LONGO DIA 27
Luholo Lutshi Gufua gua Yesu Guajiya Gutuhuluisa?
Tuana tshita gubola, tuana mona malamba, nu tuana fua handaga Adama nu Eva alumbugile Nzambi. a Uvi tudi nu felela diabonga. Yehowa walondele ndaga hagula atuhuluise mu gubola nu mu gufua mu njila ya mun’enji Yesu Klisto. Biblia yana monesa egi tangua Yesu wafile, wafutshile gibawu. Gibawu gidi ndando ana futa ha guhuluisa muthu. Ndando yafutshile Yesu yakhalele monyo wenji watagana. (Tanga Matayo 20:28.) Yesu wakhalele muthu watagana, wakhalele nji mutumagela Nzambi. Wakhalele naye gukhala nu monyo ivo nu ivo ha mavu, uvi watshiginyile ha gufua mukunda nu esue hagula tuajiya guheta luko gubonga guatotesele Adama nu Eva. Yesu nu Yehowa amonesele egi ana gutuzumba diago muavula. Longo edi diza gugukuatesa muavula ha guhana mersi mukunda nu gibawu giahanele Yesu.
1. Gubonga gutshi gufua gua Yesu guajiya gutubatela mangino?
Luholo tushigo athu atagana, tuana tshita ndaga jiabola gutuama dia Yehowa. Uvi, gula tuatshigina diago gubola guetu gutuama dia Yehowa, tuamutoga ha gututotesela gubola guene mu njila ya Yesu Klisto nu tuatuna guvutugila luko gubola guene, tuajiya gukhala nu ufuta wakola nu Nzambi. (1 Yone 2:1) Biblia yana zuela egi: “Klisto wafile mbala imoshi mukunda nu masumu, muthu wabonga wafile mukunda nu athu abola hagula amituameze gudi Nzambi.”—1 Phetelo 3:18.
2. Gubonga gutshi gufua gua Yesu mbagutubatela mu masusgu adi muza?
Yehowa watumile Yesu ha mavu ha guhana monyo wenji watagana “hagula muthu wagasue washa gutshigina gudi muene, gafuigo uvi ahete monyo wa ivo nu ivo.” (Yone 3:16) Hana mersi mukunda nu ndaga yatshitshile Yesu. Gualeha ndo, Yehowa mbawusugisa malamba agasue tuana mona mukunda nu gubola gua Adama. Yakotelesa egi gula tudi musha gutshigina gu mulambu wa Yesu, mbatuheta luendu lua guheta monyo wa ivo nu ivo mu phaladiso ha mavu!—Yeshaya 65:21-23.
TUKAMBE GUJIYA NDAGA JIAVULA
Longuga ndaga jiavula ha gujiya gishina Yesu wahanele monyo wenji, nu luholo wajiya guheta gubonga.
3. Gufua gua Yesu guana gutukatula mu uhiga wa gubola nu gufua
Tala VIDEO, gungima zuelelenu muhu owu walandula.
-
Adama wakhalele muthu watagana, walumbugile Nzambi, hene athu agasue ana tshita gubola nu ana gufua mukunda nu muene
-
Yesu wakhalele muthu watagana, watumagele Nzambi, wahanele luko athu luendu lua gubua athu atagana nu ha guheta monyo wa ivo nu ivo
4. Gufua gua Yesu guajiya gubatela athu agasue gubonga
Tala VIDEO, gungima zuelelenu muhu owu walandula.
-
Luholo lutshi gufua gua muthu mumoshi guajiya gubatela athu agasue gubonga?
Tanga 1 Timote 2:5, 6, gungima zuelelenu muhu owu:
-
Adama wakhalele muthu watagana uvi luholo luakalegele muene gubola, athu agasue ana tshita nji gubola nu ana gufua. Yesu nji wakhalele muthu watagana. Mu luholo lutshi luahanele muene “mulambu watagana”?
5. Gibawu gidi khapho diatuhanele Yehowa
Akombeledi a Yehowa ana zula gibawu gifua khapho diawo Nzambi waahanele. Ha gufezegesa, tanga Galatiya 2:20, gungima zuelelenu muhu owu:
-
Luholo lutshi mupostolo Phaula wamonesele egi wakhalele muzula gibawu gifua khapho dienji diamuhanele Nzambi?
Tangua Adama wakalegele gubola, muene nu an’enji agasue ahetele ndola ya gufua. Uvi Yehowa watumine Mun’enji ha gufua hagula aye wajiya guheta luendu lua guheta monyo wa ivo nu ivo.
Tangua udi mutanga verse eji jialandula, tangiza luholo Yehowa wadivile tangua Mun’enji wakhalele mumonesewa lamba. Tanga Yone 19:1-7, 16-18, gungima zuelelenu muhu owu:
-
Luholo lutshi udi gudivua mukunda nu ndaga yatshitshile Yehowa nu Yesu mukunda nu eye?
ATHU AKO AJIYA GUHULA EGI: “Luholo lutshi muthu mumoshi wajiya gufua mukunda nu athu agasue?”
-
Mvutu itshi wajiya guahana?
NDAGA WALONGUGA
Luholo Yesu wafile, Yehowa wajiya gututotesela gubola guetu nu tuajiya guheta luko monyo wa ivo nu ivo.
Mihu ya Guvutugila
-
Mukunda natshi Yesu wafile?
-
Mu luholo lutshi monyo watagana wa Yesu wakhalele mulambu watagana?
-
Luholo lutshi gufua gua Yesu guajiya gugubatela gubonga?
NDAGA JIKO JIA NDANDO
Tanga longo didi ha gujiya mukunda natshi monyo watagana wa Yesu wana tamegewa egi gibawu.
“En quel sens le sacrifice de Jésus est-il “une rançon pour beaucoup”?” (Longo edi didi mu jw.org)
Tala ndaga tudi naye gutshita ha guhuluishiwa.
Yehowa wajiya gututotesela gula tuatshita gubola guakoma ba?
“Questions bibliques” (Inzo Yaleha ya Mutaledi ya 1 Mai 2013 ya français)
Tanga longo edi ha gumona luholo gulonguga ndaga yatadila mulambu wa Klisto guakuatesele yala mumoshi wakhalele gudisagesa mu matangi.
“Je ne suis plus esclave de la violence” (Longo edi didi mu jw.org)
a Gubola gushigo mukotelesa phamba egi gutshita ndaga imoshi yabola. Uvi, guana monesa nji luholo tuadikhaphele nu Nzambi handaga tudi ana a Adama.
