Runakunaqa Adanwan Evawan Diosta mana kasukusqankuraykun juchallikunchis, sufrinchis, wañunchis ima. a Ichaqa Jehová Diosmi wawan Jesusta kay pachaman kachamurqan juchamanta wañuymantawan librawananchispaq. Bibliaq nisqan jina, Jesusqa wañusqanwanmi juj preciota pagarqan, chhaynapi juchamanta wañuymantawan librasqa kananchispaq (leey Mateo 20:28). Jesusqa mana juchayoq runataq karqan chayqa, wiñaypaqmi kay pachapi kausanman karqan. Ichaqa noqanchisraykun vidanta qorqan, chhaynapi wiñay kausayman chayananchispaq. Chay ruwasqanwanmi rikuchirqan paypas Jehová Diospas anchata munakuwasqanchista. Kay yachachikuymi kallpachawasun Jesuspa wañusqanmanta agradecekunanchispaq.

1. ¿Imaynatan Jesuspa wañusqan kay tiempopi yanapawasunman?

Juchasapa kasqanchisraykun lliupas mayninpiqa Jehová Diospa mana munasqanta ruwanchis. Chaywanpas atisunmanmi Diospa amigon kayta. Chaypaqqa juchanchiskunamantan arrepientekunanchis, tukuy sonqomantataq Jesuspa sutinpi Diosmanta perdonta mañakunanchis. Chaymantapas kallpachakunanchismi amaña chay juchakunaman urmananchispaq (1 Juan 2:1). Biblian nin: “Cristopas juj kutillatan wañurqan juchata chinkachinanpaq, chanin runan mana chanin runakunarayku wañurqan, chhaynapi Diosman pusanasuykichispaq”, nispa (1 Pedro 3:18).

2. ¿Imaynatan Jesuspa wañusqan jamuq tiempopi yanapawasun?

Jesusqa mana ima juchayoq vidantan entregarqan “pipas paypi iñisqanta rikuchiqqa ama wañunanpaq aswanpas wiñay kausayniyoq kananpaq” (Juan 3:16). Jesuspa chay ruwasqanraykun Jehová Diosqa pisi tiempollamanta chinkachipunqa Adanpa causanpi kaq tukuy mana allinkunata. Sichus Jesuspa wañusqanpi iñisunchis chayqa, wiñaypaqmi kausasunchis kay pacha munay paraisoman tukupuqtin, munay huerta jina kapuqtin (Isaías 65:21-23).

 ASTAWAN YACHASUNCHIS

3. Jesusmi wañusqanwan librawarqanchis juchamanta wañuymantawan

1. Adanqa mana ima juchayoq ch’uya runan karqan, ichaqa manan Diosta kasukurqanchu, chhaynapin llapa runata juchaman wañuymanwan qaraykuwarqanchis.

2. Jesusqa ch’uya runan karqan, payqa tukuy imapin Diosta kasukurqan, chhaynapin ñanta jina kicharqan llapa runapas ch’uya kayman wiñay kausayman ima aypananchispaq.

4. Jesusqa llapa runakunaraykun wañurqan

 5. Jehová Diosqa qanraykun Jesusta kachamurqan

Jehová Diospa amigonkunaqa sapankanchispaqpas wañunman karqan jinatan Jesustaqa qhawarinanchis. Apóstol Pablopas chhaynatan qhawarirqan. Leeychis Gálatas 2:20 textota, jinaspa jamuq tapuyman jina parlariychis:

• ¿Imanirqanmi apóstol Pablo Jesuspa wañusqanmanta?

Adanqa juchallikusqanwanmi llapa miraynin runakunata wañuyman entregarqan. Jehová Diosmi ichaqa wawan Jesusta kachamurqan noqanchisrayku wañunanpaq, chhaynapi wiñay kausayman chayananchispaq.

¡Jehová Diosqa maytachá llakikurqan wawan ñak’arichisqankuta rikumuspaqa! Qatiqninpi textokunata leespa chaypi piensay. Leeychis Juan 19:1-7; 16-18 textokunata, jinaspa jamuq tapuyman jina parlariychis:

• ¿Imaninkin Jehová Dioswan Jesuswan qanrayku imachus ruwasqankumanta?

 IMATAN YACHAMURQANCHIS

Jesuspa wañusqanraykun Jehová Diosqa juchanchismanta perdonawanchis, chaymantapas paypa wañusqanraykun wiñay kausayta chaskisunchis.

Yuyarisun

• ¿Imaraykun Jesús wañurqan?

• ¿Imaynatan Jesús “necesitakusqan preciota” pagarqan?

• ¿Imaynatan yanapasunkiman Jesuspa wañusqan?