Kitail kin dipada, lokolok oh mehla pwehki tepin pwopwoudo Adam oh Ihp ara sapeikiong Koht. a Ahpw mie koapworopwor. Sang sapwellime Ohlo, Sises Krais, Siohwa ketikihda elen atail pahn kak komourla sang dihp oh mehla. Paipel kin padahngki me Sises ketikihda pweinen pweipwei sapahl ehu sang ni sapwellime pwoula. Pweinen pweipwei sapahl kin wehwehki pweipwei ehu me kin kasaledekala aramas emen. Pweipwei me Sises ketin pwainlao iei sapwellime mour nin duwen aramas unsek men. (Wadek Madiu 20:28.) Ni Sises eh ketin tounmeteikihla sapwellime pwuhng en mour soutuk nin sampah, e ketin ritingada elen atail kak pwurehng alehdi mehkoaros me Adam oh Ihp kasalongehla. Sises pil ketin kasalehda ia uwen ih oh Siohwa ketin poakohng kitail. Iren mehn kasukuhl wet pahn sewese kalaudehla omw kalahnganki sapwellimen Sises pwoula.

1. Ia duwen sapwellimen Sises pwoula eh kak sewese kitail rahnwet?

Pwehki kitail dipan, kitail kin wiahda soahng tohto me kin kansensuwedihala kupwuren Siohwa. Ahpw ma kitail uhdahn koluhkihla dipatail kan oh peki Siohwa en ketin mahkohng kitail sang ni mwaren Sises Krais oh ma kitail wia uwen atail kak en dehr pwurehng wiahda sapwung pwukat, kitail kak ahneki nanpwungmwahu keren rehn Koht. (1 Sohn 2:1) Paipel mahsanih: “Krais pwoula pak ehute ong dihp kan, aramas pwung men ong aramas akan me sapwung, pwe en ketin kahreikumwaillahng rehn Koht.”​—1 Piter 3:18.

2. Ia duwen sapwellimen Sises pwoula eh pahn kak sewese kitail ni ahnsou kohkohdo?

Siohwa ketin poaronehdo Sises pwe en ketin toukihda sapwellime mour nin duwen aramas unsek men, “pwe mehmen me kin kasalehda eh pwoson [Sises] en dehr mwomwla ahpw en ahneki mour soutuk.” (Sohn 3:16) Pwehki dahme Sises ketin wiao, Siohwa pahn kereniong ketikihsang soahng koaros me kohsang en Adam sapeik. Ma kitail kin kasalehda me kitail pwoson sapwellimen Sises meirongo, kitail pahn kak pereperenki mour kohkohlahte nan paradais nin sampah!​—Aiseia 65:21-23.

 KALAUDEHLA OMW ESE MET

3. Pwoulahn Sises kasaledek kitail sang dihp oh mehla

1. Adam wia aramas unsek men me sapeikiong Koht oh pwehki met, aramas akan sohsohki dihp oh mehla

2. Sises wia aramas unsek men me peikiong Koht oh pwehki met, aramas akan kak unsekla oh mour kohkohlahte

4. Pwoulahn Sises kak wia kamwahupen koaros

 5. Pweinen pweipwei sapahlo iei sapwellimen Siohwa kisakis ong uhk

Kompoakepahn Siohwa kan kin wiahki pweinen pweipwei sapahlo kisakis ehu ong pein irail. Karasepe, wadek Kalesia 2:20, oh mwuri koasoiapene peidek wet:

• Ia duwen wahnpoaron Pohl eh kasalehda me e kin wiahki pweinen pweipwei sapahlo kisakis ehu ong pein ih?

Ni ahnsou me Adam dipada, ih oh kadaudoke kan koaros alehdi kadeikpen mehla. Ahpw Siohwa ketin poaronehdo sapwellime Ohlo pwe en pwoula, pwe ken kak mour kohkohlahte.

Ni omw wadek iretikitik pwukat, medewehla ia sapwellimen Siohwa pepehm ni sapwellime Ohlo eh lokolok. Wadek Sohn 19:1-7, 16-18, oh mwuri koasoipene peidek wet:

• Ia omw pepehm duwen dahme Siohwa oh Sises ketin wiadahr ong uhk?

 DAHME KE SUKUHLKIER

Siohwa kak ketin mahkohng dipatail kan oh kitail kak mour kohkohlahte, pwehki sapwellimen Sises pwoulao.

Kousapahl

• Dahme kahrehda Sises ketin pwoula?

• Ni ahl dah me mour me Sises tounmeteikihla kasaledengkitailla sang dihp oh mehla?

• Ia duwen sapwellimen Sises pwoula eh kak wia kamwahupomw?