Kede mora klengit, mo chuarm, e mad e le kot lobekel el Adam me a Eva mlo diak lolengesenges er a Dios. a Engdi ngdiak lak omeltked. Jehovah mla mekengii a rael el mo olsobel er kid er a klengit me a kodall loeak a Ngelekel el Jesus Kristus. A Biblia kmo ngoeak a kodellel a Jesus e ngmilskid a olubet. A olubet a char el sel lemekekad e ngubetii a chad. A char lekilkedir a Jesus a kerresel a cherrungel el klengar er ngii. (Monguiu er a Mateus 20:28.) A Jesus er a lekengei loridii a cherrungel el klengar er ngii e ngmilekengii a rael el mo olluut aike el rokui lurriid a Adam me a Eva. A Jesus a dirrek lulechotii a klou el bltkil a rengul el mei er kid. Tia el suobel a ngosukid el dochelir omereng el saul er kid el kirel a kodellel a Jesus.

1. Ngmekera sebeched el ngmai a klungioled er a kodellel a Jesus er chelechang?

Kid el ngar er a klengit a uchul me kede meruul a betok el tekoi el diak lodeuir a rengul a Jehovah. Me nguaisei engdi a lsekum e kede mera el mo ouuchel er a rengud er a kngtid e olengit er a Jehovah loeak a Jesus Kristus me lousubes er kid, e mora tkurrebab el sebeched el diak deluut el meruul, e ngsebechel mo er ngii a kmes el deleuill er kid me a Dios. (1 Johanes 2:1) A Biblia kmo: “Kristus a di mle tal le mad el kirel a klengit e dikea lluut; a melemalt el chad el diak a telemellel a mlad el kirir a re diak le melemalt, me bo lengikid el mor a Dios.”​—1 Petrus 3:18.

2. Ngmekera sebeched el ngmai a klungioled er a kodellel a Jesus er a ngar medad?

Jehovah ulderchii a Jesus el me tongetengii a cherrungel el klengar er ngii “me tirkel rokui el mo oumera er a Ngelekel a Dios a diak le mad e bai mo ngar el diak a ulebengelel.” (Johanes 3:16) Tekoi el lerirellii a Jesus a uchul me a Jehovah a di kmedung e ngmo omult a rokui el klengit el dilubech le Adam el mlo diak lolengesenges. Tia belkul a kmo sel bo dolecholt er a klaumerang er kid er a tengetengel a Jesus, e ngmo er ngii a techelled el mo kiei el mo cherechar er a baradis el chutem!​—Isaia 65:21-23.

 BOM DMOLECH EL MERRITER

3. Kodellel a Jesus a ngubetid er a klengit me a kodall

1. Adam a mle cherrungel el chad el mlo diak lolengesenges er a Dios e ulsisebeterir a rechad er a klengit me a kodall

2. Jesus a mle cherrungel el chad lullengesenges er a Dios me a rechad a ngar ngii a techellir el mo cherrungel e mo kiei el mo cherechar

4. A kodellel a Jesus a sebechel mo uchul a klungiolir a rokui el chad

 5. A olubet a sengk er a Jehovah el lekor kau

A sechelil a Jehovah omes er a olubet el ileakl el sengk el mo er ngii. El ua tiang, monguiu er a Galatia 2:20 e mosaod er tia el ker:

• Ngmilekera apostol Paulus e ochotii el kmo ngulemes er a olubet el kmo ngileakl el sengk el mo er ngii?

A Adam er a lebora klengit, e ngii me a rokui el ruldidellel a rsechel a mlo blals er a kodall. Engdi a Jehovah ulderchii a Ngelekel el me mad me lebo er ngii a techellem el mo kiei el mo cherechar.

Sel monguiu aika el bades e molatk el kmo nglocha mle uangerang a uldesuel a Jehovah er a lomes er a Ngelekel el chuarm. Monguiu er a Johanes 19:1-7, 16-18 e mosaod er tia el ker:

• Ngua ngera uldesuem el kirel a tekoi el lerirellii a Jehovah me a Jesus el kirem?

 SUMMARY

A kodellel a Jesus a uchul me a Jehovah sebechel lousubes a kngtid, e ngar ngii a techelled el mo kiei el mo cherechar.

Review

• Ngera uchul me a Jesus a mlad?

• Ngoeak a ngera el rolel e a cherrungel el klengar er a Jesus a osobel el kirir a rokui el chad?

• Ngmekera kodellel a Jesus e sebechel mo uchul a klungiolem?