Hine ha doha, ha xaniseka hi tlhela hi fa hikusa Adamu na Evha a va mu yingisetanga Xikwembu Nkulukumba. a Kambe ha ha sali ni dumbo. Yehovha a zrumele N’wanake Yesu Kriste akuva a hi huluxa ka xidoho ni lifu. Bibele dzri dondzrisa leswaku Yesu a hi tizrulile hi lifu dzrake. Xitizrulo i mali leyi hakeliwaka akuva ku ntsrhunxiwa mhunu wa kukazri. Yesu a hakele xitizrulo hi wutomi byake lebyi hetisekiki. (Dondzra Matewu 20:28.) Hi ku swi zrandzra, Yesu a nyikele wutomi byake, a tsrhika mfanelo yake ya ku hanya hi lani ku nga helikiki la misaveni. Hi nkonta ya leswo, a hi pfulele ndlela ya kuva hi tlhela hi kuma hinkwaswu leswi Adamu na Evha va swi lahliki. Lifu dzra Yesu dzri yi beke livaleni ndlela leyi Yehovha a hi zrandzraka ha yone. Xidondzro lexi xi ta ku pfuna akuva u ya u dzri tlangela swinene lifu dzra Yesu.

1. Xana lifu dzra Yesu dzri nga hi pfuna hi ndlela yini a masikwini yezru?

Leswi hi nga vadohi, hi yentxa mintxhumu yinyingi leyi nga mu nyonxisikiki Yehovha. Nambi tanu, hi kola ka leswi Yesu a hi yentxeliki swone, hi nga dzrivaleliwa swidoho swezru. Akuva swoswo swi koteka, hi fanela ku tisola na swi sukela mbilwini, hi khongota ka Yehovha hi vito dzra Yesu akuva a hi dzrivalela swidoho swezru hi tlhela hi lwa hi ntamu hinkwawu akuva hi nga ha phindhi swidoho swoleswo. Ku yentxa leswo swi ta hi pfuna ku va vanghanu lavakulu va Xikwembu Nkulukumba. (1 Yohan 2:1) Bibele dzri li: ‘Kriste a xanisekile kan’we hi nkonta ya swihono, yene, lwe wa ku lulama, hi nkonta ya lava ku somboloka, akuva a hi yisa ku Xikwembu Nkulukumba.’—1 Petros 3:18.

2. Xana lifu dzra Yesu dzri ta hi pfunisa kuyini a nkameni lowu taka?

Yehovha a zrumele Yesu akuva a nyikela wutomi byake lebyi hetisekiki ‘akuva mani na mani lweyi a pfumelaka ku yene a nga lahleki, kambe a kuma wutomi lebyi nga gamikiki’. (Yohan 3:16) Hi nkonta ya leswi Yesu a swi yentxiki, ku nga li khale Yehovha a ta helisa wubihi hinkwabyu lebyi vangiwiki hi ku kala ku yingiseta ka Adamu. Leswi swi hlaya leswaku loko hi kombisa lipfumelo ka lifu dzra Yesu, hi ta hanya hi lani ku nga helikiki a misaveni leyi nga Paradeyisi!—Ezaya 65:21-23.

 KELISISA

3. Lifu dzra Yesu dzri hi ntsrhunxa ka xidoho ni lifu

1. Adamu a a hetisekile, kambe hi kola ka leswi a kalaka a nga mu yingisetanga Xikwembu Nkulukumba, vhanu hinkwavu va doha va tlhela va fa

2. Yesu a a hetisekile, hi kola ka leswi a yingisetiki Xikwembu Nkulukumba, vhanu hinkwavu va ta va ni wutomi lebyi hetisekiki va tlhela va hanya hi la ku nga helikiki

4. Lifu dzra Yesu dzri nga pfuna vhanu hinkwavu

 5. Xitizrulo i nyiko leyi Yehovha a ku nyikiki yone

Vanghanu va Yehovha va vona xitizrulo swanga nyiko leyi Yehovha a va nyikiki yone. Hi xikombiso, dondzrani Ba-le-Galatia 2:20, mi gama mi bulisana hi xivutiso lexi landzrelaka:

• Xana mupostola Pawulo a swi kombise hi ndlela yini leswaku a a vona xitizrulo swanga nyiko leyi Xikwembu Nkulukumba a mu nyikiki yone?

Ntsrhaku ka loko Adamu a dohile, yene ni vanake va tsremeliwe lifu. Kambe Yehovha a nyikele wutomi bya N’wanake leswaku wene u ta hanya hi ku nyonxa hi lani ku nga helikiki.

Loko u ya u dondzra tindzrimana leti, yanakanya hi leswi Yehovha a nga ha vaka a titwise xiswone loko a vona N’wanake na a xaniseka. Dondzrani Yohan 19:1-7, 16-18, mi gama mi bulisana hi xivutiso lexi landzrelaka:

• U titwisa kuyini hi leswi Yehovha na Yesu va ku yentxeliki swone?

 NKATSRAKANYU

Hi kola ka lifu dzra Yesu, swa koteka kuva Yehovha a hi dzrivalela swidoho swezru nakone swi ta koteka kuva hi hanya hi ku nyonxa hi lani ku nga helikiki.

Mpfuxeto

• Ha yini Yesu a file?

• Xana wutomi bya Yesu lebyi hetisekiki, i xitizrulo lexi dzringanaka hi ndlela yini?

• Xana lifu dzra Yesu dzri nga ku pfunisa kuyini?