Nos ta peca, sufri y muri pasobra e prome pareha, Adam cu Eva, a desobedece Dios. a Sinembargo, nos tin speransa. Nos por ser libra for di pica y morto pasobra Jehova a manda su Yiu, Hesucristo, na Tera pa muri pa nos. Bijbel ta siña nos cu ora Hesus a muri, el a percura un rescate. Un rescate ta e prijs cu un hende ta paga pa libra un otro persona. Hesus a paga e prijs ey cu su bida humano perfecto. (Lesa Mateo 20:28.) Door cu Hesus a nace como hende perfecto, automaticamente el a haya e derecho di biba pa semper riba Tera. Pero boluntariamente, Hesus a renuncia e derecho ey. Ora el a haci esey, el a habri caminda pa nos por haya bek tur loke Adam cu Eva a perde. Hesus a demostra tambe cuanto e y Jehova ta stima nos. E les aki lo yuda bo haya mas aprecio pa e echo cu Hesus a muri pa nos.

1. Con e morto di Hesus ta beneficia nos for di awor?

Como cu nos ta pecador, nos ta haci hopi cos cu ta desagrada Jehova. Asina mes, nos por bira bon amigo di Dios. Kico nos mester haci pa logra esey? Nos mester arepenti di berdad di nos picanan y pidi Jehova pa medio di Hesus pa pordona nos. Ademas, nos mester haci esfuerso pa nos no bolbe comete e mesun picanan. (1 Juan 2:1) Bijbel ta bisa: “Cristo a muri un biaha y pa semper, un husto pa e inhustonan, pa elimina pica y pa e por dirigi boso na Dios.”—1 Pedro 3:18.

2. Con e morto di Hesus lo beneficia nos den futuro?

Jehova a manda Hesus na Tera pa e duna su bida humano perfecto “pa tur cu pone fe den [Hesus] no bay perdi, ma haya bida eterno.” (Juan 3:16) Adam su desobediencia tabatin hopi consecuencia. Pero danki na Hesus su sacrificio, pronto Dios lo elimina tur e consecuencianan ey. Esey ta nifica cu si nos demostra cu nos tin fe den e sacrificio di Hesus, nos lo tin e oportunidad di disfruta di bida pa semper den Paradijs riba Tera.—Isaias 65:21-23.

 KICO MAS NOS POR SIÑA?

3. E morto di Hesus ta libra nos di pica y morto

1. Adam tabata un homber perfecto cu a desobedece Dios. Pa motibo di su pica, tur hende ta peca y muri

2. Hesus tabata un homber perfecto y como cu el a obedece Dios, hende ta haya e oportunidad pa bira perfecto y biba pa semper

4. E morto di Hesus por beneficia tur hende

 5. E rescate ta un regalo di Jehova pa bo

Hende cu ta amigo di Jehova ta mira e rescate como un regalo personal. Lesa Galationan 2:20. Despues, analisa e siguiente pregunta:

• Con e palabranan di Apostel Pablo ta mustra cu el a mira e rescate como un regalo personal?

Ora Adam a peca, e y tur su descendientenan a ser condena na morto. Jehova a manda su Yiu na Tera pa muri pa nos pa asina nos por tin e oportunidad di biba pa semper.

Segun cu bo ta lesa e siguiente versiculonan, imagina bo con Jehova a sintie mientras cu su Yiu tabata sufri. Lesa Juan 19:1-7, 16-18. Despues, analisa e siguiente pregunta:

• Con bo ta sinti ora bo pensa riba loke Jehova y Hesus a haci pa bo?

 RESUMEN

Como cu Hesus a muri pa nos, Jehova por pordona nos picanan y nos por biba pa semper.

Repaso

• Dicon Hesus a muri?

• Dicon nos por bisa cu Hesus su bida humano perfecto tabata un rescate corespondiente?

• Con Hesus su morto por beneficia bo?