWO
Sukoa deɛmɔti bɛfɛlɛ Gyisɛse dasanli ngoane mɔɔ di munli la kɛ ɛkpɔnedeɛ la.
“Kɛzi Gyisɛse Afɔlebɔlɛ Ne Le ‘Ɛkpɔnedeɛ Maa Menli Dɔɔnwo Ɛ’?” (Edwɛkɛ mɔɔ wɔ jw.org azo)
Nea mɔɔ ɔwɔ kɛ yɛyɛ amaa balie yɛ ngoane la.
Asoo Gyihova bahola ava ɛtane kpole ahyɛ ɔ?
Nea kɛzi Kelaese afɔlebɔlɛ ne mɔɔ nrenyia bie zukoale nwolɛ debie la boale ye maanle ɔhakyile subane la.
“Menle Akɛlɛ Memmaa Basabasayɛlɛ Bieko” (Edwɛkɛ mɔɔ wɔ jw.org azo)
a Ɛtane ɛngile debie mɔɔ ɛnle kpalɛ mɔɔ yɛyɛ la ala. Eza ɔkile sinlidɔlɛ mɔɔ bɛva bɛwo yɛ la.
Bie A Eza Ɛ Nye Balie
KPUYA MƆƆ MENLI TA BIZA
Baebolo Ɛzukoalɛ Nwo Ngyehyɛleɛ Boni A Gyihova Alasevolɛ Yɛ A?
Wɔ Baebolo ɛzukoalɛ nwo ngyehyɛleɛ mɔɔ Gyihova Alasevolɛ ɛyɛ mɔɔ ɛndua ɛhwee la anu, ɛbahola wɔava Baebolo ngilebɛbo mɔɔ ɛ nye die nwo wɔali gyima. Saa ɛkulo kɛ ɛto ɛ sa ɛfɛlɛ wɔ abusua ne yɛɛ ɛ gɔnwo mɔ a, ɛbahola wɔayɛ zɔ.
