27 УРОКИ
Сар е Исусескоро мериба спасинел амен?
Аме синям безехале a, мъчинас амен тай мерас, соскето о първа мануша, о Адам тай и Ева, на шунде е Девлес. Ама иси надежда аменге. О Йехова бичшалгяс ки пхув пе Чшес, е Исусес, те мерел аменге, за те освободинел амен таро безех тай таро мериба. И Библия сикавел, кай кана муло, о Исусес диняс о откупи, демек кергяс йекх жертва, която освободинел амен. О откупи си и цена, която платинел пес, за те овел освободиме йекх мануш. И цена, която платингяс о Исусес, сине лескоро съвършено манушикано животос. (Четине Матей 20:28.) О Исусес бияндило сар съвършено мануш, аке соске ащине те живинел завинаги ки пхув. Ама ов сине готово те мерел аменге, за те ащи те овел амен отново всичко со нашалде о Адам тай и Ева. О Исусес също сикавгяс пери тай е Йеховаскери бари любов кариг аменде. Кавка уроки ка помагинел туке те барярес ти благодарност, кай о Исусес диняс по животос туке.
1. Сар е Исусескоро мериба помагинел аменге авдиес?
Щом синям безехале, керас бут букя, коленца дукхавас е Йеховас. Ама ако наистина синям пишмани амаре безехенге, ако молинас е Йеховас е Исусескере алавесте те простинел аменге тай ако дас всичко амендар, за те на керас пак о съща грешкес, ащи те овас лачше амала е Девлеса. (1 Йоан 2:1) И Библия пхенел: „О Христос муло веднъж завинаги е безехенге, йекх праведно мануш, е неправедноненге, за те ингалел тумен жи ко Дел.“ (1 Петър 3:18)
2. Сар е Исусескоро мериба ка помагинел аменге ко бъдеще?
О Йехова бичшалгяс е Исусес те дел по съвършено манушикано животос, „за те ащи секой, ковато верувинел [андо Исусес], те на овел унищожиме, а те живинел вечно“. (Йоан 3:16) Ашал е жертваке, която кергяс о Исусес, о Йехова сиго ка оправинел о кханилипе, ковато ангяс о Адам, кана на шунгяс е Девлес. Аке соске, ако сикавас вяра анде Исусескери жертва, ка ащи те овел амен шукар животос завинаги андо рай ки пхув! (Исаия 65:21-23)
РОДЕ ПО-ХОРЕСТЕ
Ахальов по-лачшес соске о Исусес диняс по животос тай мислине сар лескери жертва помагинел туке.
3. Е Исусескоро мериба освободинел амен таро безех тай таро мериба
Дикхен о КЛИПИ тай хоратинен калке въпросиеске:
-
Со нашалгяс о Адам, кана на шунгяс е Девлес?
Четинен Римляни 5:12 тай хоратинен калке въпросиеске:
-
Со ангяс туке е Адамиескоро безех?
Четинен Йоан 3:16 тай хоратинен калке въпросиеске:
-
Соске о Дел бичшалгяс пе Чшес ки пхув?
-
1. О Адам сине йекх съвършено мануш, ама на шунгяс е Девлес. Аке соске о мануша керен безеха тай мерен
-
2. О Исусес сине йекх съвършено мануш тай шунгяс е Девлес. Аке соске о мануша ащи те ачшон съвършена тай те живинен вечно
4. Е Исусескоро мериба ащи те помагинел саворе манушенге
Дикхен о КЛИПИ тай хоратинен калке въпросиеске:
-
Сар ащи о мериба йекхе манушескоро те помагинел саворе манушенге?
Четинен 1 Тимотей 2:5, 6 тай хоратинен калке въпросиеске:
-
О Адам сине йекх съвършено мануш, ама на шунгяс е Девлес тай кергяс безех. Аке соске саворе мануша керен безеха тай мерен. О Исусес-да сине съвършено мануш. Сар е Исусескери жертва, спасинел амен таро безех тай таро мериба?
5. Е Исусескери жертва си подаръки таро Йехова за туке
Е Йеховаскере амала жанен, кай о откупи си подаръки таро Йехова лично ленге. Четинен Галатяни 2:20 тай хоратинен калке въпросиеске:
-
Сар о апостол Павел сикавгяс, кай приеминел о откупи сар подаръки лично песке?
Кана о Адам кергяс безех, ов тай лескере саворе чшаве сине осъдиме те мерен. Ама о Йехова бичшалгяс пе Чшес, за те ащи те овел тут шукар животос завинаги.
Четине калка стиховя тай представине туке сар чувствингяс пес о Йехова, кана дикхелас сар мъчинел пес лескоро Чшо. Четинен Йоан 19:1-7, 16-18 тай хоратинен калке въпросиеске:
-
Сар чувствинес тут, като жанес со керде о Йехова тай о Исусес за туке?
ДЕКХОЙ АЩИ ТЕ ПУЧЕЛ: „Сар си възможно о мериба йекхе манушескоро те спасинел саворе манушен?“
-
Со ка пхенес леске?
СО СИКЛИЛЯМ
О Исусес муло, за те ащи о Йехова те простинел амаре безеха тай те живинас вечно.
О най-важна букя таро уроки
-
Соске муло о Исусес?
-
Сар е Исусескери жертва спасинел амен таро безех тай таро мериба?
-
Сар помагинел туке е Исусескоро мериба?
АХАЛЬОВ ПО-БУТ
Ахальов соске пхенас, кай е Исусескоро съвършено манушикано животос си откупи аменге.
В какъв смисъл жертвата на Исус е „откуп в замяна на мнозина“? (статия на jw.org)
Дикх со требе те керас, за те овас спасиме таро безех тай таро мериба.
Простинел ли о Йехова баре безеха?
Дикх сар йекх мануш променингяс пес, кана ахалило е Исусескере жертваке.
a Безех нанай само нещо кханило, ковато йекх мануш керел. Аме керас безеха, соскето авас таро Адам тай тари Ева тай бияндилям безехале.