Ri nabʼe taq winaq—Adán y Eva—xkinimaj ta ri Dios. Rumal laʼ oj ajmakibʼ, kqariq kʼax y kojkamik. a Are kʼu kʼo qeyebʼal, ri Jehová xuya ri uKʼojol Jesucristo rech xojesax pa uqʼabʼ ri makaj. Ri Biblia kubʼij che rumal ri ukamikal ri Jesús xtoj ri qamak. Jun tojbʼal are ri kyaʼik rech ktzoqopix jun winaq. Y ri tojbʼal che xuya ri Jesús are ri tzʼaqatalaj ukʼaslemal (chasikʼij Mateo 20:28). Ri Jesús are ta xuchaʼ ri ukʼaslemal che kʼo ta ukʼisik cho ri uwach Ulew. Are chiʼ xubʼan wariʼ, xubʼano che qonojel kojkunik kqariq ri kʼaslemal che xkiriq ta ri Adán y Eva. Xuqujeʼ xukʼutu che ri areʼ y ri Jehová sibʼalaj kojkiloqʼoqʼej. Wajun kʼutunem riʼ katutoʼo rech nim kawil ri ukamikal ri Jesús.

1. ¿Jas tobʼanik kuya ri ukamikal ri Jesús chqe kimik?

Rumal che oj ajmakibʼ, kqabʼan jastaq che utz ta kril ri Jehová. Are kʼu kojkunik kojux rachiʼl ri Dios we kqaya kan ubʼanik ri makaj y kqataʼ che ri Jehová che kukuy qamak, rumal ri Jesús. Y kqakoj qachuqʼabʼ rech kqabʼan ta chi ri makaj (1 Juan 2:1). Ri Biblia kubʼij: «Ri Cristo xuriq kʼax. Xuriq ri kamikal xa jumul rumal kech ri qamak. Ri sukʼ xuriq kʼax rumal kech ri man e sukʼ taj. Xuriq kʼax che qakʼamik bʼik chuwach ri Dios» (1 Pedro 3:18).

2. ¿Jas tobʼanik kuya ri ukamikal ri Jesús chqe pa ri petinaq?

Jehová xutaq lo ri uKʼojol rech xuya ri tzʼaqatalaj ukʼaslemal «rech konojel ri kekojon che, man ksach ta kiwach, xaneʼ kkʼojiʼ na junalik kikʼaslemal» (Juan 3:16). Rumal ri xubʼan ri Jesús pa qawiʼ, naj ta chi kraj ri Jehová kusach uwach rojonel ri kʼax che xkiya kan ri Adán y Eva. Kraj kubʼij che we kojkojon chrij ri ukamikal ri Jesús, kojkunik kqariq ri kʼaslemal che kʼo ta ukʼisik pa jun kotzʼiʼjalaj uwach Ulew (Isaías 65:21-23).

 CHANIMARISAJ RI AWETAʼMANIK

3. Ri ukamikal ri Jesús kojresaj pa uqʼabʼ ri kamikal y ri makaj

1. Nabʼe ri Adán are jun tzʼaqat achi, are kʼu chiʼ xmakunik konojel ri winaq xeʼux ajmakibʼ y kekamik.

2. Ri Jesús are tzʼaqat y rumal che xunimaj ri Dios, ri winaq kekunik kkiriq jun tzʼaqat kikʼaslemal che kʼo ta ukʼisik.

4. Konojel ri winaq kekunik kkiriq utzilal rumal ri ukamikal ri Jesús

 5. Ri tojbʼal mak are jun sipanik che xuya Jehová chqe chqajujunal

Ri e rachiʼl ri Jehová kkil ri tojbʼal makaj junam rukʼ jun sipanik che xyaʼ chke chkijujunal. Chqilampeʼ jun kʼutbʼal, chisikʼij Gálatas 2:20 y chixtzijon chrij wariʼ:

• ¿Jas tzij xukoj ri apóstol Pablo che kukʼutu che jetaneʼ che ri areʼ xyaʼ wi ri tojbʼal mak?

Rumal ri mak che xubʼan ri Adán, konojel ri winaq kekamik. Are kʼu ri Jehová xutaq lo ri uKʼojol cho ri uwach Ulew rech kkamik y kqariq jun kʼaslemal che kʼo ta ukʼisik.

Are chiʼ kasikʼij ri versículos riʼ, chatchoman chrij ri xunaʼ ri Jehová chiʼ xril ri kʼax che xbʼan che ri uKʼojol. Chasikʼij Juan 19:1-7 y 16-18, y chixtzijon chrij wariʼ:

• ¿Jas kanaʼo chiʼ katchoman chrij ri xkibʼan ri Jehová y Jesús chawe?

 RI XQETAʼMAJ

Rumal ri ukamikal ri Jesús, Jehová kukuy qamak y kuya qakʼaslemal che kʼo ta ukʼisik.

¿La knaʼtaj chawe?

• ¿Jasche xkam ri Jesús?

• ¿Jasche ri tzʼaqatalaj ukʼaslemal ri Jesús kkunik kutoj ri qamak?

• ¿Jas utzilal kariq rumal ri ukamikal ri Jesús?