Mäpaya gatꞌho yä jäꞌi di ꞌmu̱ihu̱ ko rä pekado, a rä sufrimiento ꞌne rä du, ngeꞌä Adán ꞌne Eva himbi yꞌo̱te rä Zi Dada Jeoba. ¿Gi kamfri ge ꞌmu̱i toꞌo dä za dä ñängägihu̱? Hää, ¡rä Zi Dada Jeoba! Näꞌä bi uni rä Tꞌu̱ pa dä ñängägihu̱ de rä pekado ꞌne de rä du. Rä Biblia udi ge rä Hesu bi uni nꞌa rä njutꞌi o rescate ko näꞌä rä bida bi uni. Nꞌa rä rescate geꞌä rä presio dri jutꞌi pa dä the̱gi nꞌa rä jäꞌi näꞌä xrä secuestra. Rä Hesu bi za bi uni näꞌä rä njutꞌi ngeꞌä rä te himi ñꞌoui rä pekado (hñeti Mateo 20:28, TNM). Rä Hesu mi pe̱ꞌtsi nderecho de dä mꞌu̱i pa nzäntho nuua ha rä Xiꞌmhai. Pe näꞌä bi ne bi du po gekhu̱, pa njabu̱ dä za gä pe̱ꞌtsihu̱ näꞌä rä te pa nzäntho bi ꞌme̱di Adán ꞌne Eva. Rä Hesu bi ꞌñudi hängu di mäkägihu̱ tanto nuꞌä ngu rä Zi Dada Jeoba. Nunä lección ma dä maxkägihu̱ gä sentihu̱ ndunthi rä jamädi po näꞌä rä te bi uni rä Hesu.

1. ¿Te mä benefisio dä za gä hänihu̱ mäpaya ko näꞌä rä te bi uni rä Hesu?

Koꞌmu̱ gatꞌho dyä pekadorhu̱, gatꞌho di pe̱fihu̱ yä tꞌo̱tꞌe nuꞌu̱ u̱mbäbi rä mfeni rä Zi Dada Jeoba. ¿Pe gi pädi? Mäske njabu̱, dä za gä pe̱ꞌtsihu̱ nꞌa rä hogä ntsitsꞌi Kongeꞌä. Pa geꞌä, mähyoni gä udihu̱ ge xa mäjuäni di arrepentihu̱ po nuꞌu̱ yä pekado di o̱tꞌehu̱. ꞌNehe, po mäde de Ñhesukristo, mähyoni gä apäbihu̱ rä Zi Dada Jeoba ge dä punꞌgägihu̱. Pe mähyoni gä o̱thu̱ ntsꞌe̱di pa hingä pe̱fihu̱ mänꞌaki nuꞌu̱ yä pekado (1 Juan 2:1). Rä Biblia enä: «Rä Kristo bi du nꞌa mꞌikitho ꞌne pa nzäntho po yä pekado yä jäꞌi. Mäske hinte mä tsꞌoki mi tu, näꞌä bi du po gatꞌho nuꞌu̱ yä yꞌo̱tꞌä tsꞌoki. Njabu̱ näꞌä di gu̱hnäꞌihu̱ pa gi kuatꞌihu̱ Äjuä» (1 Pedro 3:18, TNM).

2. ¿Te mä benefisio ma gä hänihu̱ xudi ndämäni po näꞌä rä te bi uni rä Hesu?

Rä Biblia enä ge rä Zi Dada Jeoba «xi bi mädi gatꞌho yä jäꞌi, hänge bä pe̱hnä rä rꞌa Tꞌu̱, pa gatꞌho toꞌo dä me̱ꞌspäbi rä jamfri, hindä mꞌe̱di ꞌne dä me̱ꞌtsä rä te pa nzäntho» (Juan 3:16, TNM). Ko näꞌä bi me̱fi rä Hesu, rä Zi Dada Jeoba mänꞌitꞌho ma dä hñäki gatꞌho nuꞌu̱ yä sufrimiento bi zogägihu̱ Adán. Nubye̱, pa dä za gä pe̱ꞌtsihu̱ rä oportunida de gä ꞌmu̱ihu̱ pa nzäntho nuua ha rä Xiꞌmhai, mähyoni gä huxä mä jamfrihu̱ ꞌne mä komfiansahu̱ ha näꞌä rä te bi uni rä Hesu (Isaías 65:21-23).

