LECȚIA 27
Sar daștil te hastravel-ame o merimos le Isusosco?
Amen păcătuisaras, nachas prin pharimata hai meras anda codoia că le dintune manușa, o Adam hai i Eva, ci așunde le Devlestar. a Cu sea cadala, ci sam hasarde. O Iehova bișaldea pesche Șiaves, le Isus Cristosos, caște hastravel-ame anda o armai le păcatosco hai le merimasco. I Biblia sicavel-ame că, prin pesco merimos, o Isus pochindea iech răscumpărarea. So si iech răscumpărarea? Si o prețo pochindo ca varecon te avel hastrame. O prețo pochindo le Isusostar sas leschi viața perfecto sar manuș. (Citisaren Matei 20:28.) O Isus daisardeas te trail veșnico pi phuv sar manuș. Tha vo alosardea te merel caște pâtrel amenghe o drom caring sea so o Adam hai i Eva hasarde. Prin cadaia sas sicadi i bari iubirea cai le Isusos hai le Iehovas silen caring amende. Cadai lecția va ajutila-tu te diches vi mai cuci o merimos le Isusosco.
1. So miștimata anel amenghe o merimos le Isusosco aghies?
Anda codoia că sam păcătoși, amen cheras but buchia cai duchaven le Iehovas. Cu sea cadala, daștil te avel-ame iech amalimos chidino leia, cana fal-ame ciaces pharo anda le buchia nasul cai cărdeam-le, mangas-les te iertil-ame ando anav le Isusosco hai das sea amari zor te na mai cheras cadal păcatea. (1 Ioan 2:1) I Biblia phenel: „O Cristoso mulea iech data anda sea o timpo anda păcatea, iech manuș orta anda codola neorta, caște îngărel tumen co Del”. (1 Petru 3:18)
2. So miștimata anel amenghe o merimos le Isusosco ando viitorii?
O Iehova bișaldea le Isusos „ca oricon sicavel pachiamos ande leste te na avel distrugime, tha te avel-les viața veșnico”. (Ioan 3:16) Anda codoia că o Isus mulea anda amende, pa țâra timpo o Iehova va chosela sea le buchia nasul cai andea-le o Adam cana ci așundea le Devlestar. Cadea că, dacă sicavas pachiamos ando merimos le Isusosco, daisaras te bucurisaras-ame viațatar anda sea o timpo ando paradiso pi phuv. (Isaia 65:21-23)
HACHIAR MAI MIȘTO
Va avela te hachiares mai mișto sostar mulea o Isus hai so miștimata anel tuche lesco merimos.
3. O merimos le Isusosco hastravel-ame anda o păcato hai o merimos
Dichen o MATERIALO VIDEO hai pala codoia den duma:
-
So hasardea o Adam anda codoia că ci așundea le Devlestar?
Citisaren Romani 5:12 hai pala codoia den duma:
-
So andea tuche o păcato le Adamosco?
Citisaren Ioan 3:16 hai pala codoia den duma:
-
Sostar bișaldea o Iehova pesche Șiaves pi phuv?
-
O Adam sas iech manuș perfecto cai ci așundea le Devlestar hai îngărdea le manușen co păcato hai co merimos
-
O Isus sas iech manuș perfecto cai așundea le Devlestar hai va îngărela le manușen ca i perfecțiunea hai ca i viața veșnico
4. O merimos le Isusosco anel miștimata sea le manușenghe
Dichen o MATERILAO VIDEO hai pala codoia den duma:
-
Sar daștil-pe ca o merimos ieche corcore manușesco te anel miștimata sea le manușenghe?
Citisaren 1 Timotei 2:5, 6 hai pala codoia den duma:
-
O Adam sas iech manuș perfecto cai îngărdea le manușen co păcato hai co merimos. Vi o Isus sas iech manuș perfecto. Sostar o merimos le Isusosco sas iech „lași răscumpărarea” anda le păcatea le manușenghe?
5. I răscumpărarea si o cadouo le Iehovasco anda tute
Le amala le Iehovasche dichen i răscumpărarea sar iech cadouo anda pende. Citisaren Galateni 2:20 hai pala codoia den duma:
-
Sar sicadea o Pavel că dichlea i răscumpărarea sar iech cadouo anda peste?
Cana o Adam păcătuisardea, vo hai sea lesche șiave sas-le șiute tela o armai le merimasco. Tha o Iehova bișaldea pesche Șiaves te merel ca tu te daștis te trais anda sea o timpo.
Cana citis le versetea cai aven, gândisar-tu so sas ande le Iehovasco ilo cana dichlea pesche Șiaves prin so bari duch nachlea. Citisaren Ioan 19:1-7, 16-18 hai pala codoia den duma:
-
So si ande chio ilo acana că jianes so cărdea o Iehova hai o Isus anda tute?
UNII DAȘTINAS TE PUȘEN-TU: „Sar daisardea iech corcoro manuș te merel anda sea le manușa?”.
-
Tu so pheneias lenghe?
SO SICHILEAM
Anda codoia că o Isus mulea anda amende, o Iehova daștil te iertil amare păcatea hai te del-ame viața anda sea o timpo.
So dichleam
-
Sostar mulea o Isus?
-
Sostar o merimos le Isusosco sas iech „lași răscumpărarea” anda le păcatea le manușenghe?
-
So miștimata anel tuche o merimos le Isusosco?
RODE MAI BUT
Va avela te hachiares sostar i viața perfecto le Isusoschi si iech răscumpărarea.
„Sar si i jertfa le Isusoschi iech «răscumpărarea anda but manușa»?” (Articolo pa amaro site-o)
Va avela te hachiares so trebul te cheres caște aves hastrame.
Daștil te iertil o Iehova chiar vi le bare păcatea?
„Pușimata hai răspunsuri andai Biblia” (O Turno de veghe, 1 mai 2013)
Va avela te diches sar ajutisardea i jertfa le Cristososchi ieche murșes te paruvel pesco phiraimos.
a O păcato na-i numai cana varecon cherel iech buchi nasul. Si vi o fapto că amaro ilo țârdel-ame te cheras so si nasul, anda codoia că avas catar o Adam hai i Eva.
Poate că fal-tu
PUȘIMATA ȘIUTINE BUTIVAR
So si o studio biblico le Martorența le Iehovasche?
Ande cado studio biblico gratuime le Martorența le Iehovasche, daștis te folosis orisavi Biblia cames. Daștis te achares ca o studio sea chi familia sau oricas cames.
