27 KAQ YACHAKUNËKIPAQ
Jesus wanunqanqa, ¿imanötan salvamantsik?
Adanwan Ëva Jehoväta mana cäsukur jutsata rurashqa kayaptinmi noqantsikpis jutsa ruraq kantsik, sufrintsik y wanuntsik. a Peru Bibliachömi nin Jehoväqa jutsapita y wanuypita salvamänapaq Tsurin Jesus wanunanta permitinqanta. Adanwan Ëva jutsata rurashqa kayaptinmi nunakunaqa jutsapa makinchö carcelashqa cuenta karquntsik. Jesusqa jutsannaq karmi wanunqanwan jutsantsikpita pagakurqan (leyi Mateu 20:28). Jesusqa manam ni imëpis wanunantsu karqan, peru shumaq Patsachö imëyaqpis kawakunata munarmi wanurqan. Tsënömi rikätsikurqan kuyamanqantsikta y Jehovä kuyamanqantsikta. Këchömi yachakunki Jesus wanunqanta mas valoranëkipaq.
1 KAQ: Jesus wanunqanqa, ¿imanötan yanapamantsik?
Llapantsikmi jutsallakuntsik y Jehoväta llakitsintsik. Tsënö kaptimpis, Jesus wanunqanman markäkur o yärakur rasumpa arrepentikushqa y jutsantsikta dejashqaqa Jehovä perdonamantsikmi, y pëwan amïgu këta puëdintsikmi (1 Juan 2:1). Tsëmi Bibliachö kënö nin: “Cristuqa allita ruraq nuna këkar, mana allita ruraq nunakunapa jutsanrëkur, juk kutilla imëyaqpis kanampaq wanurqan o wañurqan” (1 Pëdru 3:18).
2 KAQ: Jesus wanunqanqa, ¿imanö mastan yanapamäshun?
Jehoväqa kuyashqa Tsurintam mandamurqan “pëman markäkoqkuna o yärakoqkuna mana ushakäyänampaq, sinöqa imëyaqpis kawëta tariyänampaq” (Juan 3:16). Jesusqa wanunqanwanmi llapantsikpa jutsantsikpita pagakushqa. Tsëmi pëman creeq kaqkunaqa, ichikllachöna llapan mana allikunata Jehovä ushakäratsimuptin juk shumaq Patsachöna imëyaqpis kushishqa kawakushun (Isaïas 65:21-23).
MASLLA YACHAKUSHUN
Jesus imanir wanunqanta y wanunqan imanö yanapashunqëkitam yachakunki.
3 KAQ: Jesus wanunqanqa jutsapita y wanuypitam libramantsik
VIDEUTA rikäyë y këpaq parlayë:
-
Mana cäsukoq kanqanqa, ¿imamantan Adanta chätsirqan?
Leyiyë Romänus 5:12 ima ninqanta y këpaq parlayë:
-
¿Pipa culpanrëkurtan wanuntsik? ¿Imanir?
Leyiyë Juan 3:16 ima ninqanta y këpaq parlayë:
-
¿Imanirtan Jehoväqa Jesusta Patsaman mandamurqan?
-
Adan mana cäsukur jutsata ruranqampitam llapan nunakuna jutsa ruraq kayan y wanuyan.
-
Jehoväta Jesus cäsukunqampitam nunakunaqa jutsannaqna kayanqa y mana wanurna kawakuyanqa.
4 KAQ: Llapan nunakunata salvanampaqmi Jesusqa wanurqan
VIDEUTA rikäyë y këpaq parlayë:
-
¿Imanötan juk nunallaqa llapan nunakunata salvëta puëdinman?
Leyiyë 1 Timoteu 2:5, 6 ima ninqanta y këpaq parlayë:
-
Adanqa jutsannaq nunam karqan, peru Jehoväta mana cäsukur jutsata rurarmi llapan nunakunata jutsaman y wanuyman chätsirqan. Jesuspis jutsannaqmi karqan, y ¿imatataq rurarqan llapan nunakunata jutsapita y wanuypita salvanampaq?
5 KAQ: Qamta kuyashurnikim Jehoväqa Jesus wanunanta permitirqan
Jehoväta sirweqkunaqa Jesus wanunqanta alläpam valorayan. Leyiyë Gälatas 2:20 ima ninqanta y këpaq parlayë:
-
¿Pïrëkur Jesus wanunqantataq apostol Pablu nirqan?
Jehoväta Adan mana cäsukunqampitam nunakunaqa wanuyan. Peru Jehoväqa manam munantsu nunakuna wanuyänanta, tsëmi noqantsikrëkur wanunampaq Tsurinta Patsaman mandamurqan. Tsënöpam mana wanurna kawëta puëdinki.
Teytantsik Jehoväqa alläpachi llakikurqan Tsurin Jesusta sufreqta rikar. Leyiyë Juan 19:1-7 y 16-18 ima ninqanta këpaq parlayë:
-
¿Imanötan sientikunki Jehovä kuyashurniki Jesus wanunanta permitinqampita?
WAKIN IMATA TAPUMANQANTSIK: “¿Imanötan juk nunallaqa llapan nunakunata salvanman?”.
-
Tsënö tapuyäshuptiki, ¿ima ninkimanraq?
KËTAM YACHAKURQUNKI
Noqantsikrëkur Jesus wanushqa kaptinmi Jehoväqa jutsantsikpita perdonamantsik, y mana wanurna kawakuytam puëdishun.
¿Yarpankiku?
-
¿Imanirtan Jesus wanurqan?
-
¿Imanirtan Jesusqa llapan nunakunata jutsapita y wanuypita salvëta puëdin?
-
¿Imanötan qamtaqa yanapashunki Jesus wanunqan?
MASTA YACHAKUY
Jutsapita y wanuypita Jesus imanir libramanqantsikta yachakuy.
“¿Imanirtan Jesus wanunqanqa llapan nunakunata salvëta puëdin?” (jw.org päginachö yarqamoq)
Salvakunapaq imakunata ruranapaq kaqta yachakuy.
“¿Imanötan Jesusqa salvamantsik?” (jw.org päginachö yarqamoq)
Alläpa jutsallakushqaqa, ¿Jehovä perdonamantsikku?
Jesus imanir wanunqanta yachakunqan juk nunata cambianampaq imanö yanapanqanta leyï.
“Manam maqanakuyllamannatsu yarparäkü” (jw.org päginachö yarqamoq)
a Jutsayoq këqa manam mana allikunata rurëllatsu, sinöqa mana allikunata rurëta munëpis jutsam, tsënöqa kantsik llapantsikpis Adanpita y Ëvapita karmi.