 HANJA DÄ ZA DÄ MAXꞌÄꞌI RÄ NOYA ÄJUÄ

3. Rä Hesu bi uni rä te pa dä ñängägihu̱ de rä pekado ꞌne de rä du

1. Adán mrä perfecto. Pe nuꞌmu̱ bi desidi himbi yꞌo̱te rä Zi Dada Jeoba, bi yꞌe̱ntꞌi gatꞌho yä jäꞌi ha rä pekado ꞌne ha rä du.

2. Rä Hesu mrä perfecto, ꞌne näꞌä bi desidi bi yꞌo̱te nzäntho rä Zi Dada Jeoba. Njabu̱ bi umbäbi gatꞌho yä jäꞌi rä oportunida de dä mꞌu̱i pa nzäntho nuua ha rä Xiꞌmhai nsi rä pekado nixi rä du.

4. Näꞌä rä te bi uni rä Hesu, dä za dä benefisiabi gatꞌho yä jäꞌi

 5. Näꞌä rescate o njutꞌi, xi nꞌa rä däta regalo bi uni rä Zi Dada Jeoba pa nuꞌi ꞌnehe

Kada nꞌa de nuꞌu̱ yä amigo rä Zi Dada Jeoba, handi ngu nꞌa rä regalo näꞌä rä rescate o njutꞌi. Hñetihu̱ Gálatas 2:20, TNM, ꞌnepu̱ thädihu̱ nunä rä ntꞌani:

• ¿Hanja mi handi rä apostol Pablo näꞌä rescate o njutꞌi bi tꞌuni?

Nuꞌmu̱ Adán bi peka kontra rä Zi Dada Jeoba, tanto nuꞌä, Eva ꞌne gatꞌho nuꞌu̱ yä jäꞌi ma xä mꞌu̱i, bri kondenä pa dä du. Pe rä Zi Dada Jeoba bä pe̱hni rä Tꞌu̱, pa njabu̱ nuꞌi dä za gi pe̱ꞌtsi rä oportunida de gi ꞌmu̱i pa nzäntho.

Hñetihu̱ Juan 19:1-7, 16-18, TNM, ꞌnepu̱ trata gi imäjinä te bi senti rä Zi Dada Jeoba ora bi hyandi hanja bi sufri ꞌne bi thopäbi rä Tꞌu̱. Mꞌe̱fa de gi hñetihu̱ nuꞌu̱ yä testo, thädihu̱ nunä rä ntꞌani:

• ¿Te gi senti nubye̱ gi pädi gatꞌho näꞌä bi me̱fi rä Zi Dada Jeoba ꞌne rä Hesu po geꞌi?

 NÄꞌÄ DÄ PÄDIHU̱

Koꞌmu̱ rä Hesu bi uni rä te, nubye̱ rä Zi Dada Jeoba dä za dä punꞌgägihu̱ mä pekadohu̱, ꞌne dä za gä pe̱ꞌtsihu̱ näꞌä rä te pa nzäntho bi ꞌme̱di Adán ꞌne Eva.

Pa gä benihu̱

• ¿Por hanja ꞌne pa te bi uni rä te rä Hesu?

• ¿Por hanja ho̱nse̱ rä Hesu bi za bi uni nꞌa rä rescate o njutꞌi po gatꞌho yä jäꞌi?

• Xi nuꞌi, ¿te mä benefisio dä za gi hñäni po näꞌä rä te bi uni rä Hesu?