Adan y Eva Diosta mana casushcamanda, ñucanchiga uchayuc anchi, turmintarinchi, huañunchi. a Chasna ashahuas, mana tucui chingarishca chan. Jehova paiba churita cusha, uchamanda, huañunamanda ñucanchita lugaryachitucushcanchi. Biblia caita yachachin, Jesusca, dihuita pagashcacuinta, tucui ñucanchi uchamanda huañura. Paiba ucha illac causaita cusha, ñucanchita quishpichira (Mateo 20:28​ta leipai). Jesusca cai Allpai huiñai causanata ushashahuas, pai munasha ñucanchimanda huañura. Jesus caita rashcamanda, Adan y Eva chingachishcata cutillata tupana ushanchi. Chasnallata, Jesus, paiba Yaya Jehova, ñucanchita ashcata llaquishcata ricuchinaura. Cai yachana partiga, Jesus huañushcamanda pagrachungahua yanapaitucunchi.

1. Cunan punzha Jesus huañushca imasata yanapaitucunchi

Uchayuc ashcamanda, Jehova mana gustashcagunata ranchi. Chasna ashahuas, Jehovahua amigo tucungahua, ñucanchi uchagunamanda aripintirina anchi. Chiraicu, Jehovata perdonda tapusha, Jesuspa shutibi mañana anchi. Chasnallata, chi uchata mana cutillata rasha catina chanchi (1 Juan 2:1). Bibliaga ninmi: “Jesucristota yuyarichi. Pai alita rac ashallatami mana alita rac runagunamanda turmintarira. Pai ñucanchi uchata anchuchingahua shuc cutinlla huañura ñucanchita Diospagma pushangahua” (1 Pedro 3:18).

2. Shamuc punzhagunaibiga Jesus huañushca imashinata yanapaitucushun

Jehova Diosca “paihua sapalla churita caima cachamushca, tucui paita quiric runaguna ama [...] chingarinauchun, astahuanbas huiñai causaita charinauchun nisha” (Juan 3:16). Jesus paiba causaita cushcamanda, Jehovaga Adan saquishca uchata tucuchinga. Jesuspi quirishaga, shamuc punzhagunaibi gustu Paraiso Allpaibi huiñai cushilla causashun (Isaias 65:21-23).

 CAIMANDA MASTA YACHAI

3. Jesus huañushcaga uchamanda, huañunamanda lugaryachin

1. Adanga ucha illac runa mara, pai Diosta mana casushcamanda, runaguna uchayuc tucusha huañunaun.

2. Jesusca ucha illac runa mara, pai Diosta casushcamanda, runaguna ucha illac tucusha huiñai causangauna.

4. Jesus huañushcaga huin runagunata yanapanata ushan

 5. Jesus huañushcaga cambaraicu Jehova partimanda sumac cumbirashca man

Jehovahua amigoguna Jesus paigunamanda huañushcata yachanaun. Apostol Pabloga Galatas 2:20​bi casna nira: “Cunan ñuca aichahuan casna causaushahuas, Diospa Churibi quirishcamanda causauni. Pai ñucata llaquisha, ñucamanda huañura”. Caita yuyasha, cai tapuimanda cuintanacuichi:

• Apostol Pabloga imahuata Jesus ñucamanda huañura nira.

Adan uchata rashcamanda, huinguna huañuna tucuranchi. Chasna ashahuas, Jehova paiba churita cai Allpama huañungahua cachara. Pai chasna rashcamanda, can huiñai causanata ushangui.

Cai versiculogunata leisha, paiba churi turmintarishcata ricusha, Jehova imashina sintirishcata yuyari. Juan 19:1-7 y 16-18​ta (TNM) leichi, huasha cai tapuimanda cuintanacuichi:

• Jehova y Jesus cambaraicu rashcata ricusha, canga imashinata sintiringui.

 IMATA YACHASHCANGUI

Jesus huañushcamanda, Jehova ñucanchi uchagunata perdonan. Chasnallata, huiñai causaita charishun.

Yachashcata cuintai

• Jesusca imahuata huañura.

• Jesus paihua ucha illac causaita cusha, imashinata Adanba “dihuita” pagara.

• Jesus huañushcaga canda imasata yanapaitucungui.