LESOGNE 27
Nagnino ro Mandrombake Antikagne ty Nimateza i Jesosy?
Nanjare mpanota naho mijale sady mate tikagne satria tsy nankatò an’Andrianagnahare ty Adama naho i Eva. a Faie tsy midika zay tie, tsisy fanantenagne sasa tika. Nanao raha ty Jehovah mba hagnafahagne antika amy ty ota naho ty fate. Nagnirake i Ana’ey reke mba ho mate ho antikagne. Ampianare ty Baiboly fa tsy maintsy nimate ty Jesosy vaho izay afake nagnomey i solovoigney. Vola aloa mba hagnafahagne ndaty raike ty atao tihoe solovoigne. I fiay i Jesosy voririkey ty nimei’e mba hagnavotagne antikagne. (Vakio ty Matio 20:28.) Nanagne zo hiaigne nainai’e an-tane etoy ty Jesosy. Faie vognogne hamoe izay reke satria tea’e ho azontikagne i raha nafoe i Adama naho i Evay. Naseho i Jesosy ka fa tena tea antikagne iareo amy i Jehovah. Hagnampe azo hankasitrake ty sorogne natao i Jesosy ty lesogne toy.
1. Ino ty soa rambesentikagne manomboke amy izao noho i Jesosy nimate ho antikagne?
Mpanota tikagne, le mateteke manao raha tsy mampifale i Jehovah. Faie afake ho mpinamagne maifitse amy i Jehovah tikagne naho manegnegne, mangatake famelan-keloke ama’e amy ty alala i Jesosy Kristy sady mikezake mafe mba tsy hagneregne i fahadisoagney sasa. (1 Jaona 2:1) Hoe ty Baiboly: “Nimate indraike avao, noho o otao [ty Kristy], ty dika izay ndaty maregne ho solo ty tsy maregne, mba hindesa’e anareo ho mbaman’Andrianagnahare mbeo.”—1 Petera 3:18.
2. Ino ty soa ho azontikagne amy ty hoavy noho i Jesosy nimate ho antikagne?
Nagnirake i Jesosy ty Jehovah mba hagnomey i fiai’e voririkey, “soa tie tsy ho ringagne ze manoro ty finoa’e [i Jesosy], fa ho velogne tsy misy fara’e.” (Jaona 3:16) Nanjare nisy raha raty maro naho fa tsy nankatò an’Andrianagnahare ty Adama. Faie noho ty raha natao i Jesosy, le afake magnafoagne i raha raty rey ty Jehovah. Kedekede ty sisa, le hanao izay reke. Naho manoro finoagne i sorogne natao i Jesosỳ tikagne, le hiaigne nainai’e amy i Paradisa an-tane etoỳ.—Isaia 65:21-23.
ANDAO HANDINEKE TY PITSOPITSO’E
Hodinehentikagne ato amy ty pitsopitso’e ty anto’e nanolora i Jesosy ty fiai’e naho ty soa azontikagne boake amy izay.
3. Magnafake antikagne amy ty ota naho ty fate ty sorogne natao i Jesosy
Alefaso i VIDEO oy, sady iharò midineke ty fagnonteneagne toy naho fa avy eo.
-
Ino ty raha nafoe i Adama naho fa tsy nankatò an’Andrianagnahare reke?
Vakio ty Romanina 5:12, sady iharò midineke ty fagnonteneagne toy:
-
Ino ty voka i fahota i Adamay amantikagne?
Vakio ty Jaona 3:16, sady iharò midineke ty fagnonteneagne toy:
-
Nagnino ty Jehovah ro nagnirake i Ana’ey ho an-tane etoy?
-
Voririke ty Adama faie tsy nankatò an’Andrianagnahare. Nanjare mpanota naho mate o ndatio iaby noho izay
-
Voririke ty Jesosy sady nankatò an’Andrianagnahare. Afake ho voririke indraike naho hiaigne nainai’e o ndatio iaby noho izay
4. Mahasoa ze kila ndaty i sorogne natao i Jesosỳ
Alefaso i VIDEO oy, sady iharò midineke ty fagnonteneagne toy naho fa avy eo.
-
Nagnino ty nimateza ty ndaty raike ro mahasoa ze kila ndaty?
Vakio ty 1 Timoty 2:5, 6, sady iharò midineke ty fagnonteneagne toy:
-
Voririke ty Adama, faie nanota reke, le nanjare mpanota naho mate iaby o ndatio. Voririke nanahake i Adama ka ty Jesosy. Nagnino areke reke ro afake nagnomey “solovoigne mifandanja”?
5. Fagnomezagne nimey i Jehovah azo i solovoigney
Mihevetse i solovoigney ho fagnomezagne natao ho aze manokagne ze ndaty nama i Jehovah. Ohatse, vakio ty Galatianina 2:20, sady iharò midineke ty fagnonteneagne toy:
-
Ino ty mampiseho fa nirambese i apostoly Paoly ho fagnomezagne ho aze manokagne i solovoigney?
Naho fa nanota ty Adama, le nimelohegne ho mate reke naho ty tarana’e. Faie nirahe i Jehovah i Ana-dahi’ey mba ho mate ho azo, amy izay rehe ho afake hiaigne nainai’e.
Naho fa mamaky ty andinin-teny retoa rehe, le alao sare an-tsaigne ty nitsapa i Jehovah naho fa nijale i Ana-dahi’ey. Vakio ty Jaona 19:1-7, 16-18, sady iharò midineke ty fagnonteneagne toy:
-
Ino ty tsapa’o naho fa mieretseretse ty raha natao i Jehovah naho i Jesosy ho azo rehe?
VA’E HISY TY HAGNONTANE TIE: “Akore ty hahavy ty fate ty ndaty raike hagnavotse ndaty maro?”
-
Akore ty havale’o izay?
FAMINTIGNAGNE
Noho i sorogne natao i Jesosỳ, le afake mamela ty fahadisoantikagne ty Jehovah, sady ho afake hiaigne nainai’e tikagne.
Fameregnagne
-
Nagnino i Jesosy nimateo?
-
Nagnino ro atao tihoe solovoigne mifandanja i fiay i Jesosy voririke nimei’ey?
-
Nagnino ro mahasoa azo ty nimateza i Jesosy?
FAGNAZAVAGNE FAGNAMPE’E
Nagnino ro atao tihoe solovoigne i aigne voririke nimey i Jesosỳ?
Ino ty toko’e hataontikagne mba hahavy antikagne ho avotse?
“Nagnino ro Rehafegne tie Mpamonje ty Jesosy?” (Lahatsoratse amy jw.org ao)
Afake mamela ty fahotantikagne vao ty Jehovah ndra tie nanao fahotagne lahibey aza tikagne?
“Valem-pagnonteneagne Ara-baiboly” (Fitalakesan-davitse 1 Mey 2013)
Nagnampe ty lahilahy raike toy hagnova ty maha ie aze ty fianara’e ty miomba i solovoigne nanoe i Kristỳ.
a Tsy tihoe ty raha raty atao avao ty tafilitse amy tihoe manota. Midika ka io fa mora voatarike hanao raty tikagne satria tarana i Adama naho i Eva.
Va'e ho Tea'o Ka
FAGNONTENEAGNE FAPETRA O NDATIO
Inogne ty Atao Tihoe Fianaragne Baiboly?
Afake mampiasa ze Baiboly tea’o rehe naho fa mianatse Baiboly amy ty Vavolombelo i Jehovah. Maimaimpoagne i fianaragney sady afake taone’o hiarake hianatse ama’o ka ty keleia’o ndra ty ragne’o.
