Через кода, кай о Адамо и Ева на канглэ лэ Дэвлэс a, и мануша ашэлэ ӷрешни, мучинпэ и мэрэн. Но лашимос авэла. О Иегова стердя вся через пэско Шаво о Иисус Христос, кай тэ улэл лэ манушэндар о бэзэх и смэрть. Андэ Библия пистромэ, кай о Иисусо потиндя о выкупо. Во витиндя лэ манушэн кодэлэса, кай отдя пэстири найӷрешно жызня, сави лэстэ сас пэ ԥув. (Адиносар Матфея 20:28.) Кай о Иисусо сас право тэ жувэл пэ ԥув вечно, но во отԥэнделя кадэлэстар, кай амэндэ тэ авэл вся, со хасардя о Адамо и Ева. Через лэ Иисусостири смэрть амэ полям, сар дэ фартэ амэн любий о Иегова и о Иисусо. Кадэя ӷлава поможыя тэ цэнисарас кода, со стердя важ амэндэ о Иисусо.

1. Со можэт тэ авэл амэндэ адес через кода, кай о Иисусо отдя пэстири жызня?

Амэ всаворэ ӷрешни и бут анда кода, со амэ терас, на чалёл лэ Иеговасти. Но если амэндэ дуқал оди кодэлэстар, со амэ стердям, амэ можэм через о Иисусо тэ мангас лэ Иеговас тэ простий амэн и будэр тэ на терас кода упалэ, тоди амэ сможэм тэ ладисарас лэ Дэвлэса (1 Иоанна 2:1). Андэ Библия пистромэ: «О Христос еқвар и навсегда муля пала ӷрехоря, праведно пала нэправедни, кай тумэ тэ ладин лэ Дэвлэса» (1 Петра 3:18).

2. Со через лэ Христости смэрть можэт тэ авэл амэндэ англэ?

О Иегова бишалдя пэ ԥув лэ Иисусос, кай во тэ отдэл пэстири совершэно манушыкани жызня важ и мануша, «кай кажно, ко сыкавэл, кай патял андэр лэстэ, тэ на мэрэл, ай тэ жувэл вечно» (Иоанна 3:16). Через кода, со стердя о Иисусо, о Иегова улэла вся о найлашимос, саво жыля лэ Адамостар. Вижал, если амэ патяс, кай о Иисусо отдя важ амэндэ пэстири жызня, амэ можэм тэ жувас вечно андо раё пэ ԥув (Исаия 65:21—23).

 УӶАНАМ МАЙ БУТ

3. О Иисусо спасысардя амэн лэ бэзэхэстар и ла смэртятар

1. 1. Совершэно мануш о Адамо на кангля лэ Дэвлэс. Через лэстэ всаворэ мануша ӷрешни и мэрэн

2. 2. Совершэно мануш о Иисусо андэ вся кандэлас лэ Дэвлэс. Через лэстэ и мануша моӷут тэ ашэн совершэни и тэ жувэн вечно

4. Саво лашимос анэн лэ Иисусости смэрть всаворэ манушэнди?

 5. Кадэва подарко тути лэ Иеговастар

Лэ Иеговастирэ друӷоря прилэн о выкупо, сар подарко, каринг пэстэ. Адиносарам Галатам 2:20 и подам дума пала вопросо, саво май тэлэ.

• Сар анда лэ Павлостирэ алава дицол, кай во приля о выкупо, сар подарко, саво стердэ важ лэстэ?

Кала о Адамо стердя бэзэх, лэсти и всаворэ лэстирэ потомконэнди сас виандярдо смертно приӷоворо. О Иегова домэкля, кай лэско Шаво о Иисусо муля, кай амэ тэ жувас вечно.

Кала ту адиноса кадэла стихоря, погиндосар, со сас по ди кай о Иегова, кала во диқэлас, саво ԥаримос сас кай лэско Шаво. Адиносарам Иоанна 19:1—7, 16—18 и подам дума пала вопросо, саво май тэлэ.

• Со тутэ по ди, кала ту уӷанглян, пэр со важ тутэ жылэ о Иегова и о Иисусо?

 ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай через лэ Иисусости смэрть, о Иегова простий амэн. Кадяжэ через латэ амэ можэм тэ жувас вечно.

Сар ту гиндос?

• Васо о Иисусо муля?

• Васо можно тэ ԥэнас, кай о Иисусо отдя важ о выкупо кацави жэ жызня, сави сас кай о Адамо?

• Саво лашимос кодэлэстар, кай о Иисусо отдя пэстири жызня важ амэндэ?