Jehová Diosta na cazuimandami Adán y Evaca pecadota rurashpa huañurca. Chaimandami ñucanchicunapash pecadorcuna a capanchi. Shinallata ninanda sufrishpa huañunchi. Pero Jehová Diosca, ñucanchicunata salvangapami paipa Churi Jesucristota cai alpapi huañuchun cachamurca. Caipi pensaripashunchi, pitapash secuestrajpica culquita pagashpami salvaita usharin. Shina cuendami Jesusca paipa jucha illaj causaiguta cushpa, chai culquita paganshna ñucanchicunataca pecadomanda, huañuimandapash salvarca (Mateo 20:​28, liipangui). Jesusca cai alpapi para siempre causana derechota na chasquishpami paipa causaita cushpa gentecunamanga para siempre causana oportunidadta cararca. Shinami Jehová Diospash, Jesuspash ñucanchita juyashcata ricuchirca. Cai leccionbica, chai sacrificiota rurashcamanda agradecido cashcata imashina ricuchinatami yachajugripanchi.

1. Jesuspa huañuica ¿imashinata cunanbica ayudan?

Pecadorcuna caimandaca, Jehová Dios na gustashca cosascunatami huaquinbica ruranchilla. Shinapash shungumandapacha ñucanchi pecadocunamanda arripintirishpa, Jesuspa shutipi perdonahuai nishpa Jehová Diosta mañashpaca, Jehová Dioshuan ali amigo tucuitaca ushanchimi. Shinallata chai juchacunapillata ama cutin urmangapapashmi esforzarina capanchi (1 Juan 2:1). Bibliapica ninmi: “Cristoca, pecadota para siempre chingachingapami shuj viajetalla huañurca. Taita Dioshuan quiquinguna cutin ali tucui ushachunmi, alita ruraj shujlla runaguca nalita rurajcunamanda huañurca” (1 Pedro 3:​18).

2. Jesús huañushcamandaca ¿imashinata jipa punllacunapica beneficiarishun?

Jehová Dios paipa jucha illaj Churiguta cachamushcamandami ‘paipa Churipi crishcata ricuchijcunaca shujllapash na tucuchi tucushpa, sino para siempre causanga’ (Juan 3:16). Jesuspa causaita cushcamandami Adanba culpamanda tiashca llaquicunataca Jehová Diosca ñalla tucuchinga. Shinapash chai sacrificiomanda beneficiaringapaca, Jesuspimi ñucanchi feta churana capanchi. Chaimi cai alpa shuj juyailla paraíso tucujpi para siempre causana oportunidadta charishun (Isaías 65:​21-23).

 ASHTAHUAN YACHAJUPASHUNCHI

3. Jesús huañushcamandami juchamanda, huañuimandapash salvarinchi

1. Adanga perfectomi carca. Shinapash Jehová Diosta na cazuimandami imperfecto tucurca. Chaimi gentecunapash imperfectocuna capanchi

2. Jesusca perfectomi carca. Paica Jehová Diosta cazurcami. Shinami gentecunamanga perfecto tucushpa cai alpapi para siempre causana oportunidadta cararca

4. Jesús huañushcamandaca tucuicunallatami beneficiarinchi

 5. Jehová Diosca Jesuspa causaitaca shuj regalo cuendami cararca

Jehová Diosta sirvijcunaca, Jesús huañushcataca ninandami valichin. Picunalla chaita rurashcata ricungapaca, Gálatas 2:20​ta liipangui. Jipaca cai tapuitapash contestapangui:

• Apóstol Pabloca ¿imata nishpata Jesús huañushcata ninanda valichishcataca ricuchirca?

Adanba culpamandami cai alpapi tucuilla gentecunaca huañuita chasquishcanchi. Pero quiquinbash cai alpapi para siempre causana oportunidadta charichunmi, Jehová Diosca paipa Churiguta cai alpaman cachamurca.

Cai cati versiculocunapica Jesús sufrijujta ricushpa Jehová Dios imashina sintirishcatami ricugripanchi. Juan 19:1​manda 7​caman y 16​manda 18​caman liishpa, cai tapuita contestapangui:

• Jehová Diospash, Jesuspash quiquinda salvashcata yachashpaca ¿imashinata sintiripangui?

 YARINGAPAJ

Jesús huañushcamandami, Jehová Diosca ñucanchi pecadocunata perdonashca. Shinallata cai alpapi para siempre causana oportunidadtapashmi ñucanchimanga carashca.

¿Imatata yachajupashcanchi?

• ¿Imamandata Jesusca huañurca?

• ¿Imamandata Jesuspa perfecto causaica gentecunata salvarca nipanchi?

• Jesús huañushcamandaca ¿imashinata beneficiaripangui?