Le pervo manush, o Adan ai e Eva, chi pakiaie o mui le Devlesko. Pala godia sam bezejale, sam po kino ai meras. a Numa nai sa jasardo. O Jehova mashkar pesko Shau, o Jesukristo, kerdias vareso te skepil amen anda o bezej ai anda e martia. E Biblia sikavel ke o Jesus dias pesko traio sar iek sakrifisio te skepil amen, iek traio kai nas les khanchi nasul (chito Mateo 20:28, NWT). Sar nas bezej ando Jesus ai pakialas o mui katar o Jehova, shai traisardiasas pe Phuv ai te na merel. Numa kamlias te del pesko traio pala amende, te las sa so jasarde o Adan ai e Eva. Ai vi sikadias sode kamel amen vo ai o Jehova. Kako sikaimos si te azhutil tu te mai naisis so kerdias o Jesus.

1. Sar azhutil amen akana e martia le Jesusoski?

Sar sam bezejale, keras but prame kai chi plachal ka o Jehova. Numa te keis amen pala amare bezeja ai te mangasa katar o Jehova, mashkar o Jesus, te iertil amen, shai avas leske amiguria. Ai vi trobus te thas zor te na mai keras le prame kai kerasas (1 Iovano 2:1). E Biblia phenel: “O Kristo mulo pala tumende, Wo mulo ferdi iek data pala le bezexa le manushenge, Wo kai sas lasho mulo pala le manush kai sas nasul [nas vorta], saxke te anel tume ka Del” (1 Petri 3:18).

2. Sar si te azhutil amen mai angle e martia le Jesusoski?

O Jehova tradias peske Shaves te del pesko traio, gadia “kon godi kai pachalpe ande leste [Jesus] te na xaiil, numa te avel les o traio kai chi mai getolpe” (Iovano 3:16). Pala so kerdias o Jesus, ande tsirha vriama o Jehova si te ankalavel sa le prame nasul kai andias o bezej le Adanosko. Pala godia, te sikavasa pakiamos ando sakrifisio le Jesusosko, shai avel amen iek lasho traio pe sa e vriama kana e Phuv avela iek paraiso (Isaías 65:21-23).

 TE MAI SIKIOS

3. E martia le Jesusoski skepil amen anda o bezej ai e martia

1. Ando Adan nas khanchi nasul ai kana chi pakiaias o mui le Devlesko, ningerdias le manushen ka o bezej ai e martia.

2. Sar ando Jesus nas khanchi nasul ai pakiaias o mui le Devlesko, putardias o drom te train le manush, te na avel len khanchi nasul ai te na mai meren.

4. E martia le Jesusoski shai anel mishtimos sa la lumiake

 5. O sakrifisio si vareso kai dias o Jehova tuke

Le amiguria katar o Jehova dikhen so kerdias o Jesus sar vareso defial kuchi lenge. Te dikhen iek ejemplo, chiton Gálatas 2:20 [NWT] ai den duma pa:

• Sar zhanas ke le Pavloske sas defial baro o sakrifisio le Jesusosko?

O bezej le Adanosko andias e martia peske ai peske shavenge, numa o Jehova tradias peske Shaves pe Phuv te merel pala tute ai gadia te shai trais ai te na meres.

Kana chitosa kakala verseturia, de tu gogi sar aliardiaspe o Jehova kana dikhelas sar nekezhilas lesko Shau. Chiton Juan 19:1-7 ai 16-18 [NWT], ai den duma pa:

• Kana des tu gogi so kerdias o Jehova ai o Jesus pala tute, sar aliarelpe kiro ilo?

 SO DIKHLIAM

Pala e martia le Jesusoski, o Jehova iertil amare bezeja ai shai trais pe sa e vriama.

So sas te mothos?

• Sostar mulo o Jesus?

• Sostar phenas ke leski martia si amenge iek sakrifisio kai skepil amen anda o bezej ai e martia?

• Savo mishtimos les pala e martia le Jesusoski?